ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಳೆಯ ಜೋಡಿಯನ್ನು ಆರ್ಸಿಬಿ ಹಾಲ್ ಆಫ್ ಫೇಮ್ಗೆ ಸೇರಿಸಿಕೊಳ್ಳುತ್ತಿದ್ದಂತೆ ವಿರಾಟ್ ಕೊಹ್ಲಿ ತಮ್ಮ ಇಬ್ಬರು ಸ್ನೇಹಿತರಾದ ಎಬಿ ಡಿವಿಲಿಯರ್ಸ್ ಮತ್ತು ಕ್ರಿಸ್ ಗೇಲ್ ಅವರಿಗೆ ಹೃತ್ಪೂರ್ವಕ ಗೌರವ ಸಲ್ಲಿಸಿದ್ದಾರೆ.
ಕ್ರಿಸ್ ಗೇಲ್ ಮತ್ತು ಎಬಿ ಡಿವಿಲಿಯರ್ಸ್ ಐಪಿಎಲ್ನಲ್ಲಿ ಕ್ರಮವಾಗಿ 7 ಮತ್ತು 11 ವರ್ಷಗಳ ಕಾಲ ಆರ್ಸಿಬಿಗಾಗಿ ಆಡಿದವರು. ದೀರ್ಘಕಾಲದವರೆಗೆ ಇಬ್ಬರು ಚಾಂಪಿಯನ್ಗಳೊಂದಿಗೆ ಸಮಯ ಹಂಚಿಕೊಳ್ಳಲು ಕೊಹ್ಲಿಗೆ ಅವಕಾಶವಿತ್ತು.
BIG NEWS: ದಂಗಾಗಿಸುವಂತಿದೆ ಎಲ್ಐಸಿ ಬಳಿಯಿರುವ ʼಕ್ಲೈಂʼ ಆಗದ ಹಣ
ನೀವಿಬ್ಬರೂ ಐಪಿಎಲ್ ಆಡುವ ವಿಧಾನವನ್ನು ನೀವು ಹೇಗೆ ಬದಲಾಯಿಸಿದ್ದೀರಿ ಎಂಬುದನ್ನು ನಾವು ನೋಡಿದ್ದೇವೆ. ಐಪಿಎಲ್ ಇಂದು ಇರುವ ಸ್ಥಿತಿಯಲ್ಲಿ ದೊಡ್ಡ ಪ್ರಭಾವ ಬೀರಿದ ಇಬ್ಬರು ವ್ಯಕ್ತಿಗಳು ನೀವು. ಮತ್ತು ಆರ್ ಸಿ ಬಿ ಯನ್ನು ಇಂದಿನ ಸ್ಥಿತಿಗೆ ತರಲು ನಾನು 11 ವರ್ಷಗಳ ಕಾಲ ಎಬಿ ಡಿವಿಲಿಯರ್ಸ್ ಜೊತೆಗೆ, ಏಳು ವರ್ಷಗಳ ಕಾಲ ಕ್ರಿಸ್ ಗೇಲ್ ಅವರೊಂದಿಗೆ ಆಡಿದ್ದೇನೆ. ಎರಡೂ ಪ್ರಯಾಣಗಳು 2011ರಲ್ಲಿ ಪ್ರಾರಂಭವಾಯಿತು, ಅದು ನನಗೆ ಅತ್ಯಂತ ವಿಶೇಷ ವರ್ಷವಾಗಿರುತ್ತದೆ. ನಾನು ನಿಮ್ಮಿಬ್ಬರನ್ನೂ 2011 ರಲ್ಲಿ ಭೇಟಿಯಾದೆ, ನಿಮ್ಮಿಬ್ಬರೊಂದಿಗೆ ಆಡಲು ಪ್ರಾರಂಭಿಸಿದೆ ಮತ್ತು ಆರ್ಸಿಬಿ ಹಲವು ವರ್ಷಗಳಿಂದ ನಿಮ್ಮಿಬ್ಬರ ಪ್ರತಿಭೆಯನ್ನು ಕಂಡಿದೆ ಎಂದು ಕೊಹ್ಲಿ ಹೇಳಿಕೊಂಡಿದ್ದಾರೆ.
ಒಟ್ಟಿಗೆ ಆಡಿದ ಕೆಲವು ನೆನಪುಗಳು ನನಗೆ ಯಾವಾಗಲೂ ಎದ್ದು ಕಾಣುತ್ತವೆ. 2016ರಲ್ಲಿ ಎಬಿ ಜೊತೆಯಲ್ಲಿ ಒಟ್ಟಿಗೆ ಬೃಹತ್ ಜೊತೆಯಾಟ ಆಡಿದೆವು, ಅದು ಅದ್ಭುತ. ನಾನು ಅಶ್ಚರ್ಯಚಕಿತನಾಗಿದ್ದೆ, ನಂಬಲು ಸಾಧ್ಯವಾಗಿರಲಿಲ್ಲ ಎಂದು ಕೋಹ್ಲಿ ನೆನಪು ಹಂಚಿಕೊಂಡಿದ್ದಾರೆ.