ಬಟ್ಟೆ ಹಾಗೂ ಆಭರಣ ವಿನ್ಯಾಸಕ ಸಭ್ಯಸಾಚಿ ಬ್ರಾಂಡ್ ಎಂದರೆ ಸಾಕು ಎಲ್ಲಿಲ್ಲದ ಬೇಡಿಕೆ ಇದೆ. ಸಾಕಷ್ಟು ಸೆಲೆಬ್ರಿಟಿಗಳು ತಮ್ಮ ಮದುವೆ ಕಾರ್ಯಕ್ರಮಗಳಲ್ಲಿ ಸಭ್ಯಸಾಚಿ ಉಡುಗೆಯಲ್ಲಿಯೇ ಮಿಂಚುತ್ತಾರೆ. ಆದರೆ ಇಂಟರ್ನೆಟ್ಗೂ ಸಭ್ಯಸಾಚಿಗೂ ಯಾಕೋ ತಾಳಮೇಳವೇ ಕೂಡಿ ಬರುತ್ತಿಲ್ಲ.
ಕೆಲ ದಿನಗಳ ಹಿಂದಷ್ಟೇ ರಾಯಲ್ ಬೆಂಗಾಲಿ ಮಂಗಳಸೂತ್ರದ ಜಾಹೀರಾತಿನ ವಿಚಾರದಲ್ಲಿ ಭಾರೀ ಟ್ರೋಲ್ಗೆ ಒಳಗಾಗಿತ್ತು. ಇದೀಗ ಅದ್ಭುತವಾದ ಕಟ್ ವಜ್ರಗಳು, ಓಪಲ್‍ಗಳು, ಮುತ್ತುಗಳು, ಪಚ್ಚೆಗಳು, ಅಕ್ವಾಮರೀನ್ ಹಾಗೂ 22 ಕ್ಯಾರಟ್ ಚಿನ್ನದ ಬಣ್ಣದ ಕಲ್ಲುಗಳ ಆಭರಣಗಳ ವಿಚಾರದಲ್ಲಿ ಮತ್ತೆ ಟ್ರೋಲಿಗರ ಬಾಯಿಗೆ ಆಹಾರವಾಗಿದೆ.
ಸಭ್ಯಸಾಚಿಯ ಆಭರಣಗಳನ್ನು ಧರಿಸಿದ ಮಾಡೆಲ್ಗಳು ಮುಖದಲ್ಲಿ ಕೊಂಚವು ನಗುಭಾವವನ್ನು ತೋರಿಸಿಲ್ಲ. ಇದನ್ನು ಗಮನಿಸಿದ ನೆಟ್ಟಿಗರು ಮಹಿಳೆಯು ಧರಿಸುವ ಅತ್ಯುತ್ತಮ ಆಭರಣವೇ ನಗು ಎಂದು ಟಾಂಗ್ ನೀಡಿದ್ದಾರೆ. ಇದೇನು ಅಂತ್ಯಸಂಸ್ಕಾರಕ್ಕೆ ಧರಿಸುವ ಆಭರಣವೇ ಎಂದು ಕೆಲವರು ಕೇಳಿದ್ದರೆ ಇನ್ನೊಬ್ಬ ಟ್ವೀಟಿಗರು ರೂಪದರ್ಶಿಗಳಿಗೆ ಮಲಬದ್ಧತೆ ಆದಂತಿದೆ ಎಂದು ಕಾಲೆಳಿದಿದ್ದಾರೆ.
ಅನೇಕರು ಮಾಡೆಲ್ಗಳು ಏಕೆ ನಗುತ್ತಿಲ್ಲ..? ಅಂತಹ ಅನಾಹುತ ಏನಾಗಿದೆ ಎಂದು ಸಭ್ಯಸಾಚಿಯ ಕಾಲೆಳೆದಿದ್ದಾರೆ. ಇನ್ನುಳಿದಂತೆ ಕೆಲವು ರೂಪದರ್ಶಿಯ ರೂಪದಲ್ಲಿ ಗಾಢ ಬಣ್ಣದ ಮಹಿಳೆಯರನ್ನು ಆಯ್ಕೆ ಮಾಡಿಕೊಂಡ ಸಭ್ಯಸಾಚಿಯ ನಡೆಗೆ ಮೆಚ್ಚುಗೆ ಸೂಚಿಸಿದ್ದಾರೆ.
Loading ...