ಜಮ್ಮು ಮತ್ತು ಕಾಶ್ಮೀರದ ರಾಂಬನ್ ಜಿಲ್ಲೆಯಲ್ಲಿ ತನ್ನ ಲಗೇಜನ್ನು ಕಳೆದುಕೊಂಡು ಪರದಾಡುತ್ತಿದ್ದ ವಿದೇಶಿ ಪ್ರವಾಸಿಗನಿಗೆ ನೆರವಾದ ಕೇಂದ್ರೀಯ ಮೀಸಲು ಪೊಲೀಸ್ ಪಡೆ (ಸಿಆರ್ಪಿಎಫ್) ಸಿಬ್ಬಂದಿಗೆ ಪ್ರಶಂಸೆ ವ್ಯಕ್ತವಾಗುತ್ತಿದೆ.
ಬೆಲಾರಸ್ ಮೂಲದ ಪ್ರವಾಸಿಗರು ಮೋಟಾರು ಸೈಕಲ್ನಲ್ಲಿ ಶ್ರೀನಗರದಿಂದ ಜಮ್ಮುವಿಗೆ ತೆರಳುತ್ತಿದ್ದಾಗ ಬನಿಹಾಲ್ನ ಖಾಪೋರ್ರಾದಲ್ಲಿ ಅವರ ಲಗೇಜ್ ಬ್ಯಾಗ್ಕೆಳಗೆ ಬಿದ್ದಿದೆ. ಇದು ಸಿಆರ್ಪಿಎಫ್ನ ಯೋಧರು ಗಮನಿಸಿ, ಅದರ ಸವಾರನಿಗೆ ಬ್ಯಾಗ್ ಹಿಂತಿರುಗಿಸಲು ಪ್ರಯತ್ನಿಸಿದ್ದಾರೆ.
ಮೊದಲು ಸಿಆರ್ಪಿಎಫ್ ಯೋಧರು ಕಿಲೋಮೀಟರ್ಗಳ ಮುಂದೆ ಇದ್ದ ಇತರ ಸಿಬ್ಬಂದಿಯನ್ನು ಸಂಪರ್ಕಿಸಿ, ಬ್ಯಾಗ್ ಸುರಕ್ಷಿತವಾಗಿದೆ ಎಂದು ಪ್ರವಾಸಿಗರಿಗೆ ತಿಳಿಸುವಂತೆ ಕೇಳಿಕೊಂಡು ಬಳಿಕ ಅವರಿಗೆ ಹಸ್ತಾಂತರಿಸಿದರು.
ಆ ವಿದೇಶಿ ಪ್ರವಾಸಿಗರು ಸಿಆರ್ಪಿಎಫ್ಗೆ ಧನ್ಯವಾದ ಹೇಳುವ ಕಿರು ವಿಡಿಯೋವನ್ನು ಸಿಆರ್ಪಿಎಫ್ ತನ್ನ ಟ್ವಿಟರ್ ಹ್ಯಾಂಡಲ್ ಹಂಚಿಕೊಂಡಿದೆ.
ಪ್ರವಾಸಿ ತನ್ನ ಬ್ಯಾಗ್ ಅನ್ನು ವಾಪಸ್ ಪಡೆಯಲು ಹಿಂದಿರುಗಿದಾಗ, ಆತನಿಗೆ ಸೈನಿಕರು ಊಟವನ್ನು ನೀಡಿದ್ದರು. “ತುಂಬಾ ಧೈರ್ಯಶಾಲಿ ಸಿಆರ್ಪಿಎಫ್ ಯೋಧರಿಗೆ ಧನ್ಯವಾದಗಳು….. ಅವರು ನನ್ನ ಲಗೇಜನ್ನು ಹಿಂದಿರುಗಿಸಿದ್ದು ಮಾತ್ರವಲ್ಲದೆ ನನಗೆ ರುಚಿಕರವಾದ ಊಟವನ್ನೂ ನೀಡಿದರು. ಭಾರತವು ಆತಿಥ್ಯ ಮತ್ತು ಒಳ್ಳೆಯ ಜನರನ್ನು ಹೊಂದಿರುವ ಉತ್ತಮ ದೇಶವಾಗಿದೆ. ನಾನು ಇದನ್ನು ನೆನಪಿಸಿಕೊಳ್ಳುತ್ತೇನೆ. ಜೈ ಹಿಂದ್” ಎಂದು ಆ ಪ್ರವಾಸಿಗ ಹೇಳಿದ್ದು, ನೆಟ್ಟಿಗರನ್ನು ರೋಮಾಂಚನಗೊಳಿಸಿದೆ.
Loading ...