ಇತ್ತೀಚಿನ ದಿನಗಳಲ್ಲಿ ಮಧುಮೇಹ, ಕ್ಯಾನ್ಸರ್‌ ಮಾತ್ರವಲ್ಲ ಬ್ರೈನ್ ಟ್ಯೂಮರ್ ಕೂಡ ಬಹಳಷ್ಟು ಜನರನ್ನು ಕಾಡುತ್ತಿರುವ ಅಪಾಯಕಾರಿ ಕಾಯಿಲೆಯಾಗಿದೆ. ದೇಹದಲ್ಲಿ ಅಸಹಜವಾಗಿ ಬೆಳೆಯುತ್ತಿರುವ ಅಂಗಾಂಶದಿಂದಾಗಿ ಮೆದುಳಿನ ಯಾವುದೇ ಭಾಗದಲ್ಲಿ ಗಡ್ಡೆ ಅಥವಾ ಟ್ಯೂಮರ್ ಉಂಟಾಗುತ್ತದೆ. ಈ ಗಡ್ಡೆಯಲ್ಲಿ ಜೀವಕೋಶಗಳು ವೇಗವಾಗಿ ಅಭಿವೃದ್ಧಿ ಹೊಂದುತ್ತವೆ ಮತ್ತು ಇದು ಮೆದುಳಿನ ಕೆಲಸವನ್ನು ತಡೆಯುತ್ತದೆ.ಬ್ರೈನ್ ಟ್ಯೂಮರ್‌ಗೆ ಅನೇಕ ಕಾರಣಗಳಿರಬಹುದು. ಜನರು ಸಾಮಾನ್ಯವಾಗಿ ನಿರ್ಲಕ್ಷಿಸುವ ಅಪಾಯಕಾರಿ ಅಂಶಗಳ ಬಗ್ಗೆ ತಿಳಿದುಕೊಳ್ಳೋಣ. ಈ ಬಗ್ಗೆ ಗಮನಹರಿಸದೇ ಇದ್ದರೆ ಬಹುದೊಡ್ಡ ಸಮಸ್ಯೆಗೆ ತುತ್ತಾಗುವ ಸಾಧ್ಯತೆ ಇರುತ್ತದೆ.
ಬ್ರೈನ್ ಟ್ಯೂಮರ್‌ಗೆ ಕಾರಣವಾಗುವ ಅಪಾಯಕಾರಿ ಅಂಶಗಳು
ವಯಸ್ಸು: ಮೆದುಳಿನ ಗೆಡ್ಡೆ ಯಾವುದೇ ವಯಸ್ಸಿನಲ್ಲಿ ಸಂಭವಿಸಬಹುದು. ಆದರೆ ಬ್ರೈನ್ ಟ್ಯೂಮರ್ ವಯಸ್ಸಾದವರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ.
ಜೆನೆಟಿಕ್ಸ್: ಕೆಲವರು ಆನುವಂಶಿಕವಾಗಿ ಬ್ರೈನ್ ಟ್ಯೂಮರ್‌ಗೆ ತುತ್ತಾಗಬಹುದು. ಉದಾಹರಣೆಗೆ ನ್ಯೂರೋಫೈಬ್ರೊಮಾಟೋಸಿಸ್ ಟೈಪ್ 1 ಅಥವಾ 2, ಲಿ-ಫ್ರೌಮೆನಿ ಸಿಂಡ್ರೋಮ್ ಅಥವಾ ಟರ್ಕೋಟ್ ಸಿಂಡ್ರೋಮ್‌ನಂತಹ ಕೆಲವು ಆನುವಂಶಿಕ ಪರಿಸ್ಥಿತಿಗಳು ಮೆದುಳಿನ ಗಡ್ಡೆಯನ್ನು ಅಭಿವೃದ್ಧಿಪಡಿಸುವ ಅಪಾಯವನ್ನು ಹೆಚ್ಚಿಸುತ್ತವೆ.
ಮೊಬೈಲ್ ಫೋನ್: ಮೊಬೈಲ್ ಫೋನ್ ಅನ್ನು ಅತಿಯಾಗಿ ಬಳಸುವುದರಿಂದ ಬ್ರೈನ್ ಟ್ಯೂಮರ್ ಉಂಟಾಗುತ್ತದೆ. ಮೊಬೈಲ್ ಫೋನ್‌ಗಳ ಅತಿಯಾದ ಮತ್ತು ದೀರ್ಘಾವಧಿಯ ಬಳಕೆಯು ಬ್ರೈನ್ ಟ್ಯೂಮರ್ ಸಾಧ್ಯತೆಯನ್ನು ಹೆಚ್ಚಿಸಬಹುದು. ಫೋನ್‌ನಿಂದ ಉತ್ಪತ್ತಿಯಾಗುವ ಶಾಖ ಮತ್ತು ಅದರ ವಿಕಿರಣ ಎರಡಕ್ಕೂ ಇದು ಲಿಂಕ್ ಆಗಿರುತ್ತದೆ.
ಪರಿಸರದ ವಿಷಗಳು: ಕೀಟನಾಶಕಗಳು ಅಥವಾ ದ್ರಾವಕಗಳಂತಹ ಕೆಲವು ರಾಸಾಯನಿಕಗಳು ಅಥವಾ ವಿಷಗಳಿಗೆ ಒಡ್ಡಿಕೊಳ್ಳುವುದರಿಂದ ಬ್ರೈನ್ ಟ್ಯೂಮರ್‌ಗೆ ತುತ್ತಾಗುವ ಸಾಧ್ಯತೆ ಇರುತ್ತದೆ.
ಕಳಪೆ ಜೀವನಶೈಲಿ: ಸಂಸ್ಕರಿತ ಆಹಾರದ ಹೆಚ್ಚಿನ ಸೇವನೆ ಅಥವಾ ಹಣ್ಣುಗಳು ಮತ್ತು ತರಕಾರಿಗಳ ಕಡಿಮೆ ಸೇವನೆ, ದೈಹಿಕ ಚಟುವಟಿಕೆಯ ಕೊರತೆಯಂತಹ ಕೆಲವು ಜೀವನಶೈಲಿ ಅಂಶಗಳು ಮೆದುಳಿನ ಗಡ್ಡೆಗಳ ಬೆಳವಣಿಗೆಗೆ ಕಾರಣವಾಗಬಹುದು.
Loading ...
