ಹನಿಮೂನ್ ಎಂದ ತಕ್ಷಣ ವಿದೇಶಕ್ಕೆ ಹಾರುವ ಯೋಚನೆ ಮಾಡ್ತಾರೆ ಭಾರತೀಯರು. ಆದ್ರೆ ಭಾರತದಲ್ಲಿಯೇ ನವ ಜೋಡಿ ಸುತ್ತಾಡುವಂತಹ ಸುಂದರ ಸ್ಥಳಗಳು ಸಾಕಷ್ಟಿವೆ. ಕೇವಲ ಕಡಿಮೆ ಬೆಲೆಯೊಂದೇ ಅಲ್ಲ ನವ ಜೋಡಿಗೆ ಸುಮಧುರ ನೆನಪುಗಳನ್ನು ನೀಡಲಿದೆ ಈ ಸ್ಥಳಗಳು.
ಅಂಡಮಾನ್-ನಿಕೊಬಾರ್ : ಅಂಡಮಾನ್-ನಿಕೊಬಾರ್ ಒಂದು ಸುಂದರ ದ್ವೀಪ. ಅಲ್ಲಿನ ಶಾಂತ ಸಮುದ್ರ ತೀರ ಹಾಗೂ ಬೆಟ್ಟಗಳು ಪ್ರಣಯ ಪಕ್ಷಿಗಳಿಗೆ ಹೇಳಿ ಮಾಡಿಸಿದಂತಿವೆ. ವರ್ಣರಂಜಿತ ಹವಳದ ಬಂಡೆಗಳು, ನೀರಿನಲ್ಲಿ ಮಾಡುವ ಸಾಹಸಗಳು ದಂಪತಿಗೆ ಮತ್ತಷ್ಟು ಆನಂದ ನೀಡುತ್ತವೆ.
ಮುನ್ನಾರ್ : ಕೇರಳದ ಮುನ್ನಾರ್ ಹನಿಮೂನ್ ಗೆ ಬಹಳ ಉತ್ತಮ ಸ್ಥಳ. ಅಲ್ಲಿನ ಗಿರಿಧಾಮ ಹಾಗೂ ಹವಾಮಾನ ಮನಸ್ಸಿಗೆ ಮುದ ನೀಡುತ್ತವೆ. ನದಿ, ಜಲಪಾತ, ಪ್ರಕೃತಿ ಜೊತೆ ಸಮಯ ಸರಿದಿದ್ದು ತಿಳಿಯೋದಿಲ್ಲ. ಟ್ರೆಕ್ಕಿಂಗ್ ಹಾಗೂ ಬೈಕಿಂಗ್ ಗೆ ಪ್ರಶಸ್ತವಾದ ಜಾಗ.
ಗೋವಾ : ರೋಮ್ಯಾನ್ಸ್ ಗೆ ಎಲ್ಲ ಸಮಯದಲ್ಲೂ ಬೆಸ್ಟ್ ಪ್ಲೇಸ್ ಗೋವಾ. ಅಲ್ಲಿನ ಬೀಚ್, ರೆಸಾರ್ಟ್, ಅಲ್ಲಿನ ಸಂಸ್ಕೃತಿ ನವ ಜೋಡಿ ನಡುವೆ ಪ್ರೀತಿ ಹೆಚ್ಚಿಸುವುದರಲ್ಲಿ ಎರಡು ಮಾತಿಲ್ಲ.
ಸಿಕ್ಕಿಂ : ಸಿಕ್ಕಿಂ ಬಹಳ ಸುಂದರವಾಗಿದೆ. ಕಣಿವೆ, ಹವಾಮಾನ, ಬೆಟ್ಟಗಳು ಮನಸ್ಸನ್ನು ಆಕರ್ಷಿಸುತ್ತವೆ. ಇದು ಪ್ರವಾಸಿಗರ ಅಚ್ಚುಮೆಚ್ಚಿನ ಸ್ಥಳ. ಇಲ್ಲಿನ ಪ್ರಕೃತಿ ಸೌಂದರ್ಯಕ್ಕೆ ಮನಸ್ಸು ಕರಗಿ ಹೋಗುತ್ತದೆ. ಹೊಸ ಉತ್ಸಾಹ ಚಿಮ್ಮುತ್ತದೆ. ರೋಮ್ಯಾನ್ಸ್ ಗೆ ಇದು ಬೆಸ್ಟ್ ಪ್ಲೇಸ್.
Loading ...
