UPSSC ಪರೀಕ್ಷೆ ಫಲಿತಾಂಶ ವಿಳಂಬ: ಐಪಿಎಲ್ ಪಂದ್ಯಾವಳಿ ವೇಳೆ ಅಭ್ಯರ್ಥಿ ಪ್ರೊಟೆಸ್ಟ್

ಉತ್ತರ ಪ್ರದೇಶ ಅಧೀನ ಸೇವೆಗಳ ಆಯ್ಕೆ ಆಯೋಗದ ಲೇಖ್ಪಾಲ್ ಹುದ್ದೆಗಳ ನೇಮಕಾತಿ ಪರೀಕ್ಷೆಯು ಸಾಮಾಜಿಕ ಮಾಧ್ಯಮದಲ್ಲಿ ಮತ್ತೆ ಟ್ರೆಂಡಿಂಗ್ ಆಗಿದೆ.

ಯುಪಿಎಸ್ಎಸ್ಎಸ್ಎಸ್ಸಿ ನಡೆಸಿದ ರೆವಿನ್ಯೂ ಅಕೌಂಟೆಂಟ್ (ಲೇಖಪಾಲ್) ಹುದ್ದೆಯ ಪರೀಕ್ಷೆಯ ಫಲಿತಾಂಶಗಳನ್ನು ಆಯೋಗವು ಕಳೆದ ಒಂಭತ್ತು ತಿಂಗಳುಗಳಿಂದ ಬಿಡುಗಡೆ ಮಾಡಿಲ್ಲ.

ಲಕ್ನೋ ಸೂಪರ್‌ಜೈಂಟ್ಸ್ (ಎಲ್‌ಎಸ್‌ಜಿ) ಕ್ರಿಕೆಟ್ ಅಭಿಮಾನಿಯ ಇತ್ತೀಚಿನ ವಿಡಿಯೋ ಮೈಕ್ರೋ ಬ್ಲಾಗಿಂಗ್ ಸೈಟ್‌ನಲ್ಲಿ ವೈರಲ್ ಆಗುತ್ತಿದೆ. ವಿಡಿಯೊದಲ್ಲಿ ಕ್ರಿಕೆಟ್ ಅಭಿಮಾನಿ ಮತ್ತು ಯುಪಿಎಸ್‌ಎಸ್‌ಎಸ್‌ಸಿ ಆಕಾಂಕ್ಷಿಯು ಐಪಿಎಲ್ ಸಮಯದಲ್ಲಿ ಯುಪಿಎಸ್‌ಎಸ್ಎಸ್‌ಸಿ ಲೇಖ್‌ಪಾಲ್ ಹುದ್ದೆಗೆ ಫಲಿತಾಂಶ ಘೋಷಣೆಗೆ ಒತ್ತಾಯಿಸಿ ಫಲಕವನ್ನು ಹಿಡಿದಿರುವುದನ್ನು ಕಾಣಬಹುದು. ವಿದ್ಯಾರ್ಥಿಯು ಪರೀಕ್ಷೆಯ ಪ್ರವೇಶ ಪತ್ರವನ್ನು ಕ್ರೀಡಾಂಗಣಕ್ಕೆ ಒಯ್ದಿದ್ದಾರೆ.

ಟ್ವಿಟರ್ ಬಳಕೆದಾರರು ಯುಪಿಎಸ್‌ಎಸ್ಎಸ್‌ಸಿ ಲೆಖ್ಪಾಲ್ ಪೋಸ್ಟ್‌ನ ಫಲಿತಾಂಶಕ್ಕೆ ಸಂಬಂಧಿಸಿದಂತೆ ಡಿಕ್ಲೇರ್ ಯುಪಿ ಲೇಖ್ಪಾಲ್ ರಿಸಲ್ಟ್ ಎಂಬ ಹ್ಯಾಶ್‌ಟ್ಯಾಗ್ ನಿಂದ ಟ್ವೀಟ್ ಮಾಡುತ್ತಿದ್ದಾರೆ.

ವರದಿಯ ಪ್ರಕಾರ, ಯುಪಿಎಸ್‌ಎಸ್ಎಸ್‌ಸಿ ಜನವರಿ 7, 2022 ರಂದು ಕಂದಾಯ ಅಕೌಂಟೆಂಟ್ (ಲೇಖಪಾಲ್) ನೇಮಕಾತಿಗಾಗಿ ಅಧಿಸೂಚನೆಯನ್ನು ಬಿಡುಗಡೆ ಮಾಡಿತ್ತು. ಪರೀಕ್ಷೆಯನ್ನು ಜುಲೈ 31, 2022 ರಂದು ನಡೆಸಲಾಯಿತು. ರಾಜ್ಯದ 12 ಜಿಲ್ಲೆಗಳಲ್ಲಿ 501 ಕೇಂದ್ರಗಳಲ್ಲಿ ಪರೀಕ್ಷೆಯನ್ನು ನಡೆಸಲಾಯಿತು. ಅದರಲ್ಲಿ ಸುಮಾರು 2 ಲಕ್ಷ ಅಭ್ಯರ್ಥಿಗಳು ಪರೀಕ್ಷೆ ಬರೆದಿದ್ದಾರೆ. ಪರೀಕ್ಷೆಯಲ್ಲಿ ಪೇಪರ್ ಸೋರಿಕೆಯಾಗಿರುವ ಬಗ್ಗೆಯೂ ವರದಿಯಾಗಿದೆ.