ಮನೆಯಲ್ಲೇ ಮಾಡಿ ಸವಿಯಿರಿ ಕ್ರಿಸ್ಪಿ ಫ್ರೆಂಚ್ ಫ್ರೈಸ್…..!

ಫ್ರೆಂಚ್ ಫ್ರೈಸ್, ಮಕ್ಕಳಿಂದ ಹಿಡಿದು ವಯಸ್ಕರವರೆಗೂ ಎಲ್ಲರಿಗೂ ಇಷ್ಟವಾಗುವ ಜನಪ್ರಿಯ ತಿಂಡಿ. ಮಾರುಕಟ್ಟೆಯಲ್ಲಿ ಲಭ್ಯವಿರುವ ಫ್ರೆಂಚ್ ಫ್ರೈಸ್ ಬದಲಿಗೆ ಮನೆಯಲ್ಲೇ ಕ್ರಿಸ್ಪಿ ಮತ್ತು ರುಚಿಕರವಾದ ಫ್ರೆಂಚ್ ಫ್ರೈಸ್ ಮಾಡುವುದು ಹೇಗೆಂದು ಇಲ್ಲಿ ವಿವರಿಸಲಾಗಿದೆ.

ಬೇಕಾಗುವ ಸಾಮಗ್ರಿಗಳು:

• ದೊಡ್ಡ ಗಾತ್ರದ ಆಲೂಗಡ್ಡೆಗಳು – 4
• ಉಪ್ಪು – ರುಚಿಗೆ ತಕ್ಕಷ್ಟು
• ಎಣ್ಣೆ – ಕರಿಯಲು

ಮಾಡುವ ವಿಧಾನ:

1. ಮೊದಲಿಗೆ ಆಲೂಗಡ್ಡೆಗಳ ಸಿಪ್ಪೆ ತೆಗೆದು ಉದ್ದುದ್ದಕ್ಕೆ ತೆಳುವಾಗಿ ಕತ್ತರಿಸಿಕೊಳ್ಳಿ.
2. ಕತ್ತರಿಸಿದ ಆಲೂಗಡ್ಡೆಗಳನ್ನು ತಣ್ಣೀರಿನಲ್ಲಿ 15 ನಿಮಿಷ ನೆನೆಸಿ. ಇದರಿಂದ ಆಲೂಗಡ್ಡೆಯ ಪಿಷ್ಟದ ಅಂಶ ಕಡಿಮೆಯಾಗುತ್ತದೆ.
3. ನಂತರ ಆಲೂಗಡ್ಡೆಗಳನ್ನು ನೀರಿನಿಂದ ತೆಗೆದು ಸ್ವಚ್ಛವಾದ ಬಟ್ಟೆಯಿಂದ ಒರೆಸಿ.
4. ಒಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಲು ಇಡಿ.
5. ಎಣ್ಣೆ ಬಿಸಿಯಾದ ನಂತರ ಆಲೂಗಡ್ಡೆಗಳನ್ನು ಹಾಕಿ.
6. ಆಲೂಗಡ್ಡೆಗಳು ಅರ್ಧ ಬೆಂದ ನಂತರ ತೆಗೆದು 15 ನಿಮಿಷ ಫ್ರಿಡ್ಜ್‌ನಲ್ಲಿಡಿ.
7. ಮತ್ತೆ ಎಣ್ಣೆ ಬಿಸಿ ಮಾಡಿ, ಆಲೂಗಡ್ಡೆಗಳನ್ನು ಹಾಕಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಕರಿಯಿರಿ.
8. ಕರಿದ ಆಲೂಗಡ್ಡೆಗಳನ್ನು ಒಂದು ಪ್ಲೇಟ್‌ಗೆ ತೆಗೆದುಕೊಂಡು ಉಪ್ಪು ಹಾಕಿ ಮಿಕ್ಸ್ ಮಾಡಿ.
9. ಟೊಮೆಟೊ ಸಾಸ್ ಜೊತೆ ಬಿಸಿ ಬಿಸಿಯಾದ ಫ್ರೆಂಚ್ ಫ್ರೈಸ್ ಸವಿಯಲು ಸಿದ್ಧ.

ಟಿಪ್ಸ್:

• ಆಲೂಗಡ್ಡೆಗಳನ್ನು ಎರಡು ಬಾರಿ ಕರಿಯುವುದರಿಂದ ಫ್ರೆಂಚ್ ಫ್ರೈಸ್ ಕ್ರಿಸ್ಪಿ ಆಗಿ ಬರುತ್ತದೆ.
• ಆಲೂಗಡ್ಡೆಗಳನ್ನು ಕತ್ತರಿಸಿದ ತಕ್ಷಣ ನೀರಿನಲ್ಲಿ ಹಾಕಿ. ಇದರಿಂದ ಅವು ಕಪ್ಪಾಗುವುದಿಲ್ಲ.
• ಫ್ರೆಂಚ್ ಫ್ರೈಸ್ ಅನ್ನು ವಿವಿಧ ಮಸಾಲೆಗಳೊಂದಿಗೆ ಸವಿಯಬಹುದು.
• ಫ್ರೆಂಚ್ ಫ್ರೈಸ್ ಮಾಡುವಾಗ ಯಾವಾಗಲೂ ದೊಡ್ಡ ಆಲೂಗಡ್ಡೆಯನ್ನು ಬಳಸಿದರೆ ಒಳ್ಳೆಯದು.
• ಫ್ರೆಂಚ್ ಫ್ರೈಸ್ ಅನ್ನು ಕರಿಯಲು ಕಡಲೆಕಾಯಿ ಎಣ್ಣೆ ಅಥವಾ ಸೂರ್ಯಕಾಂತಿ ಎಣ್ಣೆಯನ್ನು ಬಳಸಿ.