ವಾಹನ ಚಲಾಯಿಸುವಾಗ ಸಂಗೀತ ನುಡಿಯುತ್ತೆ ಈ ರಸ್ತೆ….! ಹಳೆ ವಿಡಿಯೋ ಮತ್ತೆ ಹಂಚಿಕೊಂಡ ಆನಂದ್‌ ಮಹೀಂದ್ರಾ

ರಸ್ತೆಗಳ ಮೇಲೆ ವಾಹನಗಳು ಸಂಚರಿಸೋದು ಎಲ್ಲರಿಗೂ ತಿಳಿದಿರುವ ವಿಚಾರ. ಆದರೆ ಎಂದಾದರೂ ಸಂಗೀತದ ರಸ್ತೆ ಬಗ್ಗೆ ಕೇಳಿದ್ದೀರಾ..? ಹಂಗೇರಿಯಲ್ಲಿ ಇಂತಹದ್ದೊಂದು ವಿಸ್ಮಯಕಾರಿ ರಸ್ತೆಯಿದೆ. ಇಂತಹದೊಂದು ಆಶ್ಚರ್ಯಕಾರಿ ವಿಚಾರವನ್ನು ಆನಂದ್​ ಮಹೀಂದ್ರಾ ತಮ್ಮ ಟ್ವಿಟರ್​​ ಖಾತೆಯಲ್ಲಿ ಶೇರ್​ ಮಾಡಿದ್ದಾರೆ.

ಮಹೀಂದ್ರಾ ಗ್ರೂಪ್​ ಅಧ್ಯಕ್ಷ ಆನಂದ್​ ಮಹೀಂದ್ರಾ ಹಂಗೇರಿ ರಸ್ತೆ 67ರಲ್ಲಿ ವ್ಯಕ್ತಿಯೊಬ್ಬರು ಸಂಗೀತದ ರಸ್ತೆಯಲ್ಲಿ ವಾಹನ ಚಲಾಯಿಸುತ್ತಿರುವ ವಿಡಿಯೋವನ್ನು ಶೇರ್​ ಮಾಡಿದ್ದಾರೆ. ಸೂಕ್ತವಾದ ವೇಗದಲ್ಲಿ ಕಾರು ಈ ರಸ್ತೆಯ ಮೇಲೆ ಸಂಚರಿಸಿದಾಗ ರಸ್ತೆಯಿಂದ ಸಂಗೀತ ನುಡಿಯುತ್ತದೆ.

ಇದೊಂದು ಹಳೆಯ ವಿಡಿಯೋವಾಗಿದ್ದು ಇದೀಗ ಎಕ್ಸ್​ (ಮೊದಲ ಹೆಸರು ಟ್ವಿಟರ್​)ನಲ್ಲಿ ಸಖತ್​ ವೈರಲ್​ ಆಗಿದೆ. ಆನಂದ್​ ಮಹೀಂದ್ರಾ ಈ ವಿಡಿಯೋ ಮತ್ತೊಮ್ಮೆ ಟ್ರೆಂಡ್​ ಆಗುವಂತೆ ಮಾಡಿದ್ದಾರೆ. ನಿತಿನ್​ ಗಡ್ಕರಿ ನಮ್ಮ ಹೆದ್ದಾರಿಗಳನ್ನು ಹಾಡುವಂತೆ ಮಾಡುತ್ತಾರೆ ಎಂಬ ಖಾತರಿ ನನಗಿದೆ. ಆದರೆ ಯಾವ ವೇಗದಲ್ಲಿ ಯಾವ ಹಾಡು ಪ್ಲೇ ಆಗಬಹುದು ಎಂಬುದನ್ನು ನಿರ್ಧರಿಸೋದು ಕಷ್ಟವಾಗಬಹುದು ಎಂದು ಬರೆದುಕೊಂಡಿದ್ದಾರೆ. ಅಲ್ಲದೇ ರಾಜ್ಯದಿಂದ ರಾಜ್ಯಕ್ಕೆ ಹಾಡಿನ ಆಯ್ಕೆಗಳು ಬದಲಾಗಬೇಕು ಎಂಬ ಸಲಹೆಯನ್ನೂ ನೀಡಿದ್ದಾರೆ.

https://twitter.com/i/status/1683500434592264192