ವಾರಾಣಸಿ ಲೋಕಸಭಾ ಚುನಾವಣೆಗೆ ಸ್ಪರ್ಧಿಸಲು ನಾಮಪತ್ರ ಸಲ್ಲಿಕೆ ವಿಸ್ತರಣೆ ಕೋರಿ ರೈತ ಅರ್ಜಿ; ಹೀಗಿದೆ ಸುಪ್ರೀಂ ಕೋರ್ಟ್ ಅಭಿಪ್ರಾಯ

ವಾರಣಾಸಿ ಲೋಕಸಭಾ ಕ್ಷೇತ್ರದಲ್ಲಿ ನಾಮಪತ್ರ ಸಲ್ಲಿಸಲು ಹೆಚ್ಚಿನ ಕಾಲಾವಕಾಶ ನೀಡುವಂತೆ ಕೋರಿ ತಮಿಳುನಾಡಿನ ರೈತ ಪೊನ್ನುಸಾಮಿ ಅಯ್ಯಕಣ್ಣು ಸಲ್ಲಿಸಿದ್ದ ಅರ್ಜಿಯನ್ನು ಸುಪ್ರೀಂ ಕೋರ್ಟ್ ವಜಾಗೊಳಿಸಿದೆ. ನ್ಯಾಯಮೂರ್ತಿ ವಿಕ್ರಮ್, ಅರ್ಜಿದಾರರನ್ನು ಕಟುವಾಗಿ ಟೀಕಿಸಿ ಅವರ ಮನವಿಯನ್ನು ಪ್ರಚಾರದ ಗೀಳಿನ ದಾವೆ ಎಂದು ಕರೆದಿದೆ.

ತಮಿಳುನಾಡು, ಕೇರಳ, ಕರ್ನಾಟಕದಲ್ಲಿ 30 ವರ್ಷಗಳಿಂದ ಕೆಲಸ ಮಾಡುತ್ತಿದ್ದೀರಿ. ಅದೂ ಕೊನೆಯ ದಿನ ವಾರಣಾಸಿಯಿಂದ ಸ್ಪರ್ಧಿಸಲು ಬಯಸಿದ್ದೇಕೆ ? ಅರ್ಜಿ ಸಲ್ಲಿಸುವ ನಿಮ್ಮ ಉದ್ದೇಶ ಈಡೇರಿದ್ದು ಅದು ಪತ್ರಿಕೆಗಳಲ್ಲಿ ಬಂದಿದೆ. ಪ್ರಚಾರಕ್ಕಾಗಿ ಹೂಡಿದ್ದ ಈ ಮೊಕದ್ದಮೆಯನ್ನು ವಜಾಗೊಳಿಸಲಾಗಿದೆ ಎಂದು ನ್ಯಾಯಮೂರ್ತಿಗಳು ಹೇಳಿದರು.

ಆದರೆ ಪಿ. ಅಯ್ಯಕಣ್ಣು ವಕೀಲರು ವಾದ ಮಂಡಿಸಿ, ಅವರಿಗೆ 79 ವರ್ಷ ವಯಸ್ಸಾಗಿದೆ. ಈ ಕಾರಣಕ್ಕಾಗಿ ಹೋರಾಟ ಮಾಡುತ್ತಿದ್ದಾರೆ’ ಎಂದರು.

ನ್ಯಾಯಮೂರ್ತಿಗಳು ಮತ್ತಷ್ಟು ಪ್ರಶ್ನಿಸಿ, “ವಾರಣಾಸಿಯ ಜನರು ನಿಮಗೆ ಏಕೆ ಮತ ಹಾಕಬೇಕು?” ಎಂದು ಪ್ರಶ್ನಿಸಿದರು

ರೈತ ಪೊನ್ನುಸಾಮಿ ಅಯ್ಯಕಣ್ಣು ಓರ್ವ ಕಾರ್ಯಕರ್ತರು, ವಕೀಲ ಮತ್ತು ರೈತರಾಗಿದ್ದಾರೆ. ಅವರು ದೇಸಿಯ ತೇನಿಧಿಯ ನಾತಿಗಲ್ ಇನೈಪ್ಪು ವಿವಾಸಾಯಿಗಳ ಸಂಗಮದ ಮುಖ್ಯಸ್ಥ. ಸಹಕಾರಿ ಬ್ಯಾಂಕ್‌ಗಳಲ್ಲಿನ ರೈತರ ಕೃಷಿ ಸಾಲವನ್ನು ಕೈಬಿಡುವಂತೆ ಒತ್ತಾಯಿಸಿ ನವದೆಹಲಿಯಲ್ಲಿ ಕೇಂದ್ರ ಸರ್ಕಾರದ ವಿರುದ್ಧ 2017 ರ ತಮಿಳುನಾಡು ರೈತರ ಪ್ರತಿಭಟನೆಯ ನೇತೃತ್ವ ವಹಿಸಿದ್ದರು.

ವಾರಣಾಸಿ ಲೋಕಸಭಾ ಕ್ಷೇತ್ರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ 111 ರೈತ ಅಭ್ಯರ್ಥಿಗಳನ್ನು ಪಕ್ಷೇತರರಾಗಿ ಕಣಕ್ಕಿಳಿಸುವ ಉದ್ದೇಶವನ್ನು ದೇಸಿಯ ತೇನಿಧಿಯ ನಾಡಿಗಲ್ ಇನ್ನೈಪ್ಪು ವಿವಾಸಾಯಿಗಳ ಸಂಗಮ ಪ್ರಕಟಿಸಿತ್ತು. ಈ ಮೂಲಕ ಕೊಟ್ಟ ಭರವಸೆಗಳನ್ನು ಈಡೇರಿಸುವಲ್ಲಿ ಅವರು ವಿಫಲರಾಗಿದ್ದಾರೆ ಎಂದು ಪ್ರಧಾನಿ ವಿರುದ್ಧ ಹೋರಾಡುವ ಕ್ರಮವಾಗಿತ್ತು.

ಪಿ ಅಯ್ಯಕಣ್ಣು ನೇತೃತ್ವದ ರೈತರ ಗುಂಪು ಮೊನ್ನೆ ತಂಜಾವೂರು ರೈಲ್ವೆ ಜಂಕ್ಷನ್ ನಲ್ಲಿ ರೈಲ್ವೆ ಇಲಾಖೆ ವಿರುದ್ಧ ಪ್ರತಿಭಟನೆ ನಡೆಸಿದರು. ಲೋಕಸಭೆ ಚುನಾವಣೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಸ್ಪರ್ಧಿಸಲು ನಾಮಪತ್ರ ಸಲ್ಲಿಸಲು ವಾರಣಾಸಿಗೆ ತೆರಳದಂತೆ ತಡೆಯಲಾಗುತ್ತಿದೆ ಎಂದು ಅವರು ಆರೋಪಿಸಿ ಪ್ರತಿಭಟಿಸಿದ್ದರು.

ಪ್ರತಿಭಟನೆಯ ಪರಿಣಾಮವಾಗಿ ವಾರಣಾಸಿಗೆ ಹೋಗುವ ಕಾಶಿ ತಮಿಳು ಎಕ್ಸ್ ಪ್ರೆಸ್ (16367) ಒಂದೂವರೆ ಗಂಟೆಗಳ ಕಾಲ ವಿಳಂಬವಾಯಿತು. ಜೂನ್ 1 ರಂದು ಮತದಾನ ನಡೆಯುವ ವಾರಾಣಸಿ ಕ್ಷೇತ್ರಕ್ಕೆ ಮೇ 14 ನಾಮಪತ್ರ ಸಲ್ಲಿಸಲು ಕೊನೆಯ ದಿನವಾಗಿತ್ತು.