ಧರ್ಮಸ್ಥಳ : ಶತಮಾನಗಳಿಂದ, ಶ್ರೀ ಕ್ಷೇತ್ರ ಧರ್ಮಸ್ಥಳವು ನಂಬಿಕೆ, ದಾನ ಮತ್ತು ಸೇವೆಯ ಸಂಕೇತವಾಗಿ ನಿಂತಿದೆ. ಆದರೆ ಇತ್ತೀಚಿಗೆ ಅದರ ಪಾವಿತ್ರ್ಯವು ಅಭೂತಪೂರ್ವ ದಾಳಿಗೆ ಒಳಗಾಗಿದೆ . ಅದು ಕೂಡ ಸಾಬೀತಾಗಿರುವ ತಪ್ಪುಗಳಿಂದಲ್ಲ, ಬದಲಾಗಿ ತಪ್ಪು ಮಾಹಿತಿಯ ಜಾಲದಿಂದ.
ಹೌದು, ಇದಕ್ಕೆ ಪ್ರಮುಖ ಉದಾಹರಣೆಯೆಂದರೆ ‘ಅನನ್ಯಾ ಭಟ್’ ಪ್ರಕರಣ – 2003 ರಲ್ಲಿ ಧರ್ಮಸ್ಥಳದಲ್ಲಿ ಕಸ್ತೂರ್ಬಾ ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿನಿ ನಾಪತ್ತೆಯಾದರು, ಆಕೆಯ ಪ್ರಕರಣವನ್ನು ಪ್ರಬಲ ಶಕ್ತಿಗಳು ಮುಚ್ಚಿ ಹಾಕಿದ್ದಾರೆ ಎಂದು ಆರೋಪಿಸಿ ಸಾಮಾಜಿಕ ಮಾಧ್ಯಮದಲ್ಲಿ ಹರಡಿಸಿದ ಸುದ್ದಿ ಕಾಡ್ಚಿಚ್ಚಿನಂತೆ ಹರಡಿತು.
1995 ರಿಂದ 2014 ರವರೆಗೆ ಧರ್ಮಸ್ಥಳದಲ್ಲಿ ಕೆಲಸ ಮಾಡುತ್ತಿದ್ದ ಮಾಜಿ ನೈರ್ಮಲ್ಯ ಗುತ್ತಿಗೆದಾರ ( ಅನಾಮಿಕ ಮಾಸ್ಕ್ ದಾರ) ಶವಗಳನ್ನು ವಿಲೇವಾರಿ ಮಾಡಲು ಒತ್ತಾಯಿಸಲಾಗಿದೆ ಎಂದು ಹೇಳಿಕೊಂಡಾಗ ಈ ಘಟನೆ ಮತ್ತೆ ಬೆಳಕಿಗೆ ಬಂದಿತು. ಧರ್ಮಸ್ಥಳದಲ್ಲಿ ನಾನು ನೂರಾರು ಶವಗಳನ್ನು ಹೂತಿದ್ದೇನೆ ಎಂದು ದೂರುದಾರ ಆರೋಪಿಸಿದಾಗ ಧರ್ಮಸ್ಥಳ ಸುದ್ದಿ ಭಾರಿ ಚರ್ಚೆಗೆ ಕಾರಣವಾಯಿತು. ನಂತರ ಎಸ್ ಐ ಟಿ ತನಿಖೆ ಕೂಡ ಆರಂಭವಾಯಿತು.
ಇದಾದ ನಂತರ ಸುಜಾತಾ ಭಟ್ ಮುಂದೆ ಬಂದರು. ಅವರು ತಮ್ಮ ಮಗಳ ಕಣ್ಮರೆಗೆ ದೂರುದಾರನ ಹೇಳಿಕೆಗಳಿಗೆ ಸಂಬಂಧ ಕಲ್ಪಿಸಲು ಪ್ರಯತ್ನಿಸಿದರು. ಆದರೆ ಸತ್ಯಗಳು ಬೇರೆಯದೇ ಕಥೆಯನ್ನು ಹೇಳುತ್ತವೆ.
ಕಸ್ತೂರ್ಬಾ ವೈದ್ಯಕೀಯ ಕಾಲೇಜಿನ ದಾಖಲೆಗಳು ‘ಅನನ್ಯಾ ಭಟ್’ ಎಂಬ ಹೆಸರಿನ ಯಾವುದೇ ವಿದ್ಯಾರ್ಥಿನಿಯನ್ನು ಇದುವರೆಗೆ ದಾಖಲಿಸಲಾಗಿಲ್ಲ ಎಂದು ದೃಢಪಡಿಸುತ್ತವೆ. ಯಾವುದೇ ವಿಶ್ವಾಸಾರ್ಹ ಸಾಕ್ಷಿಗಳಿಲ್ಲ, ಪರಿಶೀಲಿಸಿದ ದಾಖಲೆಗಳಿಲ್ಲ ಮತ್ತು 2003 ರ ಪೊಲೀಸ್ ಅಥವಾ ಮಾಧ್ಯಮ ದಾಖಲೆಗಳಲ್ಲಿ ಪ್ರಕರಣದ ಯಾವುದೇ ಕುರುಹು ಇಲ್ಲ.
ಧರ್ಮಸ್ಥಳದ ಬಗ್ಗೆ ಮಹೇಶ್ ಶೆಟ್ಟಿ ತಿಮರೋಡಿ ಮಾಡಿದ ಆರೋಪಗಳ ಬಗ್ಗೆ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಸುದ್ದಿಯಾದವು . ಆದರೆ ಡಿಜಿಟಲ್ ಯುಗದಲ್ಲಿ ಸುದ್ದಿ ನಿಖರ ಎಂದು ಕಂಡು ಹಿಡಿಯುವುದಕ್ಕಿಂತ ಮೊದಲೇ ವೇಗವಾಗಿ ಹರಡುತ್ತವೆ.
Loading ...
