ಪ್ರಸ್ತುತ ಯುಗದಲ್ಲಿ ತಂತ್ರಜ್ಞಾನವು ದಿನದಿಂದ ದಿನಕ್ಕೆ ತನ್ನ ಸ್ವರೂಪವನ್ನು ವೇಗವಾಗಿ ಬದಲಾಯಿಸುತ್ತಿದೆ. ಪ್ರತಿನಿತ್ಯ ಹೊಸದಾದ ಅದ್ಭುತ ಆವಿಷ್ಕಾರಗಳನ್ನು ಮಾಡಲಾಗುತ್ತಿದೆ. NASA ಮಾನವರನ್ನು ಚಂದ್ರನತ್ತ ಕಳುಹಿಸಲು ಆರ್ಟೆಮಿಸ್ ಕಾರ್ಯಾಚರಣೆಯನ್ನು ಪ್ರಾರಂಭಿದ್ರೆ, ಇತರ ಪ್ರಪಂಚದ ಪುರಾವೆಗಳನ್ನು ಕಂಡುಹಿಡಿಯಲು ಚೀನಾ ವೇಗದ ದೂರದರ್ಶಕವನ್ನು (ಐನೂರು-ಮೀಟರ್ ಅಪರ್ಚರ್ ಸ್ಫೆರಿಕಲ್ ಟೆಲಿಸ್ಕೋಪ್) ಆವಿಷ್ಕರಿಸಿದೆ.
ಸೌರಶಕ್ತಿಗೆ ಸಂಬಂಧಿಸಿದ ಹೊಸ ಆವಿಷ್ಕಾರವೊಂದು ಪೂರ್ಣಗೊಂಡ ತಕ್ಷಣ ಪ್ರಪಂಚದಾದ್ಯಂತದ ವಿಜ್ಞಾನಿಗಳ ಅನೇಕ ಕೆಲಸಗಳು ಸುಲಭವಾಗುತ್ತವೆ. MITಯ ಕೆಲವು ಸಂಶೋಧಕರು ಜಂಟಿಯಾಗಿ ಈ ಸಂಶೋಧನೆ ಮಾಡಿದ್ದಾರೆ. ಸೌರಶಕ್ತಿಯ ಗರಿಷ್ಠ ಪ್ರಯೋಜನವನ್ನು ಹೇಗೆ ಪಡೆಯಬಹುದು ಎಂಬ ಬಗ್ಗೆ ಇಡೀ ವಿಶ್ವವೇ ಸಂಶೋಧನೆ ನಡೆಸುತ್ತಿದೆ. ಇದೀಗ MITಯ ಸಂಶೋಧಕರು ಕಾಗದದಂತೆ ಕಾಣುವ ಸೌರ ಫಲಕಗಳನ್ನು ಅಭಿವೃದ್ಧಿಪಡಿಸಿದ್ದಾರೆ. ಈ ಸೌರ ಫಲಕಗಳು ಮಾನವನ ಕೂದಲಿಗಿಂತಲೂ ತೆಳ್ಳಗಿರುತ್ತವೆ. ಈ ಹೊಸ ಸೌರ ಫಲಕಗಳು ಹಳೆಯ ಸೌರ ಫಲಕಗಳ ತೂಕದ ನೂರನೇ ಒಂದು ಭಾಗಕ್ಕೆ ಸಮನಾಗಿರುತ್ತವೆ.
ಪ್ರತಿ ಕಿಲೋಗ್ರಾಂಗೆ 18 ಪಟ್ಟು ಹೆಚ್ಚು ವಿದ್ಯುತ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿವೆ. ತುಂಬಾ ತೆಳುವಾಗಿರುವುದರಿಂದ ಈ ಸೌರ ಫಲಕಗಳು ಒಡೆಯುವ ಭೀತಿಯಿದ್ದು, ವಿಶೇಷ ಬಟ್ಟೆಯ ಮೇಲೆ ಅವುಗಳನ್ನು ಅಳವಡಿಸಲಾಗುವುದು. ಈ ಸೋಲಾರ್ ಪ್ಯಾನೆಲ್ ಹಾಕುತ್ತಿರುವ ಬಟ್ಟೆಗೆ ಡೈನೀಮಾ ಎಂದು ಹೆಸರಿಡಲಾಗಿದೆ. ಸೌರ ಫಲಕದ ಬಳಕೆ ಹೇಗೆ? ಈ ಹಗುರವಾದ ಸೌರ ಫಲಕದ ರಚನೆಯ ನಂತರ ಭಾರೀ ಸಾಂಪ್ರದಾಯಿಕ ಸೌರ ಫಲಕಗಳನ್ನು ಬಳಸಬೇಕಾಗಿಲ್ಲ. ಸಾರಿಗೆ ವೆಚ್ಚವೂ ಕಡಿಮೆಯಾಗುತ್ತದೆ. ಯಾವುದೇ ಟೆಂಟ್‌ನ ಮೇಲೂ ಇದನ್ನು ಅಳವಡಿಸಬಹುದು. ಭವಿಷ್ಯದಲ್ಲಿ ದೊಡ್ಡ ಪ್ರಮಾಣದಲ್ಲಿ ಸೌರ ವಿದ್ಯುತ್ ಉತ್ಪಾದನೆಗೆ ಇದು ಅನುಕೂಲ ಮಾಡಿಕೊಡಲಿದೆ.
Loading ...
