ಸಂಚಾರಿ ನಿಯಮ ಜಾಗೃತಿಗೆ ಮೋನಾಲಿಸಾಳನ್ನ ಬಳಸಿಕೊಂಡ ಮುಂಬೈ ಪೊಲೀಸರು…! 14-01-2021 7:45PM IST / No Comments / Posted In: India, Featured News ಮುಂಬೈ ಪೊಲೀಸ್ ಇಲಾಖೆ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಫೇಮಸ್. ಅದರಲ್ಲೂ ಕೊರೊನಾ ವೈರಸ್ ಮಾರ್ಗಸೂಚಿಗಳನ್ನ ಉಲ್ಲಂಘಿಸಿ ಪಾರ್ಟಿ ಮಾಡಿ ಸ್ಟೇಷನ್ಗೆ ಸೆಲೆಬ್ರಿಟಿಗಳು ಅಲೆದಿದ್ದ ವಿಚಾರ ನಿಮಗೆ ನೆನಪಿದ್ದಿರಬಹುದು. ಈ ವೇಳೆಯಲ್ಲೂ ಪಾರ್ಟಿ ( ನಹಿ) ಚಲೇಗಿ ಸಿಕ್ಸ್ ಇನ್ ದ ಮಾರ್ನಿಂಗ್ ಎಂಬ ಬಾಲಿವುಡ್ ಗೀತೆಯ ಸಾಲೊಂದನ್ನ ಟ್ವೀಟ್ ಮಾಡೋ ಮೂಲಕ ಸ್ಟಾರ್ ಸೆಲೆಬ್ರಿಟಿಗಳಿಗೆ ಚೆನ್ನಾಗಿಯೇ ಟಾಂಗ್ ನೀಡಿತ್ತು. ಇದೀಗ ಇನ್ಸ್ಟಾಗ್ರಾಂನಲ್ಲಿ ಮೊನಾಲಿಸಾ ಸೀಟ್ ಬೆಲ್ಟ್ ಧರಿಸಿ ಕಾರಿನಲ್ಲಿ ಕುಳಿತಿರುವ ರೀತಿಯ ಫೋಟೋ ಶೇರ್ ಮಾಡಿರುವ ಮುಂಬೈ ಪೊಲೀಸರು ಟ್ರಾಫಿಕ್ ನಿಯಮಗಳ ಪಾಲಿಸಿ ಅಂತಾ ಸಲಹೆ ನೀಡಿದ್ದಾರೆ. ಮುಂಬೈ ಪೊಲೀಸರ ಈ ಪೋಸ್ಟ್ ಕಂಡ ಜನತೆ ಬಿದ್ದು ಬಿದ್ದು ನಕ್ಕಿದ್ದಾರೆ. ಈ ರೀತಿಯ ಅನೇಕ ಹಾಸ್ಯಮಯ ಪೋಸ್ಟ್ಗಳ ಮೂಲಕ ಮುಂಬೈ ಪೊಲೀಸರು ಜನ ಜಾಗೃತಿ ಮೂಡಿಸ್ತಾನೆ ಇರ್ತಾರೆ. ಕೆಲ ದಿನಗಳ ಹಿಂದಷ್ಟೇ ಎಲಾನ್ ಮಸ್ಕ್ ಸಿಗ್ನಲ್ ಬಳಸಿ ಎಂದು ಟ್ವೀಟ್ ಮಾಡಿದ್ದರು. ಇದನ್ನೇ ರಿ ಟ್ವೀಟ್ ಮಾಡಿದ್ದ ಮುಂಬೈ ಪೊಲೀಸರು ರಸ್ತೆಯ ಮೇಲಿದ್ದಾಗಲಂತೂ ಸಿಗ್ನಲ್ ಬಳಸೋಕೆ ಮರೆಯದಿರಿ ಎಂದು ಹೇಳೋ ಮೂಲಕ ಟ್ವೀಟ್ಗೆ ಇನ್ನೊಂದು ಅರ್ಥವನ್ನೇ ನೀಡಿದ್ದರು. View this post on Instagram A post shared by Mumbai Police (@mumbaipolice) Especially the ones on the streets. #RoadSafety #RoadSafetyWeek https://t.co/skrdWd1G7V — Mumbai Police (@MumbaiPolice) January 12, 2021