ತಲೆತಿರುಗಿಸುತ್ತೆ ಒಂದು ರಾತ್ರಿ ಇಲ್ಲಿ ತಂಗಲು ತೆರಬೇಕಾದ ಹಣ…!

ಕೊರೊನಾ ವೈರಸ್​ ಸಂಕಷ್ಟದ ನಡುವೆಯೂ ಮಾಲ್ಡೀವ್ಸ್​ನಲ್ಲಿ ಪ್ರವಾಸೋದ್ಯಮ ಮುಕ್ತವಾಗಿದ್ದು ಸದ್ಯಕ್ಕೆ ಇದು ಬಹುತೇಕ ಶ್ರೀಮಂತರ ನೆಚ್ಚಿನ ಪ್ರವಾಸಿ ತಾಣವಾಗಿ ಬದಲಾಗಿದೆ. ಅತ್ಯಂತ ಐಶಾರಾಮಿ ಪ್ರವಾಸವನ್ನ ನೀವು ಮಾಲ್ಡೀವ್ಸ್​​ನಲ್ಲಿ ಕಳೆಯಬಹುದಾಗಿದೆ.

ಈ ಐಶಾರಾಮಿ ದ್ವೀಪಕ್ಕೆ ಈಗಾಗಲೇ ಸಾಕಷ್ಟು ಮಂದಿ ಸೆಲೆಬ್ರಿಟಿಗಳು ಭೇಟಿ ನೀಡುತ್ತಿದ್ದಾರೆ. ಈ ವಾರ ವಾಲ್ಡ್​ರೋಫ್​ ಆಸ್ಟೋರಿಯಾ ಮಾಲ್ಡೀವ್ಸ್ ಇಥಾಫುಶಿ ರೆಸಾರ್ಟ್​ ಪ್ರವಾಸಿಗರಿಗೆ ಮುಕ್ತವಾಗಿದೆ.

ವಾಲ್ಡ್​ರೋಫ್​ ಆಸ್ಟೋರಿಯಾ ಮಾಲ್ಡೀವ್ಸ್​ ಇಥಾಫುಶಿಯ ಖಾಸಗಿ ದ್ವೀಪದಲ್ಲಿ ಮೂರು ಕೊಣೆಗಳ ಬೀಚ್​ ವಿಲ್ಲಾ, ಎರಡು ಬೆಡ್​​ರೂಂಗಳ ಓವರ್​ ವಾಟರ್​ ವಿಲ್ಲಾ, ನಾಲ್ಕು ಬೆಡ್​​ ರೂಮ್​ ನಿವಾಸ, 5 ಸ್ವಿಮ್ಮಿಂಗ್​ ಪೂಲ್​ ಹಾಗೂ ಒಂದು ಕ್ಲಬ್​ ಹೌಸ್​ ಇರಲಿದೆ. ಇದರ ಜೊತೆಯಲ್ಲಿ ಜಲ ಕ್ರೀಡೆ, ಡೈವಿಂಗ್​, ಯೋಗ ಕೇಂದ್ರ, ಪ್ರಾಣಾಯಾಮ ಕೇಂದ್ರ, ಮಕ್ಕಳ ಈಜುಕೊಳ ಸೇರಿದಂತೆ ಇನ್ನೂ ಸಾಕಷ್ಟು ಸೌಲಭ್ಯಗಳಿವೆ. ಅಂದಹಾಗೆ ಈ ಐಶಾರಾಮಿ ಹಾಗೂ ಮಾಲ್ಡೀವ್ಸ್​ನ​ ಅತ್ಯಂತ ವಿಶಾಲ ದ್ವೀಪದಲ್ಲಿ ನೀವು ತಂಗಬೇಕು ಅಂದರೆ ಪ್ರತಿ ರಾತ್ರಿಗೆ ಬರೋಬ್ಬರಿ 58 ಲಕ್ಷ ರೂಪಾಯಿ ವ್ಯಯಿಸಬೇಕಂತೆ..!