ತಿರುಪತಿ ತಿರುಮಲ ದೇವಸ್ಥಾನಕ್ಕೆ ತೆರಳಲಿಚ್ಚಿಸುವವರಿಗೆ ಇಲ್ಲಿದೆ ಪ್ರಮುಖ ಮಾಹಿತಿ

ಕೊರೊನಾ ಕಾರಣದಿಂದಾಗಿ ತಿರುಪತಿ ತಿರುಮಲ ದೇಗುಲದ ದರ್ಶನ ಮಾಡಲಾಗದೇ ಬೇಸರದಲ್ಲಿರುವ ಭಕ್ತರಿಗೆ ಆಂಧ್ರ ಪ್ರದೇಶ ರಸ್ತೆ ಸಾರಿಗೆ ನಿಗಮ ಗುಡ್​ ನ್ಯೂಸ್​ ನೀದಿದೆ.

ತಿರುಪತಿ ಭಕ್ತರಿಗೆಂದೇ 1000 ಶೀಘ್ರ ದರ್ಶನ ಟಿಕೆಟ್​ಗಳನ್ನ ಮಾರಾಟ ಮಾಡೋಕೆ ಆಂಧ್ರ ಪ್ರದೇಶ ಸಾರಿಗೆ ನಿಗಮ ನಿರ್ಧರಿಸಿದೆ.

ಈ ಸೌಲಭ್ಯವನ್ನ ಪಡೆಯಲಿಚ್ಚಿಸುವ ಭಕ್ತರು 300 ರೂಪಾಯಿ ಪಾವತಿಸಿ ಟಿಕೆಟ್​ಗಳನ್ನ ಕಾಯ್ದಿರಿಸಬಹುದಾಗಿದೆ. ಶೀರ್ಘ ದರ್ಶನ ಸೌಲಭ್ಯವು ದಿನದಲ್ಲಿ ಎರಡು ಬಾರಿ ಅಂದರೆ ಬೆಳಗ್ಗೆ 11 ಹಾಗೂ ಸಂಜೆ 4 ಗಂಟೆಗೆ ಲಭ್ಯವಿರುತ್ತದೆ.
ಆಂಧ್ರ ಪ್ರದೇಶ ಸಾರಿಗೆ ನಿಗಮ ಪ್ರತಿದಿನ ಹೈದರಾಬಾದ್​, ಬೆಂಗಳೂರು, ವಿಜಯವಾಡ, ವಿಶಾಖಪಟ್ಟಣಂ, ಚೆನ್ನೈ, ಪಾಂಡಿಚೆರಿ ಹಾಗೂ ರಾಜಮುಂಡ್ರಿ ಸೇರಿದಂತೆ ಹಲವೆಡೆ 650 ಬಸ್​ಗಳನ್ನ ಓಡಿಸುತ್ತದೆ.

ಕೊರೊನಾ ವೈರಸ್​ ಸಂಕಷ್ಟದಿಂದಾಗಿ ಕಳೆದ ವರ್ಷ ಮಾರ್ಚ್​ 25ರಂದು ಬಂದ್​ ಆಗಿದ್ದ ದೇವಸ್ಥಾನ ಕಳೆದ ವರ್ಷ ಜೂನ್​ 11ನೇ ತಾರೀಖಿನಿಂದ ಭಕ್ತರ ದರ್ಶನಕ್ಕೆ ಮುಕ್ತವಾಗಿದೆ. ಈ ದೇವಾಲಯಕ್ಕೆ ಭೇಟಿ ನೀಡಲು ಇಚ್ಚಿಸುವ ಭಕ್ತರು ತಿರುಪತಿ ದೇವಸ್ಥಾನದ ಅಧಿಕೃತ ವೆಬ್​ಸೈಟ್​​ನಿಂದ ಮೀಸಲಾತಿ ಪಡೆಯಬಹುದಾಗಿದೆ. ದೇಗುಲಕ್ಕೆ ಭೇಟಿ ನೀಡುವ ಪ್ರತಿಯೊಬ್ಬರು ಕೊರೊನಾ ಮಾರ್ಗಸೂಚಿಗಳಂತೆ ಮಾಸ್ಕ್​, ಸಾಮಾಜಿಕ ಅಂತರ ಕಾಪಾಡಿಕೊಳ್ಳೋದು ಕಡ್ಡಾಯವಾಗಿ ಇರಲಿದೆ.