ಮಕ್ಕಳಲ್ಲಿ ಸಾಕಷ್ಟು ಕುತೂಹಲವಿರುತ್ತದೆ. ತಮ್ಮ ಅನುಮಾನಗಳಿಗೆ ಉತ್ತರ ಪಡೆದುಕೊಳ್ಳುವವರೆಗೆ ಬಿಡುವುದೇ ಇಲ್ಲ. ಸಾಂತಾ ಕ್ಲಾಸ್ ಇದ್ದಾನೋ ಇಲ್ಲವೋ ಕಂಡುಹಿಡಿಯಿರಿ ಎಂದು ಬಾಲಕಿ ಪ್ರಶ್ನಿಸಿದ್ದಾಳೆ.
ರೋಡ್ ಐಲೆಂಡ್‌ನ ಹುಡುಗಿಯೊಬ್ಬಳು ಸಾಂತಾ ಕ್ಲಾಸ್‌ನ ಅಸ್ತಿತ್ವವನ್ನು ಸಾಬೀತುಪಡಿಸಲು ಸಾಕ್ಷ್ಯದ ಮೇಲೆ ಡಿಎನ್ಎ ಪರೀಕ್ಷೆಯನ್ನು ನಡೆಸುವಂತೆ ಸ್ಥಳೀಯ ಪೊಲೀಸ್ ಇಲಾಖೆಯನ್ನು ವಿನಂತಿಸಿದ್ದಾಳೆ.
10 ವರ್ಷದ ಬಾಲಕಿ ಸ್ಕಾರ್ಲೆಟ್ ಡೌಮಾಟೊ ತನ್ನ ಸ್ಥಳೀಯ ಪೊಲೀಸ್ ಇಲಾಖೆಗೆ ಸಾಂತಾ ಕ್ಲಾಸ್ ಅಸ್ತಿತ್ವವನ್ನು ಸಾಬೀತುಪಡಿಸಲು ಡಿಎನ್‌ಎಗಾಗಿ ಉಳಿದಿರುವ ಕ್ಯಾರೆಟ್‌ಗಳು ಮತ್ತು ಕುಕಿಗಳಿಂದ ಆಹಾರ ಕಣಗಳನ್ನು ಔಪಚಾರಿಕವಾಗಿ ಪರೀಕ್ಷಿಸಲು ಕೋರಿದ್ದಾಳೆ.
ಕ್ರಿಸ್‌ಮಸ್ ಈವ್‌ನಲ್ಲಿ ನಾನು ಸಾಂತಾ ಬಿಟ್ಟ ಕುಕಿ ಮತ್ತು ಕ್ಯಾರೆಟ್‌ಗಳ ಮಾದರಿಯನ್ನು ತೆಗೆದುಕೊಂಡೆ. ನೀವು ಡಿಎನ್ಎ ಮಾದರಿಯನ್ನು ತೆಗೆದುಕೊಂಡು ಸಾಂತಾ ನಿಜವೇ ಎಂದು ನೋಡಬಹುದೇ ಎಂದು ಹುಡುಗಿ ಬರೆದಿದ್ದಾಳೆ. ನಂತರ ಆ ಸಾಕ್ಷ್ಯಗಳನ್ನು ರಾಜ್ಯದ ಆರೋಗ್ಯ ಇಲಾಖೆ-ಫೊರೆನ್ಸಿಕ್ ಸೈನ್ಸ್ ಘಟಕಕ್ಕೆ ವಿಶ್ಲೇಷಣೆಗಾಗಿ ರವಾನಿಸಿದ್ದಳೆ.
ಬಾಲಕಿಯ ಮನವಿಗೆ ಪೊಲೀಸ್ ಇಲಾಖೆಯು ಸಿಹಿಯಾದ ಪ್ರತಿಕ್ರಿಯೆಯನ್ನು ನೀಡಿದೆ. ಆಕೆಯ ಪತ್ರ ಮತ್ತು ‘ಸಾಕ್ಷ್ಯ’ ಚಿತ್ರಗಳನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದೆ. ಸಾಂತಾ ಸಂಭವನೀಯ DNA ಕುರುಹುಗಳನ್ನು ಪರೀಕ್ಷಿಸಲು ವಿಶ್ಲೇಷಣೆಗಾಗಿ ಬಾಲಕಿಯ ಸಾಕ್ಷ್ಯವನ್ನು ರೋಡ್ ಐಲೆಂಡ್ ಆರೋಗ್ಯ ಇಲಾಖೆಗೆ ರವಾನಿಸಿರುವುದಾಗಿ ಪೊಲೀಸ್ ಮುಖ್ಯಸ್ಥ ಮ್ಯಾಥ್ಯೂ ಬೆನ್ಸನ್ ಹೇಳಿದ್ದಾರೆ.
Loading ...
