ಮೂಕ ಪ್ರಾಣಿಗಳು ಮತ್ತು ಪಕ್ಷಿಗಳಿಗೆ ಆಹಾರ ನೀಡುವುದು ಸತ್ಕಾರ್ಯವೇ ಸರಿ. ಅನೇಕರು ಈ ಮೂಲಕ ಪುಣ್ಯ ಗಳಿಸಬೇಕೆಂದು ಬಯಸುತ್ತಾರೆ. ಆದರೆ ಹಕ್ಕಿಗಳಿಗೆ ಅದರಲ್ಲೂ ಪಾರಿವಾಳಕ್ಕೆ ಆಹಾರ ಹಾಕುವ ಕಾರ್ಯ ನಮಗೆ ಮಾರಕವಾಗುವ ಸಾಧ್ಯತೆ ಇದೆ.
ಜನರು ಧಾನ್ಯಗಳನ್ನು ಪಾರಿವಾಳಗಳಿಗೆ ತಿನ್ನಿಸುತ್ತಾರೆ. ಈ ಪಾರಿವಾಳಗಳು ಮನೆ ಛಾವಣಿಗಳು, ಬಾಲ್ಕನಿ ಮತ್ತು ಸ್ಕೈಲೈಟ್‌ಗಳ ಮೇಲೆ ಬಿಡಾರ ಹೂಡುತ್ತವೆ. ಪಾರಿವಾಳದ ಹಿಕ್ಕೆಗಳಲ್ಲಿ ಕ್ಲಮೈಡಿಯ ಸಿಟ್ಟಾಸಿ ಎಂಬ ಬ್ಯಾಕ್ಟೀರಿಯಾ ಇರುತ್ತದೆ. ಈ ಬ್ಯಾಕ್ಟೀರಿಯಾವು ಗಾಳಿಯ ಮೂಲಕ ಮಾನವನ ಶ್ವಾಸಕೋಶವನ್ನು ತಲುಪುತ್ತದೆ ಮತ್ತು ಸಿಟ್ಟಾಕೋಸಿಸ್ ಎಂಬ ಸೋಂಕನ್ನು ಉಂಟುಮಾಡುತ್ತದೆ.
ಇತ್ತೀಚಿನ ದಿನಗಳಲ್ಲಿ ಈ ಸೋಂಕಿನಿಂದ ಬಳಲುತ್ತಿರುವವರ ಸಂಖ್ಯೆ ಹೆಚ್ಚುತ್ತಿದೆ. ಕ್ರಿಪ್ಟೋಕೊಕಲ್ ಶಿಲೀಂಧ್ರವು ಪಾರಿವಾಳದ ಹಿಕ್ಕೆಗಳಲ್ಲಿ ಹೇರಳವಾಗಿ ಕಂಡುಬರುತ್ತದೆ. ಈ ಶಿಲೀಂಧ್ರವು ಪಾರಿವಾಳವು ಉಸಿರಾಡಿದಾಗ ಗಾಳಿಯಲ್ಲಿ ಬರುತ್ತದೆ ಮತ್ತು ಉಸಿರಾಟದ ಮೂಲಕ ಮನುಷ್ಯನ ಶ್ವಾಸಕೋಶಕ್ಕೆ ಹೋಗುತ್ತದೆ.
ಮಧುಮೇಹ, ಏಡ್ಸ್, ಅಥವಾ ಮೂತ್ರಪಿಂಡ/ಯಕೃತ್ತಿನ ಕಸಿ ಮಾಡಿಸಿಕೊಂಡ ರೋಗಿಗಳಲ್ಲಿ ರೋಗನಿರೋಧಕ ಶಕ್ತಿ ಕಡಿಮೆಯಾಗಿರುತ್ತದೆ. ಅಂತಹ ಸಂದರ್ಭದಲ್ಲಿ ಈ ಶಿಲೀಂಧ್ರಗಳು ಶ್ವಾಸಕೋಶದ ಮೂಲಕ ಮಾನವನ ಮೆದುಳಿಗೆ ಪ್ರಯಾಣಿಸಬಹುದು ಮತ್ತು ಕ್ರಿಪ್ಟೋಕೊಕಲ್ ಮೆನಿಂಜೈಟಿಸ್‌ಗೆ ಕಾರಣವಾಗಬಹುದು. ಈ ರೋಗವು ತುಂಬಾ ಗಂಭೀರ ಮತ್ತು ಮಾರಣಾಂತಿಕವಾಗಿದೆ.
ಕ್ರಿಪ್ಟೋಕೊಕಲ್ ಮೆನಿಂಜೈಟಿಸ್ ಅನ್ನು ಎಂಟಿಫಂಗಲ್ ಔಷಧಿಗಳೊಂದಿಗೆ ಚಿಕಿತ್ಸೆ ನೀಡಲಾಗುತ್ತದೆ. ಆದಾಗ್ಯೂ ಈ ರೋಗದ ಚಿಕಿತ್ಸೆಯು ಯಾವಾಗಲೂ ಯಶಸ್ವಿಯಾಗುವುದಿಲ್ಲ. ಈ ಕಾಯಿಲೆಯಿಂದ ಪಾರಾಗಲು ಕೆಲವೊಂದು ಎಚ್ಚರಿಕೆಗಳನ್ನು ವಹಿಸಬೇಕು.
ಪಾರಿವಾಳಗಳ ಸುತ್ತಲೂ ಇರುವುದನ್ನು ತಪ್ಪಿಸಿ. ಮಾಸ್ಕ್‌ ಧರಿಸಿಕೊಂಡು ಹೋಗುವುದು ಉತ್ತಮ. ಪಾರಿವಾಳದ ಹಿಕ್ಕೆಗಳಿಂದ ಕಲುಷಿತಗೊಂಡ ಮೇಲ್ಮೈಗಳನ್ನು ಸ್ಪರ್ಶಿಸಬೇಡಿ. ಪಾರಿವಾಳದ ಹಿಕ್ಕೆಗಳನ್ನು ಸ್ವಚ್ಛಗೊಳಿಸಲು ಸಾಬೂನು ಮತ್ತು ನೀರನ್ನು ಬಳಸಿ. ಪಕ್ಷಿಗಳನ್ನು ಪ್ರೀತಿಸುವುದು ತಪ್ಪಲ್ಲ, ಆದರೆ ಎಚ್ಚರಿಕೆ ಮತ್ತು ಮತ್ತು ಶುಚಿತ್ವ ಅಗತ್ಯ.
ಕ್ರಿಪ್ಟೋಕೊಕಲ್ ಮೆನಿಂಜೈಟಿಸ್‌ನ ಲಕ್ಷಣಗಳೆಂದರೆ ತಲೆನೋವು, ಜ್ವರ ಮತ್ತು ಮಾನಸಿಕ ಸಾಮರ್ಥ್ಯ ಕಡಿಮೆಯಾಗುವುದು. ವ್ಯಕ್ತಿಯಲ್ಲಿ ಈ ರೋಗಲಕ್ಷಣಗಳು ಕಂಡುಬಂದಲ್ಲಿ ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು.
Loading ...
