ಹಲವು ದೃಶ್ಯಗಳಿಗೆ ಕತ್ತರಿ ಬಳಿಕ ‘ಎಮರ್ಜೆನ್ಸಿ’ಗೆ ಯು/ಎ ಪ್ರಮಾಣಪತ್ರ

ನಟಿ, ಸಂಸದೆ ಕಂಗನಾ ರಣಾವತ್ ಅಭಿನಯದ ‘ಎಮರ್ಜೆನ್ಸಿ’ ಚಿತ್ರಕ್ಕೆ ಸೆಂಟ್ರಲ್ ಬೋರ್ಡ್ ಆಫ್ ಫಿಲ್ಮ್ ಸರ್ಟಿಫಿಕೇಶನ್(ಸಿಬಿಎಫ್‌ಸಿ) ಯುಎ ಪ್ರಮಾಣಪತ್ರವನ್ನು ಪಡೆದುಕೊಂಡಿದೆ. ಕೆಲವು ಸೀಕ್ವೆನ್ಸ್‌ ಗಳಲ್ಲಿ ದೃಶ್ಯಗಳನ್ನು ಕತ್ತರಿಸಲು ಮತ್ತು ಹಕ್ಕು ನಿರಾಕರಣೆಗಳನ್ನು ಸೇರಿಸಲು ನಿರ್ಮಾಪಕರಿಗೆ ಸೂಚಿಸಲಾಗಿದೆ ಎಂದು ಹೇಳಲಾಗಿದೆ.

‘ಎಮರ್ಜೆನ್ಸಿ’ ಚಿತ್ರದಲ್ಲಿ ಚಿತ್ರಿಸಲಾದ ಐತಿಹಾಸಿಕ ಘಟನೆಗಳ ಬಗ್ಗೆ ಹಕ್ಕು ನಿರಾಕರಣೆಗಳನ್ನು ನೀಡುವಂತೆ CBFC ಚಲನಚಿತ್ರ ನಿರ್ಮಾಪಕರನ್ನು ಕೇಳಿದೆ.

ಯುಎ ಪ್ರಮಾಣಪತ್ರವು ಚಲನಚಿತ್ರವನ್ನು ವಿವಿಧ ವಯೋಮಾನದ ಪ್ರೇಕ್ಷಕರು ವೀಕ್ಷಿಸಬಹುದು ಎಂದು ಸೂಚಿಸುತ್ತದೆ. ಆದರೆ ಪೋಷಕರ ಮಾರ್ಗದರ್ಶನ ಇರಬೇಕು ಎನ್ನಲಾಗಿದೆ. ಜುಲೈ 8 ರಂದು ಸೆನ್ಸಾರ್ ಮಂಡಳಿಗೆ ತುರ್ತುಪರಿಶೀಲನೆಗಾಗಿ ಸಲ್ಲಿಸಲಾಗಿದೆ. ಕಳೆದ ತಿಂಗಳು, ಅಕಾಲ್ ತಖ್ತ್ ಮತ್ತು ಶಿರೋಮಣಿ ಗುರುದ್ವಾರ ಪರ್ಬಂಧಕ್ ಸಮಿತಿ ಸೇರಿದಂತೆ ವಿವಿಧ ಸಿಖ್ ಸಂಘಟನೆಗಳು ಸಿಖ್ ಸಮುದಾಯದ ಚಿತ್ರಣಕ್ಕಾಗಿ ಚಲನಚಿತ್ರವನ್ನು ನಿಷೇಧಿಸಬೇಕೆಂದು ಒತ್ತಾಯಿಸಿದ್ದು, ಚಿತ್ರ ಬಿಡುಗಡೆ ಮೇಲೆ ಪರಿಣಾಮ ಬೀರಿತ್ತು.

ಹಲವಾರು ಸಿಖ್ ಸಂಘಟನೆಗಳು ಸೆನ್ಸಾರ್ ಮಂಡಳಿಗೆ ಪತ್ರ ಬರೆದು ನ್ಯಾಯಾಲಯದ ಮೊರೆ ಹೋಗಿದ್ದವು.

‘ಎಮರ್ಜೆನ್ಸಿ’ಯ ನಿರ್ಮಾಪಕಿ ಕಂಗನಾ ರಣಾವತ್ ಅವರು ಚಿತ್ರದ ವಿಳಂಬದ ಹೇಳಿಕೆ ನೀಡಿದ್ದರು. ಅನುಪಮ್ ಖೇರ್, ಶ್ರೇಯಸ್ ತಲ್ಪಾಡೆ ಮುಂತಾದವರು ನಟಿಸಿರುವ ಈ ಚಿತ್ರ ಸೆಪ್ಟೆಂಬರ್ 6 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಬೇಕಿತ್ತು.