ಸಿನಿಮಾ ತಾರೆಯರ ಪತ್ನಿಯರು ಈಗ ತೆರೆಮರೆಯಲ್ಲೇ ಉಳಿದಿಲ್ಲ. ತಮ್ಮದೇ ಆದ ಪ್ರತಿಭೆ ಮತ್ತು ಉದ್ಯಮಶೀಲತೆಯ ಮೂಲಕ ಇತರರಿಗೆ ಸ್ಫೂರ್ತಿಯಾಗಿದ್ದಾರೆ. ಅಂತಹವರಲ್ಲಿ ಒಬ್ಬರು ಜನಪ್ರಿಯ ನಟ ಗ್ಲೋಬಲ್ ಸ್ಟಾರ್ ರಾಮ್ ಚರಣ್ ಅವರ ಪತ್ನಿ ಉಪಾಸನಾ ಕಾಮಿನೇನಿ. ಸಿನಿಮಾರಂಗದಿಂದ ದೂರವಿದ್ದೂ ಅವರು ತಮ್ಮದೇ ಆದ ಹೆಸರನ್ನು ಗಳಿಸಿದ್ದಾರೆ.
ದಕ್ಷಿಣ ಭಾರತದ ಅತಿದೊಡ್ಡ ಸಿನಿಮಾ ತಾರೆಗಳಲ್ಲಿ ಒಬ್ಬರಾದ ರಾಮ್ ಚರಣ್ ಅವರು ಬಲಿಷ್ಠ ವ್ಯಾಪಾರ ಕುಟುಂಬಕ್ಕೆ ಸೇರಿದ ಉಪಾಸನಾ ಕಾಮಿನೇನಿ ಅವರನ್ನು 2012ರಲ್ಲಿ ವಿವಾಹವಾದರು. ಈ ದಂಪತಿಗಳು ಭಾರತದ ಶ್ರೀಮಂತ ಸೆಲೆಬ್ರಿಟಿ ಜೋಡಿಗಳಲ್ಲಿ ಒಂದಾಗಿದ್ದು, ಅವರ ಒಟ್ಟು ನಿವ್ವಳ ಸಂಪತ್ತು ಸುಮಾರು ₹2,500 ಕೋಟಿ ಎಂದು ಅಂದಾಜಿಸಲಾಗಿದೆ. ಇವರಿಗೆ ಜೂನ್ 20, 2023 ರಂದು ಮುದ್ದಾದ ಹೆಣ್ಣು ಮಗು ಜನಿಸಿದೆ. ರಾಮ್ ಚರಣ್ ಜನಪ್ರಿಯ ನಟ ಚಿರಂಜೀವಿ ಅವರ ಪುತ್ರ.
ಉಪಾಸನಾ ಕಾಮಿನೇನಿ ಸ್ವತಃ ಯಶಸ್ವಿ ಉದ್ಯಮಿಯಾಗಿದ್ದು, ಅವರ ವೈಯಕ್ತಿಕ ನಿವ್ವಳ ಸಂಪತ್ತು ಸುಮಾರು ₹1,130 ಕೋಟಿ ಎಂದು ವರದಿಯಾಗಿದೆ. ರಾಮ್ ಚರಣ್ ಅವರ ಅಂದಾಜು ನಿವ್ವಳ ಸಂಪತ್ತು ₹1,370 ಕೋಟಿ ಇದ್ದು, ಅವರು ಪ್ರತಿ ಸಿನಿಮಾಗೆ ಸುಮಾರು ₹100 ಕೋಟಿ ಸಂಭಾವನೆ ಪಡೆಯುತ್ತಾರೆ ಎಂದು ಹೇಳಲಾಗಿದೆ.
ಉಪಾಸನಾ ಅವರು ಅಪೋಲೋ ಆಸ್ಪತ್ರೆಗಳ ಸಂಸ್ಥಾಪಕ ಮತ್ತು ಅಧ್ಯಕ್ಷರಾದ ಡಾ. ಪ್ರತಾಪ್ ಸಿ. ರೆಡ್ಡಿ ಅವರ ಮೊಮ್ಮಗಳು. ಡಾ. ಪ್ರತಾಪ್ ಸಿ. ರೆಡ್ಡಿ ಅವರ ಸಂಪತ್ತು ಸುಮಾರು ₹22,000 ಕೋಟಿ ಎಂದು ಅಂದಾಜಿಸಲಾಗಿದೆ. ಇನ್ನು, ಅಪೋಲೋ ಆಸ್ಪತ್ರೆ ಸಮೂಹದ ಒಟ್ಟು ಮಾರುಕಟ್ಟೆ ಮೌಲ್ಯ ಸುಮಾರು ₹77,000 ಕೋಟಿಗೂ ಹೆಚ್ಚಿದೆ. ಉಪಾಸನಾ ಅವರು ಅಪೋಲೋ ಆಸ್ಪತ್ರೆಗಳ ಉಪಾಧ್ಯಕ್ಷರಾಗಿ ಕಾರ್ಯನಿರ್ವಹಿಸುತ್ತಿದ್ದರೆ, ಅವರ ತಾಯಿ ಶೋಭನಾ ಅವರು ಕಾರ್ಯಕಾರಿ ಉಪ-ಅಧ್ಯಕ್ಷರಾಗಿದ್ದಾರೆ.
ಅಂತರರಾಷ್ಟ್ರೀಯ ವ್ಯಾಪಾರ ಮಾರ್ಕೆಟಿಂಗ್ ಮತ್ತು ಮ್ಯಾನೇಜ್‌ಮೆಂಟ್‌ನಲ್ಲಿ ಅಧ್ಯಯನ ಮಾಡಿದ ನಂತರ, ಉಪಾಸನಾ ತಮ್ಮ ಕುಟುಂಬದ ವ್ಯವಹಾರಕ್ಕೆ ಸೇರಿದರು. ಅಪೋಲೋ ಆಸ್ಪತ್ರೆಗಳಲ್ಲಿ ತಮ್ಮ ಪಾತ್ರದ ಜೊತೆಗೆ, ಉಪಾಸನಾ ‘ಬಿ ಪಾಸಿಟಿವ್’ (B Positive) ಮ್ಯಾಗಜಿನ್‌ನ ಪ್ರಧಾನ ಸಂಪಾದಕಿ ಮತ್ತು ಆರೋಗ್ಯ ವಿಮಾ ಕಂಪನಿ TPA ಯ ವ್ಯವಸ್ಥಾಪಕ ನಿರ್ದೇಶಕಿ ಕೂಡ ಆಗಿದ್ದಾರೆ. ಅವರ ತಂದೆ, ಅನಿಲ್ ಕಾಮಿನೇನಿ, ಕೆಇಐ ಗ್ರೂಪ್ (KEI Group) ಅನ್ನು ಸ್ಥಾಪಿಸಿದ್ದಾರೆ.
ತಮ್ಮ ದಯಾಳು ಸ್ವಭಾವಕ್ಕೆ ಹೆಸರುವಾಸಿಯಾದ ಉಪಾಸನಾ, ಸಾಮಾಜಿಕ ಕಾರ್ಯ ಮತ್ತು ದಾನ ಚಟುವಟಿಕೆಗಳಲ್ಲಿಯೂ ಆಳವಾಗಿ ತೊಡಗಿಸಿಕೊಂಡಿದ್ದಾರೆ.
Loading ...
