ಜಬಲ್‌ಪುರ (ಮಧ್ಯಪ್ರದೇಶ): ಪ್ರಯಾಣಿಕರನ್ನು ತುಂಬಿದ್ದ ಕೆಲವು ಕೇಬಲ್ ಕಾರುಗಳು ಜಬಲ್‌ಪುರದ ಭೇದಘಾಟ್‌ನಲ್ಲಿ ಸೋಮವಾರ 90 ಅಡಿ ಎತ್ತರದಲ್ಲಿ ಹಠಾತ್ತನೆ ಸಿಕ್ಕಿಹಾಕಿಕೊಂಡಿದ್ದು, ಇದರಲ್ಲಿದ್ದವರಿಗೆ ಮತ್ತು ನೋಡುಗರಿಗೆ ಶಾಕ್ ನೀಡಿತು. ನಂತರ ಇದು ಅಣುಕು ಪ್ರದರ್ಶನದ ಭಾಗವಾಗಿದೆ ಎಂದು ತಿಳಿದಾಗ ಎಲ್ಲರೂ ನಿಟ್ಟುಸಿರು ಬಿಟ್ಟರು.
ತುರ್ತು ಸಂದರ್ಭಗಳಲ್ಲಿ ರೋಪ್‌ವೇ ಸೈಟ್‌ಗಳ ಸನ್ನದ್ಧತೆಯನ್ನು ಪರೀಕ್ಷಿಸಲು ಮಾಡಿದ ಅಣಕು ಡ್ರಿಲ್‌ ಇದಾಗಿತ್ತು.
ಕಳೆದ ವರ್ಷ ಜಾರ್ಖಂಡ್‌ನ ದಿಯೋಘರ್‌ನಲ್ಲಿ ನಡೆದ ತ್ರಿಕುಟ್ ರೋಪ್-ವೇ ಅಪಘಾತವನ್ನು ಗಮನದಲ್ಲಿಟ್ಟುಕೊಂಡು, ಎನ್‌ಡಿಆರ್‌ಎಫ್ ವಾರಣಾಸಿಯ ತಂಡಗಳು ವಿಪತ್ತು ಸಿದ್ಧತೆ ಮತ್ತು ತಗ್ಗಿಸುವಿಕೆಯ ಯೋಜನೆಯಡಿಯಲ್ಲಿ ಉತ್ತರ ಪ್ರದೇಶ ಮತ್ತು ಮಧ್ಯಪ್ರದೇಶದ ರೋಪ್-ವೇ ಸೈಟ್‌ಗಳಲ್ಲಿ ಸ್ಥಳೀಯ ಆಡಳಿತದೊಂದಿಗೆ ಜಂಟಿ ಅಣಕು ಕಾರ್ಯಾಚರಣೆಯನ್ನು ನಡೆಸಿತು.
ಈ ಸರಣಿಯಲ್ಲಿ, ಡೆಪ್ಯುಟಿ ಕಮಾಂಡೆಂಟ್ ಸಂತೋಷ್ ಕುಮಾರ್ ಅವರ ಮೇಲ್ವಿಚಾರಣೆಯಲ್ಲಿ, ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರ, ವಿವಿಧ ಪಾಲುದಾರರು ಮತ್ತು ಭೇದಘಾಟ್‌ನಲ್ಲಿ ರೋಪ್‌ವೇ ಕಾರ್ಯಾಚರಣೆಗೆ ಸಂಬಂಧಿಸಿದ ನೌಕರರೊಂದಿಗೆ ಜಂಟಿಯಾಗಿ ಕೇಬಲ್ ಕಾರ್ ತುರ್ತು ಪರಿಸ್ಥಿತಿಯ ಅಣಕು ವ್ಯಾಯಾಮವನ್ನು ಆಯೋಜಿಸಿದ್ದರು. ಅಣಕು ಕಾರ್ಯಾಚರಣೆಯ ಸಂದರ್ಭದಲ್ಲಿ, ಕೇಬಲ್ ಕಾರ್ ತುರ್ತು ಪರಿಸ್ಥಿತಿಯ ಸನ್ನಿವೇಶವನ್ನು ಚಿತ್ರಿಸಲಾಗಿದೆ, ಇದರಲ್ಲಿ ನರ್ಮದಾ ಭೇದಘಾಟ್‌ನಲ್ಲಿನ ರೋಪ್‌ವೇಯಲ್ಲಿ ಕೆಲವು ತಾಂತ್ರಿಕ ಸಮಸ್ಯೆಯಿಂದ ಕೇಬಲ್ ಕಾರುಗಳು ಸುಮಾರು 90 ಅಡಿ ಎತ್ತರದಲ್ಲಿ ಸಿಲುಕಿಕೊಂಡವು ಮತ್ತು ಪ್ರಯಾಣಿಕರು ಒಳಗೆ ಸಿಲುಕಿಕೊಂಡರು.
ಘಟನೆಯನ್ನು ತಕ್ಷಣವೇ ತುರ್ತು ನಿಯಂತ್ರಣಕ್ಕೆ ತಿಳಿಸಲಾಯಿತು. ಅಲ್ಲಿಂದ ಎನ್‌ಡಿಆರ್‌ಎಫ್ ನಿಯಂತ್ರಣ ಕೊಠಡಿಗೆ ಮತ್ತು ತುರ್ತು ಪ್ರತಿಕ್ರಿಯೆಗಾಗಿ ಸಂಬಂಧಿಸಿದ ಎಲ್ಲ ಪಾಲುದಾರರಿಗೆ ಮಾಹಿತಿಯನ್ನು ರವಾನಿಸಲಾಯಿತು. ನಂತರ ಕಾರ್ಯಾಚರಣೆ ನಡೆಸಲಾಯಿತು.
https://twitter.com/FreePressMP/status/1663146147622576128?ref_src=twsrc%5Etfw%7Ctwcamp%5Etweetembed%7Ctwterm%5E1663146147622576128%7Ctwgr%5E4f6c3998371c2347307d4bf7a05dc8307727891a%7Ctwcon%5Es1_&ref_url=https%3A%2F%2Fwww.freepressjournal.in%2Fbhopal%2Fwatch-locals-panic-after-cable-car-gets-stuck-at-90-ft-height-in-bhedaghat-mock-drill-discloses-ndrf
Loading ...
