ಬಾಳಸಂಗಾತಿಗೆ ಪ್ರಪೋಸ್ ಮಾಡೋದು ಎಲ್ಲರ ಜೀವನದ ಅತ್ಯಮೂಲ್ಯ ಕ್ಷಣಗಳಲ್ಲೊಂದು. ಆದರೆ ಕ್ಯಾಲಿಫೋರ್ನಿಯಾದ ಈ ಜೋಡಿಯ ಈ ಅತ್ಯಮೂಲ್ಯ ಕ್ಷಣವನ್ನ ಸ್ಟಾರ್ ಅಥ್ಲೀಟ್ ಹಾಗೂ ಮಾಜಿ ಎನ್ಬಿಎ ಆಟಗಾರ ಡ್ವ್ಯಾನೆ ವಾಡೇ ಇನ್ನಷ್ಟು ಸ್ಪೆಶಲ್ ಮಾಡಿದ್ದಾರೆ.
ಸಂತಾ ಬಾರ್ಬರಾ ಸಮುದ್ರದಲ್ಲಿ ವಾಡೇ ವಾಯುವಿಹಾರ ಮಾಡ್ತಿದ್ರು. ಇದೇ ಬೀಚ್ನಲ್ಲಿ ರ್ಯಾನ್ ಬಾಸ್ಚ್ ತಮ್ಮ 5 ವರ್ಷಗಳ ಗೆಳತಿಗೆ ಪ್ರಪೋಸ್ ಮಾಡುತ್ತಿದ್ದರು. ಇದನ್ನ ಫೋಟೋಗ್ರಾಫರ್ ಫೋಟೋ ಸೆರೆಹಿಡಿದಿದ್ದಾರೆ. ಈ ಫೋಟೋದಲ್ಲಿ ವಾಡೇ ಕೊಟ್ಟಿರುವ ಎಕ್ಸ್ಪ್ರೆಷನ್ ನೆಟ್ಟಿಗರ ಮನ ಕದ್ದಿದೆ.
ಮೂರು ಬಾರಿ ಎನ್ಬಿಎ ಚಾಂಪಿಯನ್ಶಿಪ್ ಪ್ರಶಸ್ತಿ ಬಾಚಿರುವ ವಾಡೇ, ಪ್ರೇಮಿಗಳಿಬ್ಬರು ಪ್ರೇಮ ನಿವೇದನೆ ಮಾಡ್ತಿರೋ ಸಂದರ್ಭದಲ್ಲಿ ತಮ್ಮ ಹೃದಯದ ಮೇಲೆ ಕೈ ಇಟ್ಟು ತುಂಬಾ ಕ್ಯೂಟ್ ಆಗಿ ಪೋಸ್ ಕೊಟ್ಟಿದ್ದಾರೆ. ಬಾಸ್ಚ್ ಈ ಫೋಟೋವನ್ನ ಇನ್ಸ್ಟಾದಲ್ಲಿ ಫೋಸ್ಟ್ ಮಾಡಿದ್ದು ವಾಡೇ ಅವರನ್ನ ಟ್ಯಾಗ್ ಮಾಡಿದ್ದಾರೆ.
ಇತ್ತ ವಾಡೇ ಕೂಡ ಈ ಫೋಟೋವನ್ನ ತಮ್ಮ ಇನ್ಸ್ಟಾ ಸ್ಟೋರಿಯಲ್ಲಿ ಪೋಸ್ಟ್ ಮಾಡಿದ್ದು ನಿಮ್ಮ ಪ್ರೀತಿಯ ಕ್ಷಣಕ್ಕೆ ನಾನು ಸಾಕ್ಷಿಯಾದೆ ಅಂತಾ ಬರೆದುಕೊಂಡಿದ್ದಾರೆ.
Loading ...