Watch | ರೈಲು ನಿಲ್ದಾಣದ ಛಾವಣಿ ಮೇಲೆ ನಾಯಿಯ ತಿರುಗಾಟ

ಮುಂಬೈ: ಲೋಕಲ್ ರೈಲುಗಳಿಗೆ ಹೆಸರುವಾಸಿಯಾಗಿರುವ ಮುಂಬೈ ನಗರದ ರೈಲ್ವೆ ನಿಲ್ದಾಣದ ಪ್ಲಾಟ್‌ಫಾರ್ಮ್‌ನ ಛಾವಣಿಯ ಮೇಲೆ ನಾಯಿಯೊಂದು ನಡೆದುಕೊಂಡು ಹೋಗುತ್ತಿರುವ ವಿಡಿಯೋ ವೈರಲ್​ ಆಗಿದೆ.

ಬೀದಿ ನಾಯಿಯೊಂದು ಮೇಲ್ಛಾವಣಿಯ ಮೇಲೆ ಅಪಾಯಕಾರಿಯಾಗಿ ತಿರುಗುತ್ತಿರುವುದನ್ನು ತೋರಿಸುವ ವಿಡಿಯೋವನ್ನು ಮುಂಬೈನ ಅಂಧೇರಿ ರೈಲ್ವೆ ನಿಲ್ದಾಣದಿಂದ ವರದಿ ಮಾಡಲಾಗಿದೆ.

ಈ ಟ್ವೀಟ್ ಪ್ರಕಾರ, ಅಂಧೇರಿಯ ಪ್ಲಾಟ್‌ಫಾರ್ಮ್ 4 ಮತ್ತು 5 ರ ಛಾವಣಿಯ ಮೇಲೆ ನಾಯಿ ತಿರುಗಾಡುತ್ತಿರುವುದನ್ನು ನೋಡಬಹುದು. ವಿಚಿತ್ರ ರೀತಿಯಲ್ಲಿ ನಾಯಿ ತಿರುಗಾಡುತ್ತಿರುವುದನ್ನು ಅನಿಲ್ ಜೋಶಿ ಎನ್ನುವವರು ವಿಡಿಯೋ ಮಾಡಿ ಪಶ್ಚಿಮ ರೈಲ್ವೆಯ ವಿಭಾಗೀಯ ರೈಲ್ವೆ ವ್ಯವಸ್ಥಾಪಕ- ಮುಂಬೈ ವಿಭಾಗ ಮತ್ತು ಉತ್ತರ ರೈಲ್ವೆಯ ಅಧಿಕೃತ ಖಾತೆಯನ್ನು ಟ್ಯಾಗ್ ಮಾಡಿದ್ದಾರೆ.

ನಾಯಿ ಅಲ್ಲಿಗೆ ಹೇಗೆ ಬಂತು ಎಂಬ ಬಗ್ಗೆ ಇದುವರೆಗೆ ಮಾಹಿತಿ ಸಿಗಲಿಲ್ಲ. ಪ್ರಕರಣವನ್ನು ಗಮನಿಸಿ, ಉತ್ತರ ರೈಲ್ವೇ ಅಧಿಕಾರಿಗಳ ತಂಡ ಪರಿಶೀಲನೆ ನಡೆಸುತ್ತಿದೆ.

https://twitter.com/RailwayNorthern/status/1615931499777519616?ref_src=twsrc%5Etfw%7Ctwcamp%5Etweetembed%7Ctwterm%5E1615931499777519616%7Ctwgr%5Ed308db6d6b03fdd0e3ffcaa317bfa11611f300af%7Ctwcon%5Es1_&ref_url=https%3A%2F%2Fwww.freepressjournal.in%2Fviral%2Fwatch-dog-casually-walks-on-the-roof-of-andheri-railway-station-platform-in-mumbai