ಕೂದಲಿನ ಬೆವರು ವಾಸನೆ ತಡೆಯಲು ಈ ಮನೆ ಮದ್ದನ್ನು ಬಳಸಿ

ತಲೆಯಲ್ಲಿ ಹೆಚ್ಚಾಗಿ ಬೆವರು ಬರುವುದರಿಂದ ಮತ್ತು ಕೊಳೆಯ ಕಾರಣದಿಂದ ತಲೆ ಕೂದಲು ವಾಸನೆ ಬರಲು ಶುರುವಾಗುತ್ತದೆ. ಇದರಿಂದ ಬೇರೆಯವರ ಬಳಿ ಹೋಗಲು ಮುಜುಗರವಾಗುತ್ತದೆ. ಕೂದಲು ಈ ರೀತಿ ವಾಸನೆ ಬರುವುದನ್ನು ತಡೆಯಲು ಈ ಟಿಪ್ಸ್ ಫಾಲೋ ಮಾಡಿ.

ಟೀ ಟ್ರೀ ಆಯಿಲ್ ಕೂದಲಿನಲ್ಲಿ ವಾಸನೆ ಉಂಟುಮಾಡುವ ಬ್ಯಾಕ್ಟೀರಿಯಾ ವಿರುದ್ಧ ಹೋರಾಡುತ್ತದೆ. ಹಾಗಾಗಿ ಟೀ ಟ್ರೀ ಆಯಿಲ್ 6 ಹನಿ, 2 ಚಮಚ ಬಾದಾಮಿ ಎಣ್ಣೆ ಎರಡನ್ನು ಸೇರಿಸಿ ಮಿಕ್ಸ್ ಮಾಡಿ ನೆತ್ತಿಗೆ ಹಾಗೂ ಕೂದಲಿಗೆ ಅನ್ವಯಿಸಿ 30 ನಿಮಿಷಗಳ ಕಾಲ ಹಾಗೇ ಬಿಡಿ. ಇದನ್ನು ದಿನಕ್ಕೆ 2 ಬಾರಿ ಹಚ್ಚಬಹುದು. ಹೀಗೆ ಮಾಡಿದರೆ ಕೂದಲು ವಾಸನೆ ಬರುವುದನ್ನು ತಡೆಯಬಹುದು.

ನಿಂಬೆ ಹಣ್ಣು ಬ್ಯಾಕ್ಟೀರಿಯಾ ನಾಶಕ ಗುಣವನ್ನು ಹೊಂದಿದೆ. ಇದು ಕೂದಲು ವಾಸನೆ ಬರುವುದನ್ನು ತಡೆಯುತ್ತದೆ. ಮತ್ತು ತಲೆ ಹೊಟ್ಟಿನ ಸಮಸ್ಯೆಯನ್ನು ದೂರ ಮಾಡುತ್ತದೆ. ಹಾಗಾಗಿ 2 ಚಮಚ ನಿಂಬೆ ರಸಕ್ಕೆ 1 ಕಪ್ ಬೆಚ್ಚಗಿನ ನೀರನ್ನು ಬೆರೆಸಿ ನಿಮ್ಮ ಕೂದಲಿಗೆ ಹಚ್ಚಿ. ಇದನ್ನು ವಾರದಲ್ಲಿ 2 ಬಾರಿ ಮಾಡಿ.