ಬರೋಬ್ಬರಿ 14 ವರ್ಷಗಳ ಹಿಂದೆ ಇದೇ ದಿನ ಎಂಎಸ್ ಧೋನಿ ನಾಯಕತ್ವದ ಟೀಂ ಇಂಡಿಯಾ ದಕ್ಷಿಣ ಆಫ್ರಿಕಾದಲ್ಲಿ ನಡೆದ ಟಿ 20 ವರ್ಲ್ಡ್ ಕಪ್ ಪಂದ್ಯದಲ್ಲಿ ಗೆಲುವನ್ನು ಸಾಧಿಸಿತ್ತು. ಜೋಹಾನ್ಸ್ಬರ್ಗ್ನಲ್ಲಿ ನಡೆದ ಪಾಕಿಸ್ತಾನ ಹಾಗೂ ಟೀಂ ಇಂಡಿಯಾ ನಡುವಿನ ರೋಚಕ ಕದನವು ಕ್ರಿಕೆಟ್ ಅಭಿಮಾನಿಗಳನ್ನು ತುದಿಗಾಲಲ್ಲಿ ಕೂರುವಂತೆ ಮಾಡಿತ್ತು. ಈ ಪಂದ್ಯದಲ್ಲಿ ಪಾಕಿಸ್ತಾನದ ವಿರುದ್ಧ ಟಾಸ್ ಗೆದ್ದಿದ್ದ ಭಾರತ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತ್ತು.
ಗಾಯದಿಂದ ಬಳಲುತ್ತಿದ್ದ ವಿರೇಂದ್ರ ಸೆಹ್ವಾಗ್ ಈ ಪಂದ್ಯದಿಂದ ಹೊರಗುಳಿದಿದ್ದರು . ಹೀಗಾಗಿ ಯುಸೂಫ್ ಪಠಾಣ್ ಹಾಗೂ ಗೌತಮ್ ಗಂಭೀರ್ ಆರಂಭಿಕ ಬ್ಯಾಟ್ಸ್ಮನ್ಗಳಾಗಿ ಕಣಕ್ಕೆ ಇಳಿದಿದ್ದರು. ಯುಸೂಫ್ ಪಠಾಣ್(15) ಬೌಂಡರಿ ಹಾಗೂ 1 ಸಿಕ್ಸರ್ ಬಾರಿಸಿ ತಂಡಕ್ಕೆ ಉತ್ತಮ ಮುನ್ನಡೆ ತಂದುಕೊಡುತ್ತಿರುವಾಗಲೇ ಮೂರನೇ ಓವರ್ನಲ್ಲಿ ಬೌಲರ್ ಮೊಹಮ್ಮದ್ ಆಸಿಫ್ ಅವರನ್ನು ಪೆವಿಲಿಯನ್ಗೆ ತೆರಳುವಂತೆ ಮಾಡಿದ್ರು.
ರಾಬಿನ್ ಉತ್ತಪ್ಪ(8) ರನ್ಗೆ ಔಟ್ ಆಗುವ ವೇಳೆಗೆ ಭಾರತವು 2 ವಿಕೆಟ್ ನಷ್ಟಕ್ಕೆ 40 ರನ್ ಸಂಪಾದಿಸಿತ್ತು. ಬಳಿಕ ರೋಚಕ ಜೊತೆಯಾಟವಾದ ಗೌತಮ್ ಗಂಭೀರ್ ಹಾಗೂ ಯುವರಾಜ್ ಸಿಂಗ್ ನಾಲ್ಕನೇ ವಿಕೆಟ್ ಉರುಳುವ ವೇಳೆಗೆ 63 ರನ್ ಗಳಿಸಿಕೊಟ್ಟಿದ್ದರು. 54 ಬೌಲ್ಗೆ 75 ರನ್ಗಳನ್ನು ಗಳಿಸಿತು. ಕೊನೆಯಲ್ಲಿ ರೋಹಿತ್ ಶರ್ಮಾ ಅದ್ಭುತ ಪ್ರದರ್ಶನದಿಂದಾಗಿ ಟೀಂ ಇಂಡಿಯಾ 157/5 ರನ್ ಸಂಪಾದಿಸಿ ಸಾಂಪ್ರದಾಯಿಕ ಎದುರಾಳಿ ಪಾಕ್ಗೆ 158 ರನ್ಗಳ ಸವಾಲನ್ನು ನೀಡಿತ್ತು.
ಟೀಂ ಇಂಡಿಯಾದ ಸವಾಲನ್ನು ಬೆನ್ನತ್ತಿ ಹೊರಟ ಪಾಕಿಸ್ತಾನ 152 ರನ್ಗಳನ್ನು ಸಂಪಾದಿಸುವಲ್ಲಿ ಮಾತ್ರ ಸಫಲವಾಯ್ತು. ಈ ಮೂಲಕ ಧೋನಿ ನೇತೃತ್ವದ ಟೀಂ ಇಂಡಿಯಾ 2007ರ ಟಿ20 ವಿಶ್ವಕಪ್ನ ಟ್ರೋಫಿಯನ್ನು ಎತ್ತಿ ಹಿಡಿಯುವಲ್ಲಿ ಯಶಸ್ವಿಯಾಯ್ತು.
Loading ...