ನವದೆಹಲಿ: 117 ವರ್ಷದ ನೋಂದಣಿ ಕಾಯ್ದೆ -1908ಕ್ಕೆ ತಿದ್ದುಪಡಿ ತರಲು ಕೇಂದ್ರ ಸರ್ಕಾರ ಮುಂದಾಗಿದೆ. ಭೂ ಸಂಪನ್ಮೂಲ ಹಾಗೂ ಗ್ರಾಮೀಣಾಭಿವೃದ್ಧಿ ಇಲಾಖೆ ಈ ಕುರಿತ ಕರಡು ವಿಧೇಯಕ ಸಿದ್ಧಪಡಿಸಿದೆ.
ಭೂ ದಾಖಲೆಗಳು ಮತ್ತು ಇತರೆ ಆಸ್ತಿ ವಹಿವಾಟುಗಳ ನೋಂದಣಿಯ ಸಂದರ್ಭದಲ್ಲಿ ಆಧಾರ್ ಆಧಾರಿತ ದೃಢೀಕರಣವನ್ನು ಕಡ್ಡಾಯ ಮಾಡದೆ ಐಚ್ಚಿಕ ಆಯ್ಕೆಯನ್ನಾಗಿ ನೀಡಲು ಸರ್ಕಾರ ಮುಂದಾಗಿದೆ. ಅಲ್ಲದೇ ಆನ್ಲೈನ್ ಮೂಲಕವೂ ಆಸ್ತಿ ನೋಂದಣಿಗೆ ಅವಕಾಶ ಕಲ್ಪಿಸಿದ ಬಗ್ಗೆ ಕರಡು ವಿಧೇಯಕದಲ್ಲಿ ಹೇಳಲಾಗಿದೆ. ಆದರೆ ಆಧಾರ್ ಸಂಖ್ಯೆ ಆಧರಿತ ದೃಢೀಕರಣವನ್ನು ಕಡ್ಡಾಯಗೊಳಿಸಿಲ್ಲ. ಬದಲಿಗೆ, ಅದನ್ನು ಐಚ್ಚಿಕ ಆಯ್ಕೆಯನ್ನಾಗಿ ಇರಿಸಲಾಗಿದೆ.
ಆಧಾರ್ ಬದಲಿಗೆ ಪರ್ಯಾಯ ದಾಖಲೆಗಳನ್ನು ದೃಢೀಕರಣಕ್ಕೆ ಬಳಸಲು ಅವಕಾಶ ಕಲ್ಪಿಸಲಾಗಿದೆ. ಆಧಾರ್ ಸಂಖ್ಯೆ ಇಲ್ಲದವರು ಅಥವಾ ಆಧಾರ್ ಮಾಹಿತಿ ನೀಡಲು ಇಚ್ಚಿಸದವರು ಈ ಪರ್ಯಾಯ ಆಯ್ಕೆ ಮಾಡಿಕೊಳ್ಳಬಹುದು. ಹೊಸ ವಿಧೇಯಕ ಕಾನೂನಾಗಿ ಜಾರಿಯಾದಲ್ಲಿ ಆನ್ಲೈನ್ ಮೂಲಕವೇ ದಾಖಲೆ ಸಲ್ಲಿಕೆ, ದಾಖಲೆಗಳ ಈ ದೃಢೀಕರಣ, ಆನ್ಲೈನ್ ಮೂಲಕವೇ ನೋಂದಣಿ ಪ್ರಮಾಣ ಪತ್ರ ವಿತರಣೆಗೆ ಅವಕಾಶ ದೊರೆಯಲಿದೆ. ಈ ವಿಧೇಯಕದ ಬಗ್ಗೆ ಸಾರ್ವಜನಿಕರ ಸಲಹೆ ಸೂಚನೆಗಳನ್ನು ಆಹ್ವಾನಿಸಲಾಗಿದೆ.
ಅಕ್ರಮ ತಡೆಯುವ ನಿಟ್ಟಿನಲ್ಲಿ ನೋಂದಣಿಗೆ ಆಧಾರ್ ದೃಢೀಕರಣ ಕಡ್ಡಾಯ ಮಾಡಲು ಕರ್ನಾಟಕ ಸರ್ಕಾರ ನಿರ್ಧರಿಸಿದ್ದು, ಈ ಕುರಿತಾಗಿ ಇತ್ತೀಚಿಗೆ ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆಯಲಾಗಿದೆ.
Loading ...
