ʼಲಾಕ್​ ಡೌನ್ʼ​ ನಿಯಮ ಉಲ್ಲಂಘಿಸಿದವರಿಗೆ ಪೊಲೀಸರಿಂದ ಡಿಫರೆಂಟ್​ ಶಿಕ್ಷೆ

ಕೊರೊನಾದ ಎರಡನೇ ಭೀಕರ ಅಲೆಯಿಂದಾಗಿ ದೇಶ ತತ್ತರಿಸಿ ಹೋಗಿದೆ. ದೇಶದ ವಿವಿಧ ರಾಜ್ಯಗಳು ಕೊರೊನಾವನ್ನ ನಿಯಂತ್ರಣಕ್ಕೆ ತರಲು ಸಾಕಷ್ಟು ಕಠಿಣ ಕ್ರಮಗಳನ್ನ ಕೈಗೊಳ್ತಾನೇ ಇದೆ. ಈಗಾಗಲೇ ನೈಟ್​ ಕರ್ಫ್ಯೂ, ವೀಕೆಂಡ್​ ಲಾಕ್​ಡೌನ್​​​ , ಅಘೋಷಿತ ಲಾಕ್​ಡೌನ್​ ಹೀಗೆ ನಾನಾ ಕ್ರಮಗಳನ್ನ ಬಳಕೆ ಮಾಡಲಾಗುತ್ತಿದೆ. ಇದು ಮಾತ್ರವಲ್ಲದೆ ಕೊರೊನಾ ಮಾರ್ಗಸೂಚಿಗಳನ್ನ ಪಾಲಿಸಿದವರಿಗೂ ವಿವಿಧ ರೀತಿಯ ಶಿಕ್ಷೆಯನ್ನೂ ನೀಡಲಾಗ್ತಿದೆ.

ದಂಡ ವಿಧಿಸೋದ್ರಿಂದ ಹಿಡಿದು ಸಾರ್ವಜನಿಕವಾಗಿಯೇ ಶಿಕ್ಷೆ ನೀಡುವ ಮೂಲಕ ಪೊಲೀಸರು ಜನರಲ್ಲಿ ಕೊರೊನಾ ಜಾಗೃತಿ ಮೂಡಿಸುತ್ತಿದ್ದಾರೆ. ಇಂದೋರ್​ನ ಪೊಲೀಸರು ಸಹ ಲಾಕ್​ಡೌನ್​ ನಿರ್ಬಂಧಗಳನ್ನ ಉಲ್ಲಂಘಿಸುವವರಿಗೆ ಡಿಫರೆಂಟ್​ ಶಿಕ್ಷೆಯನ್ನ ನೀಡಿದ್ದಾರೆ.

ದೆಪಾಲ್ಪುರ್​​ ಗ್ರಾಮದಲ್ಲಿ ಲಾಕ್​ಡೌನ್​ ನಿಯಮ ಉಲ್ಲಂಘಿಸಿದವರಿಗೆ ಪೊಲೀಸರು ಸಾರ್ವಜನಿಕವಾಗಿ ಉಠಕ್​ ಬೈಟಕ್​ ಶಿಕ್ಷೆ ನೀಡಿದ್ದಾರೆ. ಲಾಕ್​ಡೌನ್​ ನಿಯಮ ಉಲ್ಲಂಘಿಸಿದವರು ಉಠಕ್​ ಬೈಟಕ್​ ಮಾಡುತ್ತಿದ್ದರೆ ಅಲ್ಲೇ ಇದ್ದ ಇನ್ನೊಬ್ಬ ವ್ಯಕ್ತಿ ಡೋಲು ಬಾರಿಸಿದ್ದಾರೆ.

ಒಂದೇ ಬೈಕಿನಲ್ಲಿ ಕೂತ ನಾಲ್ವರು ಮದುವೆ ಕಾರ್ಯಕ್ರಮಕ್ಕೆ ತೆರಳುತ್ತಿದ್ದ ವೇಳೆ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಲಾಕ್​ಡೌನ್​ ಸಂದರ್ಭದಲ್ಲಿ ಅಡ್ಡಾಡ್ಡುತ್ತಿದ್ದ ಕಾರಣಕ್ಕೆ ಪೊಲೀಸರು ಈ ಶಿಕ್ಷೆ ನೀಡಿದ್ದಾರೆ.