ಸಂತಸದ ನಗರಿ ಕೋಲ್ಕತ್ತಾದ ಸುಂದರ ವಿಡಿಯೋವೊಂದನ್ನು ಆರ್‌ಪಿಜಿ ಸಮೂಹದ ಚೇರ್ಮನ್ ಹರ್ಷ್ ಗೋಯೆಂಕಾ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ತನ್ನ ವೈವಿಧ್ಯಮಯ ಸಂಸ್ಕೃತಿ, ಇತಿಹಾಸ, ಆಹಾರಗಳಿಂದ ತನ್ನದೇ ಗುರುತು ಹೊಂದಿರುವ ಕೋಲ್ಕತ್ತಾವನ್ನು ಭಾವನಾತ್ಮಕವಾಗಿ ಕಟ್ಟಿಕೊಡುವ ಈ ವಿಡಿಯೋ ನೆಟ್ಟಿಗರ ಬಳಗದಲ್ಲಿ ಭಾರೀ ವೈರಲ್ ಆಗಿದೆ.
ಮಾರುಕಟ್ಟೆಗಳಿಂದ ಹಿಡಿದು ಹೂಗ್ಲಿ ನದಿಯ ದಂಡೆಗಳವರೆಗೂ; ಮೈದಾನದಿಂದ ಹಿಡಿದು ಹೌರಾ ಸೇತುವೆವರೆಗೂ ನಗರದ ವಿವಿಧ ಆಯಾಮಗಳನ್ನು ರಸವತ್ತಾಗಿ ಕಟ್ಟಿಕೊಡುವ ಈ ವಿಡಿಯೋ ತಮ್ಮ ತವರು ನಗರದಲ್ಲಿ ತಾವು ಬೆಳದು ಬಂದ ಸುಂದರ ಕ್ಷಣಗಳನ್ನು ನೆನಪಿಸುತ್ತಿದೆ ಎನ್ನುತ್ತಾರೆ ಗೋಯೆಂಕಾ.
ಈ ವಿಡಿಯೋಗೆ ಸುಂದರವಾದ ಹಾಡೊಂದರ ಬ್ಯಾಕ್ ಗ್ರೌಂಡ್ ಸಂಗೀತವಿದ್ದು, ನೆಟ್ಟಿಗರು ಕೋಲ್ಕತ್ತಾವನ್ನು ಎರಡೂವರೆ ನಿಮಿಷಗಳ ಈ ವಿಡಿಯೋದಲ್ಲಿ ಕಣ್ತುಂಬಿಕೊಂಡು ಸಂತಸ ಪಡುತ್ತಿದ್ದಾರೆ.
Loading ...