ಸಾಧಾರಣವಾಗಿ ನಾವೆಲ್ಲ ಹಸಿರು ಮೆಣಸಿನಕಾಯಿ, ಕೆಂಪು ಮೆಣಸಿನಕಾಯಿ ನೋಡಿರುತ್ತೇವೆ. ಸಾಮಾಜಿಕ ಜಾಲತಾಣದಲ್ಲಿ ಗಿಡ ಮತ್ತು ಬುಟ್ಟಿಯ ತುಂಬಾ ಬಣ್ಣ-ಬಣ್ಣದ ಮೆಣಸಿನಕಾಯಿ ಇರುವ ಫೋಟೋ ವೈರಲ್ ಆಗಿ ಅಚ್ಚರಿ ಮೂಡಿಸಿದೆ.
ಮೆಣಸಿನಕಾಯಿಯಲ್ಲಿ ಇಷ್ಟೆಲ್ಲ ನಮೂನೆಗಳಿವೆಯೇ ? ಅದರಲ್ಲೂ ನೇರಳೆ, ಕಿತ್ತಳೆ ಬಣ್ಣದ ಮೆಣಸಿನಕಾಯಿಗಳೂ ಇವೆಯೇ ಎಂದೆಲ್ಲ ಬಾಯಿ ಮೇಲೆ ಬೆರಳಿಟ್ಟು ನೋಡುವಂತೆ ಮಾಡಿದೆ.
ಕಾಳುಮೆಣಸನ್ನು ಕಪ್ಪು ವಜ್ರ ಎಂದೇ ಕರೆಯುತ್ತೇವೆ. ಈ ಬಹುಬಣ್ಣದ ಮೆಣಸಿನಕಾಯಿಗಳು ಅದಕ್ಕಿಂತ ಸುಂದರ ನಾನು ಎಂದು ಬೀಗುತ್ತಿರುವಂತಿದೆ. ಟ್ವಿಟ್ಟರ್ ನಲ್ಲಿನ ಈ ಪೋಸ್ಟ್ ಮಾತ್ರ ಇದೀಗ, ಬಹುಚರ್ಚೆಗೂ ಕಾರಣವಾಗಿದೆ.