ಪ್ರಯಾಣಿಕರ ಗಮನಕ್ಕೆ : ಕೊಯಮತ್ತೂರು- ಬೆಂಗಳೂರು ರೈಲು ಸಂಚಾರದ ಸಮಯ ಬದಲಾವಣೆ

ಬೆಂಗಳೂರು : ಕೊಯಮತ್ತೂರಿನಿಂದ ಬೆಂಗಳೂರಿಗೆ ಸಂಚರಿಸುವ ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲಿನ ಸಮಯವನ್ನು ಮತ್ತೆ ಬದಲಾಯಿಸಲಾಗಿದೆ. ಈ ಹಿಂದೆ ಬೆಳಿಗ್ಗೆ 5 ಗಂಟೆಗೆ ಹೊರಟಿದ್ದ ರೈಲು ಈಗ ಬೆಳಿಗ್ಗೆ 7:25 ಕ್ಕೆ ಕೊಯಮತ್ತೂರಿನಿಂದ ಹೊರಡಲಿದೆ.

ಕೊಯಮತ್ತೂರಿನಿಂದ ಬೆಂಗಳೂರಿಗೆ ಪ್ರಯಾಣವು ಈಗ ಸರಿಸುಮಾರು ಆರೂವರೆ ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ, ರೈಲು ಮಧ್ಯಾಹ್ನ 1:50 ಕ್ಕೆ ಬೆಂಗಳೂರಿಗೆ ಆಗಮಿಸುತ್ತದೆ. ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲು ಬೆಂಗಳೂರು ಕಂಟೋನ್ಮೆಂಟ್ನಿಂದ ಮಧ್ಯಾಹ್ನ 2.20ಕ್ಕೆ ಹೊರಟು ರಾತ್ರಿ 8.45ಕ್ಕೆ ಕೊಯಮತ್ತೂರು ತಲುಪಲಿದೆ.ವರದಿಯ ಪ್ರಕಾರ, ಗುರುವಾರ ಹೊರತುಪಡಿಸಿ ಎಲ್ಲಾ ದಿನಗಳಲ್ಲಿ ರೈಲು ಕಾರ್ಯನಿರ್ವಹಿಸುತ್ತದೆ.

ರೈಲು ಸಮಯವನ್ನು ಬದಲಾಯಿಸುವ ನಿರ್ಧಾರವನ್ನು ಪ್ರಯಾಣಿಕರು ಸ್ವಾಗತಿಸಿದ್ದಾರೆ. ಅವರು ಈ ಹಿಂದೆ ಮುಂಜಾನೆ 5 ಗಂಟೆಗೆ ರೈಲು ಹಿಡಿಯಬೇಕಿತ್ತು, ಪ್ರಯಾಣಿಕರ ಕೋರಿಕೆ ಮೇರೆಗೆ ರೈಲಿನ ಸಮಯವನ್ನು ಮತ್ತೆ ಬದಲಾಯಿಸಲಾಗಿದೆ.