ಬೆಂಗಳೂರು: ರಾಜ್ಯ ಸರ್ಕಾರದಿಂದ ಮೇಡ್ ಇನ್ ಕರ್ನಾಟಕ ಕಂಪ್ಯೂಟರ್ ಅಭಿವೃದ್ಧಿಪಡಿಸಲಾಗಿದ್ದು, ಇಂದು ಬಿಡುಗಡೆ ಮಾಡಲಾಗುವುದು. ಸರ್ಕಾರದಿಂದಲೇ ಕಂಪ್ಯೂಟರ್ ಅಭಿವೃದ್ಧಿ ವಿಶ್ವದಲ್ಲೇ ಮೊದಲು. ಇಂದಿನಿಂದ ‘ಕಿಯೋ’ ಬುಕಿಮಗ್ ಶುರುವಾಗಲಿದ್ದು, ಎರಡು ತಿಂಗಳಲ್ಲಿ ಡೆಲಿವರಿ ಮಾಡಲಾಗುವುದು. ಕೈಗೆಟುಕುವ ದರದಲ್ಲಿ ಕಂಪ್ಯೂಟರ್ ಸಿಗಲಿದೆ.
ಐಟಿಬಿಟಿ ಇಲಾಖೆ, ಕಿಯೋನಿಕ್ಸ್ ಸಹಯೋಗದಲ್ಲಿ ಕರ್ನಾಟಕದ ಸ್ಟಾರ್ಟ್ ಅಪ್ ಗಳು ನಿರ್ಮಿಸಿರುವ ಕೃತಕ ಬುದ್ಧಿಮತ್ತೆ ಆಧಾರಿತ ಕಿಯೋ ಹೆಸರಿನ ಕಂಪ್ಯೂಟರ್ ಅನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಮಂಗಳವಾರ ಬೆಂಗಳೂರು ಟೆಕ್ ಸಮಿಟ್ 2025ರ ಉದ್ಘಾಟನೆ ಸಮಾರಂಭದಲ್ಲಿ ಬಿಡುಗಡೆ ಮಾಡಲಿದ್ದಾರೆ.
ಇದು ಸರ್ಕಾರವೇ ಅಭಿವೃದ್ಧಿಪಡಿಸಿದ ಮೊದಲ ಎಐ ಪರ್ಸನಲ್ ಕಂಪ್ಯೂಟರ್ ಆಗಿದೆ. ಇಂತಹ ಪ್ರಯತ್ನ ವಿಶ್ವದಲ್ಲಿ ಮೊದಲು ಎಂದು ಸಚಿವ ಪ್ರಿಯಾಂಕ್ ಖರ್ಗೆ ತಿಳಿಸಿದ್ದಾರೆ.
KEO: ಜ್ಞಾನ-ಚಾಲಿತ, ಆರ್ಥಿಕ ಮತ್ತು ಮುಕ್ತ- ಸಂಪನ್ಮೂಲ ಅನ್ನು ಪರಿಚಯಿಸಿದೆ.
ಇದು ಕರ್ನಾಟಕದಲ್ಲಿ ಸಂಪೂರ್ಣವಾಗಿ ವಿನ್ಯಾಸಗೊಳಿಸಲಾದ ಮತ್ತು ಅಭಿವೃದ್ಧಿಪಡಿಸಲಾದ ಈ ಮಾದರಿಯ ಮೊದಲ AI ವೈಯಕ್ತಿಕ ಕಂಪ್ಯೂಟರ್. ಇದು ಚಿಕ್ಕ ಮತ್ತು ಚೊಕ್ಕದಾದ, ಕೈಗೆಟುಕುವ ದರದ ಮತ್ತು AI-ಚಾಲಿತ ಮಾಸ್-ಕಂಪ್ಯೂಟಿಂಗ್ ವ್ಯವಸ್ಥೆಯಾಗಿದ್ದು, ಇದು ಯಾರು ಬೇಕಾದರೂ ಬಳಸಬಹುದಾದ ಸಾಧನವಾಗಿ ಕಾರ್ಯನಿರ್ವಹಿಸುತ್ತದೆ. ಓಪನ್-ಸೋರ್ಸ್ RISC-V ಪ್ರೊಸೆಸರ್‌ನಲ್ಲಿ ನಿರ್ಮಿಸಲಾಗಿದೆ ಹಾಗೂ ಪಠ್ಯಕ್ರಮ-ಸಂಯೋಜಿತ ಕಲಿಕೆಯ ಬೆಂಬಲಕ್ಕಾಗಿ ಆನ್-ಡಿವೈಸ್ AI ಎಂಜಿನ್ – BUDDH ಸೇರಿದಂತೆ ಸಂಪೂರ್ಣ ಕಂಪ್ಯೂಟಿಂಗ್ ವೈಶಿಷ್ಟ್ಯಗಳೊಂದಿಗೆ ಒಳಗೊಂಡಿದೆ.
ಕರ್ನಾಟಕದಲ್ಲಿ 15% ಕ್ಕಿಂತ ಕಡಿಮೆ ಕುಟುಂಬಗಳು ವೈಯಕ್ತಿಕ ಕಂಪ್ಯೂಟರ್ ಅನ್ನು ಹೊಂದಿವೆ.
ಸಾಧನಗಳ ಕೊರತೆಯಿಂದಾಗಿ 60% ಕ್ಕಿಂತ ಅಧಿಕ ವಿದ್ಯಾರ್ಥಿಗಳು ಆನ್‌ಲೈನ್ ಕಲಿಕೆಯನ್ನು ಪ್ರವೇಶಿಸಲಾಗದೆ ಪರದಾಡುತ್ತಿದ್ದಾರೆ ಮತ್ತು ಸುಮಾರು 45% ಶಾಲೆಗಳು ಮಾತ್ರ ಕಂಪ್ಯೂಟರ್‌ಗಳನ್ನು ಹೊಂದಿವೆ.
ಪ್ರತಿ ಮನೆ ಮತ್ತು ತರಗತಿಯನ್ನು ತಲುಪಬಹುದಾದ ಅಗ್ಗದ, ಸಾಂದ್ರೀಕೃತ ಹಾಗೂ AI-ಚಾಲಿತ ಮಾಸ್ ಕಂಪ್ಯೂಟಿಂಗ್ ಈಗ ಕಲಿಕೆ, ಕೌಶಲ್ಯ ಮತ್ತು ಆರ್ಥಿಕ ಭಾಗವಹಿಸುವಿಕೆಗೆ ಅವಶ್ಯಕವಾಗಿದೆ.
ಕರ್ನಾಟಕವು ಸಾರ್ವಭೌಮ, ಸ್ವದೇಶಿ ತಂತ್ರಜ್ಞಾನವನ್ನು ದೊಡ್ಡ ಪ್ರಮಾಣದಲ್ಲಿ ಹೇಗೆ ನಿರ್ಮಿಸುತ್ತಿದೆ ಎಂಬುದನ್ನು KEO ತೋರಿಸಿದೆ. ಇದು ಶಕ್ತಿಯುತ ಕಂಪ್ಯೂಟಿಂಗ್ ಅನ್ನು ತಳಮಟ್ಟಕ್ಕೆ ಕೊಂಡೊಯ್ಯುವ ಮತ್ತು ಪ್ರತಿಯೊಬ್ಬರು ಕಲಿಯುವ ಹಾಗೂ ಪ್ರತಿಯೊಬ್ಬ ನಾಗರಿಕರು ಡಿಜಿಟಲ್ ಆರ್ಥಿಕತೆಯಲ್ಲಿ ಸಂಪೂರ್ಣವಾಗಿ ಭಾಗವಹಿಸಬಹುದಾದ ಭವಿಷ್ಯವನ್ನು ಸೃಷ್ಟಿಸುವತ್ತ ನಮ್ಮ ಹೆಜ್ಜೆಯಾಗಿದೆ ಎಂದು ಪ್ರಿಯಾಂಕ್ ಖರ್ಗೆ ತಿಳಿಸಿದ್ದಾರೆ.
Loading ...
