ಶಾಹಿದ್ ಅಫ್ರೀದಿ ಬಣ್ಣ ಬಯಲು ಮಾಡಿದ ದಾನಿಶ್ ಕನೇರಿಯಾ

ಪಾಕಿಸ್ತಾನ ಕ್ರಿಕೆಟ್ ತಂಡದ ಮಾಜಿ ಸ್ಪಿನ್ನರ್ ದಾನೀಶ್ ಕನೇರಿಯಾ ಅವರು ಶಹೀದ್ ಆಫ್ರೀದಿ ವಿರುದ್ಧ ಗಂಭೀರ ಆರೋಪ ಮಾಡಿದ್ದಾರೆ. ತಮ್ಮ ವೃತ್ತಿ ಜೀವನದುದ್ದಕ್ಕೂ ಅಫ್ರೀದಿ ಸರಿಯಾಗಿ ನಡೆಸಿಕೊಳ್ಳಲಿಲ್ಲ. ಸೀಮಿತ ಓವರುಗಳ ಕ್ರಿಕೆಟ್ ಬದುಕನ್ನು ಮೊಟಕುಗೊಳಿಸಿದರು ಎಂದು ದೂರಿದ್ದಾರೆ.

ಪಾಕಿಸ್ತಾನ ತಂಡದ ಪರವಾಗಿ ಆಟವಾಡಿದ ಎರಡನೇ ಹಿಂದೂ ಆಟಗಾರ ದಾನೀಶ್ ಕನೇರಿಯಾ 61 ಟೆಸ್ಟ್ ಪಂದ್ಯಗಳನ್ನು ಆಡಿ 261 ವಿಕೆಟ್ ಗಳಿಸಿದ್ದು, 2000 ದಿಂದ 2010 ರ ಅವಧಿಯಲ್ಲಿ ಕೇವಲ 18 ಏಕದಿನ ಪಂದ್ಯಗಳನ್ನು ಮಾತ್ರ ಆಡಿದ್ದಾರೆ.

ಧರ್ಮದ ಹೊರತಾಗಿ ಶಾಹಿದ್ ಅಫ್ರೀದಿ ತಾರತಮ್ಯ ವರ್ತನೆ ತೋರುತ್ತಿದ್ದು, ಯಾವಾಗಲೂ ನನಗೆ ವಿರೋಧವನ್ನು ವ್ಯಕ್ತಪಡಿಸುತ್ತಿದ್ದರು. ಇದನ್ನು ತಿಳಿದುಕೊಳ್ಳುವುದು ಕಷ್ಟವಾಗುತ್ತಿತ್ತು. ಅವರು ತಮ್ಮನ್ನು ಸರಿಯಾಗಿ ನಡೆಸಿಕೊಳ್ಳದ ಕಾರಣ ಸೀಮಿತ ಓವರುಗಳ ಕ್ರಿಕೆಟ್ ಬದುಕು ಕೂಡ ಮೊಟಕುಗೊಳ್ಳುವಂತಾಯಿತು ಎಂದು ಆರೋಪಿಸಿದ್ದಾರೆ.