ಕೊರೊನಾ ಸಾಂಕ್ರಾಮಿಕ ಶುರುವಾದಾಗಿನಿಂದ ಸ್ಯಾನಿಟೈಸರ್ ಹಾಗೂ ಫೇಸ್ ಮಾಸ್ಕ್ಗಳ ಬಳಕೆ ಸರ್ವೇ ಸಾಮಾನ್ಯ ಎಂಬಂತಾಗಿದೆ. ಫೇಸ್ ಮಾಸ್ಕ್ಗಳ ಬಳಕೆ ಹೆಚ್ಚಾದಂತೆ ಅವುಗಳ ತ್ಯಾಜ್ಯ ಕೂಡ ಹೆಚ್ಚಾಗುತ್ತಿದೆ. ಬ್ರಿಟನ್ನ ಫ್ಯಾಶನ್ ಡಿಸೈನರ್ ಮಾತ್ರ ಈ ಬಳಕೆಯಾಗಿ ಕಸದ ಬುಟ್ಟಿ ಸೇರಿದ್ದ ಫೇಸ್ ಮಾಸ್ಕ್ನಿಂದ ಮದುವೆ ಗೌನ್ ತಯಾರಿಸೋ ಮೂಲಕ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ.
1500 ಫೇಸ್ ಮಾಸ್ಕ್ಗಳನ್ನ ಬಳಕೆ ಮಾಡಿ ಈ ಗೌನ್ನ್ನು ತಯಾರಿಸಲಾಗಿದೆ. ಡಿಸೈನರ್ ಟಾಮ್ ಸಿಲ್ವರ್ವುಡ್ ಎಂಬವರು ಈ ವೆಡ್ಡಿಂಗ್ ಗೌನ್ನ್ನು ತಯಾರಿಸಿದ್ದಾರೆ.
ಈ ಗೌನ್ನ್ನು ಧರಿಸಿದ ಮಾಡೆಲ್ ಜೆಮಿಮಾ ಹ್ಯಾಂಬ್ರೋ ಎಂಬವರು ಲಂಡನ್ನ ಪೌಲ್ಸ್ ಕ್ಯಾಥೆಡ್ರಲ್ ಸಮೀಪ ಫೋಟೋಶೂಟ್ ಮಾಡಿಸಿದ್ದಾರೆ.
ಬ್ರಿಟನ್ನಲ್ಲಿ ಪ್ರತಿ ವಾರ 100 ಮಿಲಿಯನ್ ಮಾಸ್ಕ್ಗಳು ತ್ಯಾಜ್ಯವಾಗಿ ಮಾರ್ಪಾಡಾಗುತ್ತಿವೆಯಂತೆ. ಇನ್ನು ಈ ಗೌನ್ನ್ನು ಹಿಚ್ಡ್ ವೆಬ್ಸೈಟ್ನಲ್ಲಿ ಶೇರ್ ಮಾಡಲಾಗಿದೆ.
ಇಂದಿನಿಂದ ಯಾವುದೇ ಕೊರೊನಾ ನಿರ್ಬಂಧಗಳಿಲ್ಲದೇ ಇಂಗ್ಲೆಂಡ್ನಲ್ಲಿ ವಿವಾಹಗಳು ಜರುಗಲಿದೆ ಅನ್ನೋದೇ ಒಂದು ಸಂತೋಷಕರ ವಿಚಾರವಾಗಿದೆ. ಈ ಬೇಸಿಗೆಯಲ್ಲಿ ಸಾವಿರಕ್ಕೂ ಅಧಿಕ ವಿವಾಹ ಮಹೋತ್ಸವಗಳು ನೆರವೇರಲಿವೆ. ಯಾವುದೇ ನಿರ್ಬಂಧಗಳಿಲ್ಲದೇ ಎಲ್ಲಾರೂ ಎಂಜಾಯ್ ಮಾಡೋದನ್ನ ನೋಡೋದೇ ನಮಗೆ ಸಂತಸದ ವಿಚಾರವಾಗಿದೆ. ಆದರೆ ನಾವು ಕೊರೊನಾದಿಂದಾಗಿ ಉಂಟಾಗುತ್ತಿರುವ ಹೆಚ್ಚುವರಿ ತ್ಯಾಜ್ಯಗಳನ್ನೂ ನಿರ್ಲಕ್ಷಿಸುವಂತಿಲ್ಲ. ಎಂದು ಹಿಚ್ಡ್ ಸಂಪಾದಕಿ ಸಾರಾ ಅಲಾರ್ಡ್ ಹೇಳಿದ್ದಾರೆ.
Loading ...