ಕೋಚ್ ಬೆಹಾರ್: ಪಶ್ಚಿಮ ಬಂಗಾಳದ ಮಹಿಳೆಯೊಬ್ಬರು ಹಳೆಯ ಹಿಂದಿ ಹಾಡಿಗೆ ತಮ್ಮ ಮಧುರ ಕಂಠದಿಂದ ಜೀವ ತುಂಬಿದರೆ, ಅವರ ಮಗ ಅದಕ್ಕೆ ಬಿಟ್‌ಬಾಕ್ಸ್‌ನ ಮೋಡಿ ಸೇರಿಸಿರುವ ವಿಡಿಯೋ ಇದೀಗ ಅಂತರ್ಜಾಲದಲ್ಲಿ ಭಾರಿ ಸದ್ದು ಮಾಡುತ್ತಿದೆ. 1958ರಲ್ಲಿ ತೆರೆಕಂಡ ‘ಫಾಗುನ್’ ಚಿತ್ರದ ‘ಏಕ್ ಪರದೇಸಿ ಮೇರಾ ದಿಲ್ ಲೇ ಗಯಾ’ ಹಾಡನ್ನು ತಾಯಿ ಹಾಡುತ್ತಿದ್ದರೆ, ಮಗ ವಿಕ್ಕಿ ದಾಸ್ ತನ್ನ ಬಿಟ್ಬಾಕ್ಸ್ ಕೌಶಲ್ಯದಿಂದ ಹಾಡಿಗೆ ಹೊಸ ರಂಗು ನೀಡಿದ್ದಾನೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ವಿಕ್ಕಿ ಹಂಚಿಕೊಂಡ ಈ ವಿಡಿಯೋವನ್ನು 80 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ. ತಾಯಿಯ ಸುಮಧುರ ಗಾಯನಕ್ಕೆ ಮಗನ ಬಿಟ್ಬಾಕ್ಸ್ ಸೇರಿಕೊಂಡಾಗ ಹಾಡಿನ ಲಯ ಮತ್ತು ಹುರುಪು ಮತ್ತಷ್ಟು ಹೆಚ್ಚಾಗುತ್ತದೆ. ಹಳೆಯ ಹಾಡಿನ ಮಧುರತೆಗೆ ಆಧುನಿಕ ಬಿಟ್‌ಬಾಕ್ಸ್‌ನ ಸ್ಪರ್ಶ ಅದ್ಭುತವಾಗಿ ಮೂಡಿಬಂದಿದ್ದು, ಕೇಳುಗರ ಮನ ಗೆದ್ದಿದೆ.
ನೆಟ್ಟಿಗರು ಈ ತಾಯಿ-ಮಗನ ಜೋಡಿಯನ್ನು ಮುಕ್ತವಾಗಿ ಹೊಗಳುತ್ತಿದ್ದಾರೆ. ತಾಯಿಯ ಗಾಯನಕ್ಕೆ ಮಾರುಹೋಗಿರುವ ಅನೇಕರು, ಮಗನ ಬಿಟ್ಬಾಕ್ಸ್ ಕೌಶಲ್ಯಕ್ಕೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಳೆಯ ಹಾಡಿಗೆ ಹೊಸತನದ ಸ್ಪರ್ಶ ನೀಡಿದ ಈ ಜೋಡಿ ನಿಜಕ್ಕೂ ಅದ್ಭುತ ಎನ್ನುವುದರಲ್ಲಿ ಯಾವುದೇ ಸಂಶಯವಿಲ್ಲ.
Loading ...
