ಶೆನ್ಜೆನ್ (ಚೀನಾ): ಡಬಲ್ ಒಲಿಂಪಿಕ್ ಪದಕ ವಿಜೇತೆ ಪಿ.ವಿ.ಸಿಂಧು ಅವರು ಬುಧವಾರ ನಡೆದ ಚೀನಾ ಮಾಸ್ಟರ್ಸ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಥಾಯ್ಲೆಂಡ್ ಬುಸಾನನ್ ಒಂಗ್ಬಮ್ರುಂಗ್ಫಾನ್ ಅವರನ್ನು ನೇರ ಗೇಮ್ಗಳಲ್ಲಿ ಸೋಲಿಸಿ ಎರಡನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.
ಸೂಪರ್ 750 ಸ್ಪರ್ಧೆಯ ಮೊದಲ ಸುತ್ತಿನಲ್ಲಿ ವಿಶ್ವದ 19 ನೇ ಶ್ರೇಯಾಂಕದ ಸಿಂಧು ಉನ್ನತ ಶ್ರೇಯಾಂಕದ ಬುಸಾನನ್ ಅವರನ್ನು 50 ನಿಮಿಷಗಳಲ್ಲಿ 21-17, 21-19 ಅಂತರದಿಂದ ಸೋಲಿಸಿದರು.
21 ಪಂದ್ಯಗಳಲ್ಲಿ ವಿಶ್ವದ 11ನೇ ಶ್ರೇಯಾಂಕಿತ ಆಟಗಾರ್ತಿಯ ವಿರುದ್ಧ ಸಿಂಧು ಗಳಿಸಿದ 20ನೇ ಗೆಲುವು ಇದಾಗಿದೆ.ಬುಸಾನನ್ 14-10ರ ಮುನ್ನಡೆ ಸಾಧಿಸುವುದರೊಂದಿಗೆ ಇಬ್ಬರೂ ಶಟ್ಲರ್ ಗಳು ಪಂದ್ಯವನ್ನು ಸಮಬಲದಲ್ಲಿ ಆರಂಭಿಸಿದರು.ಸಿಂಧು ಒಂಬತ್ತು ಅಂಕಗಳನ್ನು ಗೆದ್ದು 19-14 ಮುನ್ನಡೆ ಸಾಧಿಸಿದರು. ಆದರೆ ಮೊದಲ ಗೇಮ್ ನಲ್ಲಿನ ಸೋಲು ಬುಸಾನನ್ ಅವರನ್ನು ತಡೆಯಲಿಲ್ಲ, ಏಕೆಂದರೆ ಅವರು ಎರಡನೇ ಗೇಮ್ ಅನ್ನು ಬಲವಾಗಿ ಪ್ರಾರಂಭಿಸಿದರು. ಸಿಂಧು ಎರಡನೇ ಗೇಮ್ ನ ಬಹುಪಾಲು ಹಿನ್ನಡೆ ಅನುಭವಿಸಿದರೂ, ಆಕ್ರಮಣಕಾರಿ ಆಟದಿಂದ ಅಂಕಗಳ ಕೊರತೆಯನ್ನು ನೀಗಿಸಲು 18-17ರಲ್ಲಿ ಮೊದಲ ಬಾರಿಗೆ ಮುನ್ನಡೆ ಸಾಧಿಸಿದರು.
Loading ...