ಹಳಿತಪ್ಪಿದ ಗೂಡ್ಸ್ ರೈಲಿನ 7 ಬೋಗಿಗಳು: ಪ್ರಯಾಣಿಕ ರೈಲುಗಳ ಸೇವೆಯಲ್ಲಿ ವ್ಯತ್ಯಯ

ಮಹಾರಾಷ್ಟ್ರದ ಕಾಸರ ರೈಲು ನಿಲ್ದಾಣದ ಬಳಿ ಭಾನುವಾರ ಗೂಡ್ಸ್ ರೈಲಿನ 7 ಬೋಗಿಗಳು ಹಳಿತಪ್ಪಿವೆ ಎಂದು ಕೇಂದ್ರ ರೈಲ್ವೆ ತಿಳಿಸಿದೆ.

ಸಂಜೆ 6:31 ರ ಸುಮಾರಿಗೆ ಡೌನ್ ಮೇನ್ ಲೈನ್‌ ನಲ್ಲಿ ಕಾಸರ ನಿಲ್ದಾಣ ಮತ್ತು ಟಿಜಿಆರ್ -3 ಡೌನ್‌ಲೈನ್ ವಿಭಾಗದ ನಡುವೆ ಸರಕು ರೈಲು ಹಳಿತಪ್ಪಿದ್ದು, ಈ ಪ್ರದೇಶದಲ್ಲಿ ರೈಲು ಸೇವೆಗಳಲ್ಲಿ ವ್ಯತ್ಯಯ ಉಂಟಾಗಿದೆ.

ಸೆಂಟ್ರಲ್ ರೈಲ್ವೇ ಪ್ರಕಾರ, ಕಾಸರದಿಂದ ಇಗತ್‌ಪುರಿಗೆ ಡೌನ್‌ಲೈನ್ ವಿಭಾಗ ಮತ್ತು ಮಧ್ಯದ ಮಾರ್ಗದ ಮೇಲ್ ಎಕ್ಸ್‌ ಪ್ರೆಸ್ ಟ್ರಾಫಿಕ್ ಪರಿಣಾಮ ಬೀರುತ್ತದೆ. ಆದರೆ, ಇಗತ್‌ಪುರಿಯಿಂದ ಕಾಸರ ಅಪ್‌ಲೈನ್‌ ನಡುವಿನ ವಿಭಾಗದಲ್ಲಿ ಸಂಚಾರಕ್ಕೆ ತೊಂದರೆಯಾಗಲಿಲ್ಲ. ಉಪನಗರ ಸ್ಥಳೀಯ ರೈಲಿನ ಸಂಚಾರಕ್ಕೂ ತೊಂದರೆಯಾಗಲಿಲ್ಲ.

ಗೂಡ್ಸ್ ರೈಲು ಹಳಿತಪ್ಪಿದ ಕಾರಣ ಎರಡು ರೈಲುಗಳ ಸಂಚಾರ, 12261 ಮುಂಬೈ ಸಿಎಸ್‌ಎಂಟಿ-ಹೌರಾ ಎಕ್ಸ್‌ಪ್ರೆಸ್ ಮತ್ತು 11401 ಸಿಎಸ್‌ಎಂಟಿ-ಅದಿಲಾಬಾದ್ ನಂದಿಗ್ರಾಮ್ ಎಕ್ಸ್‌ಪ್ರೆಸ್ ಮೇಲೆ ಪರಿಣಾಮ ಬೀರಿತು. ಕಲ್ಯಾಣ್ ಸ್ಟೇಷನ್ ರಸ್ತೆ ಎಆರ್‌ಟಿ(ಅಪಘಾತ ಪರಿಹಾರ ರೈಲು ಮತ್ತು ಇಗತ್‌ಪುರಿ ಸ್ಟೇಷನ್ ರೈಲು ಎಆರ್‌ಟಿ(ಅಪಘಾತ ಪರಿಹಾರ ರೈಲು) ಅನ್ನು ಅಪಘಾತ ಸ್ಥಳಕ್ಕೆ ಸ್ಥಳಾಂತರಿಸಲಾಗಿದೆ.