ಆರೋಗ್ಯಕ್ಕೂ ಒಳ್ಳೆಯದು ಬೇಗನೆ ತಯಾರಾಗುವ ಉಪ್ಪಿಟ್ಟು

ಉಪ್ಪಿಟ್ಟು ಎಂದರೆ ಕೆಲವರಿಗೆ ಇಷ್ಟ. ಇದು ಸುಲಭದಲ್ಲಿ ಆಗುವುದರ ಜತೆಗೆ ಆರೋಗ್ಯಕ್ಕೂ ಒಳ್ಳೆಯದು. ಬೇಗ ಜೀರ್ಣವಾಗುತ್ತದೆ. ಇಲ್ಲಿ ಗೋಧಿ ರವೆ ಬಳಸಿ ಸುಲಭವಾಗಿ ಮಾಡುವ ಉಪ್ಪಿಟ್ಟು ಇದೆ ಮಾಡಿ ನೋಡಿ.

ಮೊದಲಿಗೆ ಗ್ಯಾಸ್ ಮೇಲೆ ಒಂದು ಕುಕ್ಕರ್ ಇಟ್ಟು ಅದಕ್ಕೆ 2 ಚಮಚ ಎಣ್ಣೆ ಹಾಕಿ ಅದು ಬಿಸಿಯಾಗುತ್ತಲೆ ¼ ಟೀ ಸ್ಪೂನ್ ಸಾಸಿವೆ, ¼ ಟೀ ಸ್ಪೂನ್ ಉದ್ದಿನಬೇಳೆ, ¼ ಟೀ ಸ್ಪೂನ್ ಕಡಲೆಬೇಳೆ ಹಾಕಿ ಅದು ಹೊಂಬಣ್ಣ ಬಂದ ಮೇಲೆ 2 ಈರುಳ್ಳಿ ಕತ್ತರಿಸಿ ಹಾಕಿ. ಇದು ತುಸು ಫ್ರೈ ಆಗುತ್ತಿದ್ದಂತೆ 2 ಹಸಿಮೆಣಸು, ಸಣ್ಣ ತುಂಡು ಶುಂಠಿ ಜಜ್ಜಿ ಹಾಕಿ ನಂತರ ಕರಿಬೇವು ಸ್ವಲ್ಪ ಸೇರಿಸಿ ಫ್ರೈ ಮಾಡಿ.

ಇದಕ್ಕೆ 1 ½ ಕಪ್ ನೀರು ಹಾಕಿ ಕುದಿಸಿ. ನೀರು ಕುದಿ ಬರುವಾಗ ಚಿಟಿಕೆ ಸಕ್ಕರೆ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ. ನಂತರ ½ ಕಪ್ ರವೆ ಸೇರಿಸಿ. (ಗೋಧಿ ರವೆ ½ ಕಪ್ ತೆಗೆದುಕೊಂಡರೆ 1 ½ ಕಪ್ ನೀರು ತೆಗೆದುಕೊಳ್ಳಬೇಕು.) ಚೆನ್ನಾಗಿ ಬೇಯಿಸಿ. ಇದರ ನೀರು ತುಸು ಆರುತ್ತಾ ಬರುತ್ತಿದ್ದಂತೆ ¼ ಕಪ್ ತೆಂಗಿನಕಾಯಿ ತುರಿ ಸ್ವಲ್ಪ ಕೊತ್ತಂಬರಿಸೊಪ್ಪು ಹಾಕಿ ಮಿಕ್ಸ್ ಮಾಡಿ 1 ವಿಷಲ್ ಕೂಗಿಸಿಕೊಳ್ಳಿ. ಬಿಸಿ ಬಿಸಿ ಇರುವಾಗ ಸರ್ವ್ ಮಾಡಿ.

Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read