ಸ್ಪೇಸ್ ಎಕ್ಸ್‌ ನಿರ್ಮಾತೃ ಹಾಗೂ ಟೆಸ್ಲಾದ ಸಿಇಓ ಎಲಾನ್ ಮಸ್ಕ್ ಯಾವಾಗಲೂ ಚಕಿತಗೊಳಿಸುವ ಹೇಳಿಕೆಗಳನ್ನು ನೀಡುವ ಮೂಲಕ ಸುದ್ದಿಯಲ್ಲಿರುತ್ತಾರೆ. ಈ ಬಾರಿ ಸಹ ಹಾಗೇ ಆಗಿದ್ದು, ಈಜಿಪ್ಟ್‌ನಲ್ಲಿರುವ ಗಿಝಾ ಪಿರಮಿಡ್‌ಗಳ ಬಗ್ಗೆ ಒಂದು ಎಡವಟ್ಟಿನ ಹೇಳಿಕೆ ಕೊಟ್ಟಿದ್ದಾರೆ.
ಜಗತ್ತಿನ ಅದ್ಭುತಗಳಲ್ಲಿ ಒಂದಾದ ಗಿಝಾ ಪಿರಮಿಡ್‌ಗಳನ್ನು ಈಜಿಪ್ಟ್‌ನ ಫರೋಹಾಗಳು ಕಟ್ಟಿಸಿದ್ದರು. ಆದರೆ ಮಸ್ಕ್ ಈ ಹೇಳಿಕೆ ನೀಡುವ ಮುನ್ನ ಪಿರಮಿಡ್‌ಗಳ ಇತಿಹಾಸದ ಬಗ್ಗೆ ಹೋಂ ವರ್ಕ್ ಮಾಡಿಲ್ಲವೆಂದು ತೋರುತ್ತದೆ.
ಅನ್ಯಗ್ರಹ ಜೀವಿಗಳು ಪಿರಮಿಡ್‌ ನಿರ್ಮಿಸಿವೆ ಎಂದು ಹೇಳಿರುವ ಮಸ್ಕ್, “Aliens built the pyramids obv,” ಎಂದು ಟ್ವೀಟ್ ಮಾಡಿದ್ದಾರೆ. ಭಯಂಕರ ಫಾಲೋವರ್ಸ್‌ಗಳನ್ನು ಹೊಂದಿರುವ ಮಸ್ಕ್‌ರ ಈ ಟ್ವೀಟ್ ಕೆಲವೇ ನಿಮಿಷಗಳಲ್ಲಿ ವೈರಲ್ ಆಗಿಬಿಟ್ಟಿದೆ. ಮಸ್ಕ್ ಬಹುಶಃ ಇತಿಹಾಸದ ಪುಸ್ತಕಗಳನ್ನು ಇನ್ನೊಮ್ಮೆ ತೆಗೆದು ನೋಡಬೇಕಿದೆ ಎಂದು ಅವರ ಫಾಲೋವರ್ಸ್ ಅವರಿಗೆ ಸಲಹೆ ಸೂಚನೆಗಳನ್ನು ಕೊಟ್ಟಿದ್ದಾರೆ.
Loading ...