ಕೊರೊನಾ ವೈರಸ್ನಿಂದಾಗಿ ದೇಶದ ಅನೇಕ ರಾಜ್ಯಗಳಲ್ಲಿ ಶಾಲೆಯೇ ಪುನಾರಂಭವಾಗಿಲ್ಲ. ಇನ್ನು ಕೆಲ ರಾಜ್ಯಗಳಲ್ಲಿ ಆಯ್ದ ತರಗತಿಗಳಿಗೆ ಶಿಕ್ಷಣ ನೀಡಲಾಗ್ತಿದೆ. ಆದರೆ ಜಾರ್ಖಂಡ್ನ ಬೋರ್ಡಿಂಗ್ ಶಾಲೆಗಳು ಮಾತ್ರ ಕೊರೊನಾದಿಂದಾಗಿ ಉಂಟಾದ ನಷ್ಟದಿಂದ ಪಾರಾಗಲು ಹೊಸ ಮಾರ್ಗ ಹುಡುಕಿವೆ.
ಜಾರ್ಖಂಡ್ನ ಕೆಲ ಪ್ರತಿಷ್ಠಿತ ಶಾಲೆಗಳು ತಮ್ಮದೇ ಆದ ಹಸುಗಳು ಹಾಗೂ ಕುದುರೆಗಳನ್ನ ಹೊಂದಿವೆ. ಹಾಲು ಸರಬರಾಜು ಉದ್ಯಮಕ್ಕಾಗಿ ಹಾಗೂ ಸವಾರಿಗಾಗಿ ಈ ಪ್ರಾಣಿಗಳನ್ನ ಇರಿಸಲಾಗಿದೆ. ಆದರೆ ಈ ಬಾರಿ ಕೊರೊನಾದಿಂದಾಗಿ ಖಾಸಗಿ ಶಾಲೆಗಳು ಸಂಕಷ್ಟಕ್ಕೆ ಸಿಲುಕಿವೆ.
ಹೀಗಾಗಿ ಈ ನಷ್ಟವನ್ನ ಸರಿದೂಗಿಸುವ ಸಲುವಾಗಿ ರಾಂಚಿ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿನ ನಿವಾಸಿಗಳಿಗೆ ವಿಕಾಸ್ ವಿದ್ಯಾಲಯ ಹಾಲು ಮಾರಾಟ ಮಾಡುತ್ತಿವೆ ಎಂದು ಖಾಸಗಿ ಮಾಧ್ಯಮಗಳು ವರದಿ ಮಾಡಿದೆ.
175 ಎಕರೆ ಪ್ರದೇಶದಲ್ಲಿರುವ ವಿಕಾಸ್ ವಿದ್ಯಾಲಯ ರಾಜ್ಯದ ಅತ್ಯಂತ ಹಳೆಯ ವಸತಿ ಶಾಲೆಯಾಗಿದೆ. 300 ವಿದ್ಯಾರ್ಥಿಗಳು ವಸತಿ ಶಾಲೆಯಲ್ಲೇ ಇದ್ದಾರೆ. ಇಲ್ಲಿ 120 ಹಸುಗಳನ್ನ ಸಾಕಲಾಗಿತ್ತು. ಹಾಗೂ ಅವು ದಿನಕ್ಕೆ 350 ಲೀಟರ್ ಹಾಲನ್ನ ನೀಡುತ್ತಿದ್ದವು. ಆದರೆ ಲಾಕ್ಡೌನ್ ಸಮಯದಲ್ಲಿ ಉಂಟಾದ ಮೇವಿನ ಕೊರತೆಯಿಂದಾಗಿ 7 ಹಸುಗಳು ಅಸುನೀಗಿವೆ.
ಶಿಕ್ಷಣ ಸಂಸ್ಥೆಗೆ ಉಂಟಾಗುವ ನಷ್ಟ ಕಡಿಮೆ ಮಾಡಿಕೊಳ್ಳಲು ಹಾಲು ಮಾರಾಟ ಮಾಡಲು ಆರಂಭಿಸಿದ್ದಾರೆ. ಮೊದಲು ಈ ಹಾಲಿನಿಂದ ತುಪ್ಪ ತಯಾರಿಸಿ ಮಾರಾಟ ಮಾಡಲಾಗುತ್ತಿತ್ತು.