ನವದೆಹಲಿ : ಹಿರಿಯ ಬಿಜೆಪಿ ನಾಯಕ ವಿಜಯ್ ಕುಮಾರ್ ಮಲ್ಹೋತ್ರಾ (94) ಮಂಗಳವಾರ (ಸೆಪ್ಟೆಂಬರ್) ನವದೆಹಲಿಯ ತಮ್ಮ ನಿವಾಸದಲ್ಲಿ ನಿಧನರಾದರು.ವಯೋಸಹಜ ಖಾಯಿಲೆಯಿಂದ ಬಳಲುತ್ತಿದ್ದ ಅವರು ಇಂದು ನಿಧನರಾಗಿದ್ದಾರೆ ಎಂದು ತಿಳಿದು ಬಂದಿದೆ.
94 ವರ್ಷದ ಮಲ್ಹೋತ್ರಾ ದೆಹಲಿ ಬಿಜೆಪಿಯ ಮೊದಲ ಅಧ್ಯಕ್ಷರಾಗಿದ್ದರು ಎಂದು ಪಕ್ಷವು ಅವರ ನಿಧನಕ್ಕೆ ಸಂತಾಪ ಸೂಚಿಸಿದೆ. ದೆಹಲಿ ಬಿಜೆಪಿಗೆ ಶಾಶ್ವತ ಕಚೇರಿ ದೊರೆತ ಒಂದು ದಿನದ ನಂತರ ಮಲ್ಹೋತ್ರಾ ನಿಧನರಾದರು. ೧೯೯೯ರ ಲೋಕಸಭಾ ಚುನಾವಣೆಯಲ್ಲಿ, ಮಲ್ಹೋತ್ರಾ ದೆಹಲಿಯಲ್ಲಿ ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರನ್ನು ಸೋಲಿಸಿದ್ದರು.
ಮಲ್ಹೋತ್ರಾ ರಾಜಕೀಯದಲ್ಲಿ ದೀರ್ಘಕಾಲ ಸಕ್ರಿಯ ವೃತ್ತಿಜೀವನವನ್ನು ಹೊಂದಿದ್ದಾರೆ. ದೆಹಲಿಯ ಮೆಟ್ರೋಪಾಲಿಟನ್ ಕೌನ್ಸಿಲ್ನ ಮುಖ್ಯ ಕಾರ್ಯನಿರ್ವಾಹಕ ಕೌನ್ಸಿಲರ್ (ಮುಖ್ಯಮಂತ್ರಿ ಸಮಾನ, 1967), ಜನತಾ ಪಕ್ಷದ ಅಧ್ಯಕ್ಷರು , ದೆಹಲಿ (1977) ಮತ್ತು ಬಿಜೆಪಿ , ದೆಹಲಿ (1980–84). ಶ್ರೀ ಕಿದಾರ್ ನಾಥ್ ಸಹಾನಿ ಮತ್ತು ಮದನ್ ಲಾಲ್ ಖುರಾನಾ ಅವರೊಂದಿಗೆ , ಮಲ್ಹೋತ್ರಾ ಅವರು ಹಲವು ವರ್ಷಗಳ ಕಾಲ ದೆಹಲಿಯಲ್ಲಿ ಬಿಜೆಪಿಯನ್ನು ಮುನ್ನಡೆಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
೧೯೯೯ ರ ಭಾರತೀಯ ಸಾರ್ವತ್ರಿಕ ಚುನಾವಣೆಯಲ್ಲಿ ಭಾರತದ ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರನ್ನು ಭಾರಿ ಅಂತರದಿಂದ ಸೋಲಿಸಿದ್ದು ಅವರ ಅತಿದೊಡ್ಡ ರಾಜಕೀಯ ವಿಜಯವಾಗಿದೆ. ಕಳೆದ ೪೫ ವರ್ಷಗಳಿಂದ ಮಲ್ಹೋತ್ರಾ ದೆಹಲಿಯಿಂದ ಐದು ಬಾರಿ ಸಂಸದ ಮತ್ತು ಎರಡು ಬಾರಿ ಶಾಸಕರಾಗಿದ್ದಾರೆ , ಇದರಿಂದಾಗಿ ಅವರು ರಾಜಧಾನಿಯಲ್ಲಿ ಬಿಜೆಪಿಯ ಅತ್ಯಂತ ಹಿರಿಯ ವ್ಯಕ್ತಿಗಳಲ್ಲಿ ಒಬ್ಬರಾಗಿದ್ದಾರೆ.
Loading ...
