ಅದೇ ಮೊದಲ ಡೇಟ್‌ನಲ್ಲಿದ್ದ ಜೋಡಿಯೊಂದಕ್ಕೆ ಅವರ ಸ್ನೇಹಿತರೆಲ್ಲಾ ಸೇರಿಕೊಂಡು, ಅವರಿಗೆ ನಿಶ್ಚಿತಾರ್ಥವೇ ಆಗಿ ಹೋಗಿದೆ ಎಂದು ಪ್ರಾಂಕ್ ಒಂದನ್ನು ಮಾಡಿದ್ದಾರೆ. ಇದರಿಂದ ಜೋಡಿಗೆ ಬಲೇ ಇರುಸು ಮುರುಸುಂಟಾಗಿದೆ.
ಉತ್ತರ ಐರ್ಲೆಂಡ್‌ನ ನೀಲ್ ಹಾರ್ಕಿನ್, 31, ಹಾಗೂ ಜೀನ್ ಮ್ಯಾಕ್‌ಔಲೆ ಹೆಸರಿನ ಈ ಜೋಡಿ ತಮ್ಮ ಸ್ನೇಹಿತರು ಮಾಡಿದ ಈ ಚೇಷ್ಟೆಯಿಂದ ಉರಿದುಬಿದ್ದಿದ್ದಾರೆ. ಅವರಿಗೆಂದು, ಅವರ ಸ್ನೇಹಿತರು ಕಳುಹಿಸಿದ ದೊಡ್ಡ ಸ್ಪಾರ್ಕ್ಲರ್‌ ಸಹಿತ ಪ್ರೊಸೆಕ್ಕೋ ಒಂದನ್ನು ವೇಟರ್‌ ತಂದು ಮೇಜಿನ ಮೇಲೆ ಇಡುತ್ತಲೇ ಸುತ್ತ ಇದ್ದ ಮಂದಿಯೆಲ್ಲ ಜೋರಾಗಿ ಚಪ್ಪಾಳೆ ತಟ್ಟಿ, ಶುಭಾಶಯ ಕೋರಿದ್ದಾರೆ. ಈ ಘಟನೆಯು ಲಂಡನ್‌ ಬೆರ‍್ರಿಯ ಓಲ್ಡ್‌ ಡಾಕ್ಸ್‌ ಬಾರ್‌ನಲ್ಲಿ ಜರುಗಿದೆ.
ರೆಸ್ಟಾರಂಟ್ ಮಾಲೀಕನೂ ಆದ ಹಾರ್ಕಿನ್ ಸ್ವೇಹಿತ ಲಿಯಾಮ್ ಶೀಲ್ಸ್‌ ಈ ಚೇಷ್ಟೆಯ ರುವಾರಿಯಾಗಿದ್ದು, ಅದಕ್ಕೂ ಮುನ್ನ ಜೋಡಿಯನ್ನು ಕೇಂದ್ರ ಭಾಗದಲ್ಲಿದ್ದ ಮೇಜೊಂದರ ಮೇಲೆ ಕೂರುವಂತೆ ಮಾಡಿದ್ದಾರೆ. ಈ ಮೂಲಕ ಅಲ್ಲಿದ್ದವರಿಗೆಲ್ಲಾ ಈ ಜೋಡಿ ಚೆನ್ನಾಗಿ ಎದ್ದು ಕಂಡಿದೆ.
Loading ...