ಕ್ಯಾಲಿಫೋರ್ನಿಯಾದ 25 ವರ್ಷದ ಯುವತಿ ಲೆಸ್ಲೆ ಪಿಲ್ಗ್ರಿಮ್ ಎಂಬವರು ಕೆಲ ದಿನಗಳ ಹಿಂದಷ್ಟೇ ವಾಹನ ಪರವಾನಿಗಿ ನವೀಕರಣ ಮಾಡಲಿಕ್ಕೋಸ್ಕರ ಡಿಎಂವಿ ಕಚೇರಿಗೆ ಭೇಟಿ ನೀಡಿದ್ದರು. ಕೊರೊನಾದಿಂದಾಗಿ ಮಾಸ್ಕ್ ಬಳಕೆ ಕಡ್ಡಾಯವಾಗಿದ್ದರಿಂದ ಫೋಟೋ ಕ್ಲಿಕ್ಕಿಸುವ ವೇಳೆ ಕೂಡ ಲೆಸ್ಲೆ ಮಾಸ್ಕ್ನ್ನು ತೆಗೆದಿರಲಿಲ್ಲ. ಇದೀಗ ವಾಹನ ಪರವಾನಿಗಿ ಕಾರ್ಡ್ನಲ್ಲಿ ಆಕೆ ಮಾಸ್ಕ್ ಹಾಕಿಕೊಂಡಿರುವ ಫೋಟೋವನ್ನೇ ಲಗತ್ತಿಸಲಾಗಿದೆ.
ವಾಹನ ಪರವಾನಿಗಿ ನವೀಕರಿಸುವ ಸಲುವಾಗಿ ಆಕೆಯನ್ನ ಕರೆದ ಫೋಟೋಗ್ರಾಫರ್ ಫೋಟೋ ತೆಗೆಯುವ ಮುನ್ನ ಮಾಸ್ಕ್ ತೆಗೆಯುವಂತೆ ಹೇಳಿರಲಿಲ್ಲ. ಆದರೆ ಬಳಿಕ ಆಕೆ ಮಾಸ್ಕ್ ತೆಗೆದು ಕೂಡ ಫೋಟೋ ಕ್ಲಿಕ್ಕಿಸಿಕೊಂಡಿದ್ದಳು. ಆದರೆ ವಾಹನ ಪರವಾನಿಗಿ ಕಾರ್ಡ್ನಲ್ಲಿ ಮಾತ್ರ ಆಕೆ ಮಾಸ್ಕ್ ಹಾಕಿಕೊಂಡಿರುವ ಫೋಟೋವನ್ನೇ ಹಾಕಿದ್ದಾರೆ.
ಈ ವಿಚಿತ್ರ ವಾಹನ ಪರವಾನಿಗಿಯನ್ನ ಕಂಡು ಗೊಂದಲಕ್ಕೀಡಾದ ಲೆಸ್ಲೆ ತನ್ನ ಸ್ನೇಹಿತರು ಹಾಗೂ ವಕೀಲನಾಗಿರುವ ತನ್ನ ತಂದೆಯ ಬಳಿ ಮುಖ ಕಾಣದ ಫೋಟೊ ಇರುವ ಡಿಎಲ್ ಮಾನ್ಯವೇ ಎಂದು ಪ್ರಶ್ನೆ ಮಾಡಿದ್ದಾಳೆ. ಇವರೆಲ್ಲ ಈ ವಿಚಿತ್ರ ವಾಹನ ಪರವಾನಿಗಿಯನ್ನ ಕಂಡು ನಕ್ಕಿದ್ದಾರೆ ಎಂದು ಲೆಸ್ಲೆ ತಮ್ಮ ಅನುಭವವನ್ನ ಶೇರ್ ಮಾಡಿದ್ದಾಳೆ. ಆಕೆಯ ತಂದೆ ಫೇಸ್ಬುಕ್ನಲ್ಲಿ ಈ ವಿಚಾರವನ್ನ ಹಂಚಿಕೊಂಡಿದ್ದಾರೆ. ಹಾಗೂ ಈ ಪೋಸ್ಟ್ ಸಖತ್ ವೈರಲ್ ಆಗಿದೆ.
Loading ...