ಪಠಾಣ್​ ಭರ್ಜರಿ ಯಶಸ್ಸಿನ ಬೆನ್ನಲ್ಲೇ ಈ ದಂಪತಿಯ ಕಾರಿಗೂ ಹೊಸ ಲುಕ್…..​!

ಮುಂಬೈ: ಶಾರುಖ್​ ಖಾನ್​ ಅವರ ಪಠಾಣ್​ ಚಿತ್ರ ಭರ್ಜರಿ ಯಶಸ್ಸು ಕಾಣಿಸುತ್ತಲೇ ಅವರ ಅಭಿಮಾನಿಗಳನ್ನು ಅದನ್ನು ವಿಭಿನ್ನ ರೀತಿಯಲ್ಲಿ ಆಚರಿಸುತ್ತಿದ್ದಾರೆ.

ಶಾರುಖ್ ಖಾನ್​ ಕುರಿತು ಇಲ್ಲೊಂದು ದಂಪತಿಯ ಕ್ರೇಜ್ ಎಷ್ಟಿದೆ ಎಂದರೆ ಅವರ ಪ್ರತಿಯೊಂದು ಚಿತ್ರಕ್ಕೂ ಈ ಜೋಡಿಯ ಕಾರಿನ ಲುಕ್ ಬದಲಾಗುತ್ತದೆ. ಥಿಯೇಟರ್‌ಗಳಲ್ಲಿ ಯಾವುದೇ ಚಿತ್ರ ಬಿಡುಗಡೆಯಾಗಲಿ, ಇಡೀ ಕಾರಿಗೆ ಅದೇ ಬಣ್ಣ ಮತ್ತು ಹೆಸರಿನಲ್ಲಿ ಬಣ್ಣ ಹಚ್ಚಲಾಗುತ್ತದೆ. ಅಷ್ಟೇ ಅಲ್ಲ, ಗಂಡ ಹೆಂಡತಿ ಇಡೀ ಮನೆಯನ್ನು ಕಿಂಗ್ ಖಾನ್ ಸಾಮ್ರಾಜ್ಯವನ್ನಾಗಿ ಮಾಡಿದ್ದಾರೆ.

ವಿಶಾಲ್ ಸಿಂಗ್ ಅವರ ಮನೆ ಶಾರುಖ್ ಖಾನ್ ಅವರಿಗೆ ಮೀಸಲಾಗಿರುವ ಬೃಹತ್ ವಸ್ತು ಸಂಗ್ರಹಾಲಯದಂತಿದೆ. ಅವರ ಮನೆಯ ಗೋಡೆಗಳಿಂದ ಹಿಡಿದು ದೇವರಮನೆ ಸೀಲಿಂಗ್, ಬಾತ್ ರೂಂ, ಎಸಿ, ಬಾಗಿಲುಗಳು, ಟೇಬಲ್ ಮತ್ತು ಬೆಡ್ ರೂಮ್ ದಿಂಬಿನವರೆಗೆ ಶಾರುಖ್ ಖಾನ್ ಅವರ ಫೋಟೋಗಳು ಎಣಿಸಲು ಕಷ್ಟ. ಈ ಜೋಡಿಯು ಶಾರುಖ್ ಖಾನ್ ಅವರ ಕುಟುಂಬಕ್ಕೆ ತುಂಬಾ ಹತ್ತಿರವಾಗಿದೆ.

ಪಠಾಣ್​ ಚಿತ್ರವನ್ನು ವೃದ್ಧಾಶ್ರಮದಲ್ಲಿರುವವರು ಹಾಗೂ ಆರ್ಥಿಕವಾಗಿ ದುರ್ಬಲವಾಗಿರುವ ಕೆಲ ಮಕ್ಕಳೊಂದಿಗೆ ವೀಕ್ಷಿಸಿ ಅವರಿಗೆ ಸಿಹಿ ಹಂಚಿದ್ದಾರೆ.