34 ಕಿಮೀ ಮೈಲೇಜ್‌ ಕೊಡುತ್ತೆ ಮಾರುತಿ ಸುಜುಕಿಯ ಈ ಅಗ್ಗದ ಕಾರು: ಬೆಲೆಯೂ ಕಡಿಮೆ, ಇದರಲ್ಲಿದೆ ಬಂಪರ್‌ ಫೀಚರ್ಸ್‌…!

ಮಾರುತಿ ಸುಜುಕಿಯ ವ್ಯಾಗನಾರ್ ಜನಪ್ರಿಯ ಹ್ಯಾಚ್‌ಬ್ಯಾಕ್ ಕಾರು. ಕೈಗೆಟುಕುವ ಬೆಲೆಯ ಜೊತೆಗೆ ಉತ್ತಮ ಸ್ಥಳಾವಕಾಶ ಕೂಡ ಈ ಕಾರಿನಲ್ಲಿದೆ. ಈ ಕಾರಿನಲ್ಲಿ ಐವರು ಆರಾಮಾಗಿ ಕುಳಿತು ಪ್ರಯಾಣಿಸಬಹುದು. ಮಾರುತಿ ತನ್ನ ವ್ಯಾಗನಾರ್‌ ರೂಪಾಂತರವನ್ನು ಸಹ ಮಾರಾಟ ಮಾಡುತ್ತದೆ.

ವಿಶೇಷವೆಂದರೆ ಈ ಕಾರಿನ ಬೆಲೆ ಬಹಳ ಕಡಿಮೆ. ಮೈಲೇಜ್ ಸಹ 34 ಕಿಮೀಗಂತಲೂ ಹೆಚ್ಚಿದೆ.  ಈ ಮಾದರಿಯ ಹೆಸರು ಮಾರುತಿ ಸುಜುಕಿ ವ್ಯಾಗನಾರ್‌ ಟೂರ್ ಎಚ್3. ಇದು ಕೇವಲ ಎರಡು ರೂಪಾಂತರಗಳಲ್ಲಿ ಬರುತ್ತದೆ – H3 ಮತ್ತು H3 CNG.

ಟೂರ್ H3 ಬೆಲೆ 5.50 ಲಕ್ಷ ರೂಪಾಯಿ. CNG ಆವೃತ್ತಿ 6.40 ಲಕ್ಷ ರೂಪಾಯಿಗೆ ಸಿಗಲಿದೆ. ಇದು LXI, VXI ನಂತಹ ರೂಪಾಂತರಗಳಿಗಿಂತ ಅಗ್ಗವಾಗಿದೆ. ಟ್ಯಾಕ್ಸಿ ಚಾಲಕರನ್ನು ಗಮನದಲ್ಲಿಟ್ಟುಕೊಂಡು ಈ ಕಾರನ್ನು ಪರಿಚಯಿಸಲಾಗಿದೆ. ಆದಾಗ್ಯೂ ಈ ಕಾರಿನಲ್ಲಿ ಫೀಚರ್‌ಗಳ ಕೊರತೆಯೇನಿಲ್ಲ.

ವ್ಯಾಗನಾರ್ ಟೂರ್ H3, 1.0-ಲೀಟರ್ K-ಸರಣಿ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು ಐಡಲ್ ಸ್ಟಾರ್ಟ್/ಸ್ಟಾಪ್ ವೈಶಿಷ್ಟ್ಯದೊಂದಿಗೆ ಬರುತ್ತದೆ. ಪೆಟ್ರೋಲ್‌ನಲ್ಲಿ 24 ಕಿಮೀ ಮೈಲೇಜ್ ನೀಡಿದರೆ, CNGಯಲ್ಲಿ 34.73 ಮೈಲೇಜ್ ನೀಡುತ್ತದೆ. ಈ ಕಾರಿನ ಇಂಧನ ಟ್ಯಾಂಕ್ ಸಾಮರ್ಥ್ಯ 32 ಲೀಟರ್ ಮತ್ತು ಬೂಟ್ ಸ್ಪೇಸ್ 341 ಲೀಟರ್ ಆಗಿದೆ.

ಹೀಟರ್, ಮುಂಭಾಗ ಮತ್ತು ಹಿಂಭಾಗದ ಸಂಯೋಜಿತ ಹೆಡ್‌ರೆಸ್ಟ್‌ಗಳು ಮತ್ತು ಮುಂಭಾಗದ ಪವರ್ ಕಿಟಕಿಗಳೊಂದಿಗೆ ಹವಾನಿಯಂತ್ರಣದಂತಹ ಫೀಚರ್‌ಗಳು ನಿಮ್ಮ ಪ್ರಯಾಣವನ್ನು ಆರಾಮದಾಯಕವಾಗಿಸುತ್ತದೆ. ಇದರಲ್ಲಿ ಸುರಕ್ಷತೆಯ ಬಗ್ಗೆಯೂ ಕಾಳಜಿ ವಹಿಸಲಾಗಿದೆ. ಕಾರು ಚಾಲಕ ಮತ್ತು ಪ್ರಯಾಣಿಕರ ಏರ್‌ಬ್ಯಾಗ್‌ಗಳು, EBD ಜೊತೆಗೆ ABS, ಹಿಂಭಾಗದ ಪಾರ್ಕಿಂಗ್ ಸಂವೇದಕಗಳು, ಸ್ಪೀಡ್‌ ಅಲರ್ಟ್‌ ಸಿಸ್ಟಮ್‌, ಸೀಟ್ ಬೆಲ್ಟ್ ಟೆನ್ಷನರ್ ಮತ್ತು ಫೋರ್ಸ್ ಲಿಮಿಟರ್, ಸೆಂಟ್ರಲ್ ಡೋರ್ ಲಾಕ್ ಹೀಗೆ ಹತ್ತಾರು ವೈಶಿಷ್ಟ್ಯಗಳನ್ನು ಇದು ಹೊಂದಿದೆ.