RTI ಅರ್ಜಿ ಮಾಹಿತಿ ಕುರಿತಾಗಿ ದೆಹಲಿ ಹೈಕೋರ್ಟ್ ಮಹತ್ವದ ಆದೇಶ

ನವದೆಹಲಿ: ಆರ್.ಟಿ.ಐ. ಅರ್ಜಿದಾರರು ಬಯಸುತ್ತಿರುವ ಮಾಹಿತಿಯ ಉದ್ದೇಶ ಬಹಿರಂಗಪಡಿಸಬೇಕು ಎಂದು ದೆಹಲಿ ಹೈಕೋರ್ಟ್ ಹೇಳಿದೆ. ವಿಚಾರಣೆಗಾಗಿ ಇದು ಅಗತ್ಯವೆಂದು ನ್ಯಾಯಾಲಯ ಅಭಿಪ್ರಾಯಪಟ್ಟಿದೆ.

ಅರ್ಜಿದಾರರ ಆಸಕ್ತಿಯನ್ನು ಬಹಿರಂಗಪಡಿಸುವುದು ಅವರ ಮಾಹಿತಿಯನ್ನು ಹುಡುಕುವವರಿಗೆ ಅನ್ಯಾಯವಾಗಬಹುದು ಎಂದು ಕೋರ್ಟ್ ಹೇಳಿದೆ. ಮಾಹಿತಿ ಕೋರಿರುವ ಆರ್.ಟಿ.ಐ. ಅರ್ಜಿದಾರರು ವಿಚಾರಣೆಯನ್ನು ತಡೆಗಟ್ಟಲು ಅವರ ಆಸಕ್ತಿಯನ್ನು ಬಹಿರಂಗಪಡಿಸಬೇಕು ಎಂದು ಹೇಳಲಾಗಿದೆ.

ರಾಷ್ಟ್ರಪತಿ ಭವನದಲ್ಲಿರುವ ಅಧ್ಯಕ್ಷರ ಎಸ್ಟೇಟ್ ನಲ್ಲಿ ನಿರ್ದಿಷ್ಟ ಸ್ಥಾನಕ್ಕೆ ನೇಮಕಾತಿ ನಡೆದ ಕುರಿತಾಗಿ ಮಾಹಿತಿ ಹಕ್ಕು ಕಾಯ್ದೆಯಡಿ ಅರ್ಜಿದಾರರರಿಗೆ ಮಾಹಿತಿ ನೀಡಲು ಕೇಂದ್ರ ಮಾಹಿತಿ ಆಯೋಗ ನಿರಾಕರಿಸಿದ್ದು, ಈ ಆದೇಶವನ್ನು ನ್ಯಾಯಮೂರ್ತಿ ಪ್ರತಿಭಾ ಎಂ. ಸಿಂಗ್ ಎತ್ತಿಹಿಡಿದಿದ್ದಾರೆ.

ಆರ್.ಟಿ.ಐ. ಕಾಯ್ದೆಯಡಿ ಮಾಹಿತಿ ಕೋರಿದ ಮಾಹಿತಿಯ ಬಗ್ಗೆ ಆಸಕ್ತಿಯನ್ನು ಬಹಿರಂಗಪಡಿಸುವುದು ಅರ್ಜಿದಾರರ ಲಾಭದಾಯಕತೆಯನ್ನು ಸ್ಥಾಪಿಸಲು ಅಗತ್ಯವಾಗುತ್ತದೆ. ಅದನ್ನು ಬಹಿರಂಗಪಡಿಸುವುದು ಹಲವಾರು ಮಾಹಿತಿದಾರರಿಗೆ ಅನ್ಯಾಯವಾಗಬಹುದು. ಮಾಹಿತಿಯನ್ನು ಕೋರಿದ ವ್ಯಕ್ತಿ ನ್ಯಾಯಾಲಯ ಗಮನಿಸಿದಂತೆ ನೇಮಕಗೊಂಡ ಎಲ್ಲರ ಸಂಪೂರ್ಣ ವಿಳಾಸ ಮತ್ತು ತಂದೆಯ ಹೆಸರನ್ನು ಒಳಗೊಂಡ ಮಾಹಿತಿಯನ್ನು ಕೋರಿದ್ದರು. ನಕಲಿ ಪ್ರಮಾಣ ಪತ್ರಗಳ ಆಧಾರದ ಮೇಲೆ 10 ಮಂದಿ ನೇಮಕವಾಗಿದ್ದು, ಅದನ್ನು ರದ್ದು ಮಾಡಲಾಗಿದೆ.

ಆದರೆ, ಅಧ್ಯಕ್ಷರ ಎಸ್ಟೇಟ್ ನಿಂದ ಆರ್.ಟಿ.ಐ. ಅಡಿ ಕೋರಿದ ಮಾಹಿತಿ ವಿವರ ನೀಡಲು ನಿರಾಕರಿಸಲಾಗಿದೆ. ಇದರ ವಿರುದ್ಧ ಅರ್ಜಿದಾರ ಹರಕಿಶನ್ ಅವರು ಹೈಕೋರ್ಟ್ ಮೊರೆ ಹೋಗಿದ್ದು, ವಿಚಾರಣೆ ವೇಳೆ ಅರ್ಜಿದಾರರ ಮಗಳು ಕೂಡ ನೇಮಕಾತಿಗೆ ಅರ್ಜಿ ಸಲ್ಲಿಸಿದ್ದು ಗೊತ್ತಾಗಿದೆ. ಅದನ್ನು ಮರೆ ಮಾಚಿರುವುದು ತಿಳಿದು ಬಂದ ಹಿನ್ನಲೆಯಲ್ಲಿ ಆರ್.ಟಿ.ಐ. ಅರ್ಜಿದಾರರು ತಮ್ಮ ಉದ್ದೇಶವನ್ನು ಬಹಿರಂಗಪಡಿಸಬೇಕೆಂದು ಹೇಳಲಾಗಿದೆ.