ಪಾಕಿಸ್ತಾನದ ಬಲೂಚಿಸ್ತಾನದಲ್ಲಿ ಬಲೂಚ್ ಲಿಬರೇಶನ್ ಆರ್ಮಿಯ ಹಿಂಸಾತ್ಮಕ ಪ್ರತಿಭಟನೆಗಳು ಹೆಚ್ಚುತ್ತಿವೆ. ಈಗ ಈ ಬಲೂಚ್ ಸೈನ್ಯವು ರಾತ್ರೋರಾತ್ರಿ 102 ಪಾಕಿಸ್ತಾನಿ ಸೈನಿಕರನ್ನು ಕೊಂದಿದೆ ಎಂಬ ಸುದ್ದಿ ಬಂದಿದೆ.
ಅಧಿಕೃತ ವರದಿಯ ಪ್ರಕಾರ, ಬಿಎಲ್ಎ ಅಂದರೆ ಬಲೂಚ್ ಲಿಬರೇಶನ್ ಆರ್ಮಿ ಇಷ್ಟು ದೊಡ್ಡ ಸಂಖ್ಯೆಯ ಪಾಕಿಸ್ತಾನಿ ಸೈನಿಕರ ಸಾವಿನ ಜವಾಬ್ದಾರಿಯನ್ನು ವಹಿಸಿಕೊಂಡಿದೆ.
ಬೇಲಾ ಪ್ರದೇಶದ ಮುಖ್ಯ ಸೇನಾ ಶಿಬಿರದ ಮೇಲೆ ಆತ್ಮಾಹುತಿ ದಾಳಿ ಸೇರಿದಂತೆ ಬಲೂಚಿಸ್ತಾನದಾದ್ಯಂತ ಆಕ್ರಮಿತ ಪಾಕಿಸ್ತಾನ ಸೇನೆಯ ವಿರುದ್ಧ ಬೃಹತ್ ಮತ್ತು ವ್ಯಾಪಕ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದೆ ಎಂದು ಬಲೂಚ್ ಲಿಬರೇಶನ್ ಆರ್ಮಿ (ಬಿಎಲ್ಎ) ತಿಳಿಸಿದೆ.
ಬಲೂಚಿಸ್ತಾನದಾದ್ಯಂತ “ಫಿದಾಯಿನ್ ಆಪರೇಷನ್ ಹೆರೂಫ್” (ಎಲ್ಲಾs ಕಡೆಯಿಂದ ಚಂಡಮಾರುತ) ಪ್ರಾರಂಭಿಸಲಾಗಿದೆ ಎಂದು ಬಿಎಲ್ಎ ವಕ್ತಾರ ಜೀಯಾಂಡ್ ಬಲೂಚ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.”ಈ ಕಾರ್ಯಾಚರಣೆಯ ಭಾಗವಾಗಿ, ಬಿಎಲ್ಎಯ ಗಣ್ಯ ಘಟಕವಾದ ಮಜೀದ್ ಬ್ರಿಗೇಡ್ನ ಫಿದಾಯಿನ್ (ಆತ್ಮಾಹುತಿ ದಾಳಿಕೋರರು) ಬೇಲಾದಲ್ಲಿನ ಆಕ್ರಮಿತ ಶತ್ರು ಪಡೆಗಳ ಮುಖ್ಯ ಶಿಬಿರದ ಮೇಲೆ ದಾಳಿ ನಡೆಸಿದ್ದಾರೆ ಮತ್ತು ಅದನ್ನು ಯಶಸ್ವಿಯಾಗಿ ಒಳನುಸುಳಿದ್ದಾರೆ” ಎಂದು ವಕ್ತಾರರು ತಿಳಿಸಿದ್ದಾರೆ.
Loading ...
