ಸೋಶಿಯಲ್ ಮೀಡಿಯಾದಲ್ಲಿ ತುಂಬಾ ದಿನಗಳಿಂದ ಟ್ರೆಂಡ್ನಲ್ಲಿದೆ ಆಫ್ಟರ್, ಬಿಫೋರ್ ಅನ್ನೋ ಫೋಟೋಗಳು. ಹತ್ತು ವರ್ಷದ ಹಿಂದೆ ಮತ್ತು ಈಗಾಗಿರುವ ಬದಲಾವಣೆ, ಇವೆರಡನ್ನೂ ಕೊಲಾಜ್ ಮಾಡಿ ಫೋಟೋಗಳನ್ನ ಅಪ್ಲೋಡ್ ಮಾಡಲಾಗುತ್ತೆ. ಈ ಟ್ರೆಂಡ್ ಸೆಟ್ಟಿಂಗ್ ಕೊಲ್ಯಾಜ್ ಫೋಟೋದಲ್ಲಿ ಹೆಚ್ಚಾಗಿ ಜನರು ತಾವು ಬಾಲ್ಯದಲ್ಲಿ ತೆಗೆಸಿಕೊಂಡಿದ್ದ ಫೋಟೋ ರೀತಿಯಲ್ಲಿಯೇ, ಈಗ ಮತ್ತೆ ಮರುಸೃಷ್ಟಿ ಮಾಡಿ ಪೋಸ್ ಕೊಟ್ಟು ಫೋಟೋ ತೆಗೆಸಿಕೊಳ್ಳುವುದು ಸಾಮಾನ್ಯವಾಗಿದೆ. ಆದರೆ ಈಗ ಓರ್ವ ಸಾಮಾಜಿಕ ಕಾರ್ಯಕರ್ತೆ ತಾಜ್ಮಹಲ್ 10 ವರ್ಷದ ಹಿಂದಿನ ಮತ್ತು ಇತ್ತೀಚೆಗಿನ ಫೋಟೋವನ್ನ ಅಪ್ಲೋಡ್ ಮಾಡಿದ್ದಾರೆ.
ಇವರ ಹೆಸರು ಲಿಸಿಪ್ರಿಯಾ ಕಂಗುಜಮ್. ಇವರು ಓರ್ವ ಹವಾಮಾನ ವಿಶೇಷಜ್ಞೆ. ಇತ್ತೀಚೆಗೆ ಇವರು ತಾಜ್ಮಹಲ್ ಎದುರು ನಿಂತಿರುವ ಫೋಟೋವನ್ನ ಸೋಶಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ದಾರೆ, ಜೊತೆಗೆ ಹತ್ತು ವರ್ಷದ ಹಿಂದೆ ಅದೇ ಜಾಗದಲ್ಲಿ ನಿಂತಿದ್ದ ಫೋಟೋವನ್ನ ಕೂಡಾ ಹಾಕಿದ್ದಾರೆ. ಅಂದು ಪ್ಲಾಸ್ಟಿಕ್, ಕಸಕಡ್ಡಿಗಳಿಂದ ತುಂಬಿ ಹೋಗಿದ್ದ ಜಾಗ, ಇಂದು ಎಷ್ಟು ಸ್ವಚ್ಛವಾಗಿದೆ ಅನ್ನುವುದು ಈ ಫೋಟೋದಲ್ಲಿ ಸ್ಷಷ್ಟವಾಗಿ ಗೊತ್ತಾಗುತ್ತಿತ್ತು. ಅಂದು ಇದೇ ಜಾಗದಲ್ಲಿ ಫೋಟೋ ತೆಗೆದುಕೊಳ್ಳುತ್ತಿದ್ದ ಸಮಯದಲ್ಲಿ ಪರಿಸರ ಮಾಲಿನ್ಯದ ಕುರಿತು ಫಲಕ ಹಿಡಿದು ಎಲ್ಲರ ಗಮನ ಸೆಳೆದಿದ್ದರು ಲಿಸಿಪ್ರಿಯಾ. ಆ ಫೋಟೋ ವೈರಲ್ ಆಗಿತ್ತು. ಇಂದು ಅದರ ಎಫೆಕ್ಟ್ ಆ ಪ್ರದೇಶದಲ್ಲಿ ಪ್ಲಾಸ್ಟಿಕ್ ಮುಕ್ತವಾಗಿರುವುದನ್ನ ನೋಡಬಹುದಾಗಿದೆ.
BIG NEWS: ಪೊಲೀಸ್ ಠಾಣೆಯಲ್ಲಿ ಮತ್ತೊಂದು ದೂರು ದಾಖಲಿಸಿದ ನಟಿ ಪವಿತ್ರ ಲೋಕೇಶ್
ಲಿಸಿಪ್ರಿಯಾ ಕಂಗುಜಮ್ ಹತ್ತು ವರ್ಷದ ಹಿಂದೆ ತಾಜ್ಮಹಲ್ ಮುಂದೆ ನಿಂತು ಬೋರ್ಡ್ ಹಿಡಿದು ಫೋಟೋ ತೆಗೆದ ಸೋಶಿಯಲ್ ಮೀಡಿಯಾದಲ್ಲಿ ಅಲ್ಲೋಡ್ ಮಾಡಿದಾಗ ಆ ಫೋಟೋ ಎಲ್ಲರ ಗಮನ ಸೆಳೆದಿತ್ತು. ಅದರಲ್ಲಿ “ತಾಜ್ಮಹಲ್ ಸೌಂದರ್ಯ ಹಿಂದಿರುವ ಇನ್ನೊಂದು ಮುಖ, ಪ್ಲಾಸ್ಟಿಕ್ ಕಸದಿಂದ ತುಂಬಿರುವ ಪ್ರದೇಶ“ ಅನ್ನುವ ಅರ್ಥದಲ್ಲಿ ಫೋಟೋ ಹಾಕಲಾಗಿತ್ತು. ಇದಕ್ಕೆ ಸಮಾಜವಾದಿ ಪಕ್ಷದ ನಾಯಕ ಮನೀಷ್ ಜಗನ್ ಅಗರವಾಲ್ “ ಉತ್ತರಪ್ರದೇಶವನ್ನ ಟೀಕಿಸುತ್ತಿರುವ ವಿದೇಶಿ ಪ್ರವಾಸಿ“ ಅಂತ ಟ್ವಿಟರ್ನಲ್ಲಿ ಕಾಮೆಂಟ್ ಹಾಕಿದ್ದರು. ಈ ಚಿತ್ರ ವೈರಲ್ ಆಗುತ್ತಿದ್ದ ಹಾಗೆಯೇ ಎಚ್ಚೆತ್ತುಕೊಂಡ ಅಧಿಕಾರಿಗಳು ತಕ್ಷಣ ಆ ಪ್ರದೇಶವನ್ನ ಸ್ವಚ್ಛಗೊಳಿಸಿದ್ದಾರೆ.
ರಾಜಕೀಯ ನಾಯಕ ಅಗರ್ವಾಲ್ ಸೇರಿದಂತೆ, ಕೆಲ ರಾಜಕಾರಣಿಗಳು ಪದೇ ಪದೇ `ವಿದೇಶಿ` ಅನ್ನೋ ಅರ್ಥದಲ್ಲಿ ಕಾಮೆಂಟ್ ಹಾಕಿದ್ದ ಕಾರಣ, ಲಿಸಿಪ್ರಿಯಾ ಕಂಗುಜಮ್ ಅದನ್ನ ಖಂಡಿಸಿ ಟ್ವೀಟ್ ಮಾಡಿದ್ದಾರೆ. “ನಾನು ಭಾರತೀಯಳು ಅನ್ನೋ ಹೆಮ್ಮೆ ಇದೆ. ಈಶಾನ್ಯ ಜನರ ಬಗ್ಗೆ ಜನಾಂಗೀಯ ಮನೋಭಾವವನ್ನು ನಿಲ್ಲಿಸಿ. “ ಅಂತ ಹೇಳಿದ್ದಾರೆ. “ ಸರ್ ನಾನು 8ನೇ ಬಾರಿ ವಿಶ್ವಸಂಸ್ಥೆಯಲ್ಲಿ ಭಾರತವನ್ನ ಪ್ರತಿನಿಧಿಸಿದ್ದೇನೆ. ಇಂತಹ ಜನಾಂಗೀಯ ಧೋರಣೆಯನ್ನ ನಿಲ್ಲಿಸಿ. ಎಂದು ಲಿಸಿಪ್ರಿಯಾ ಕಂಗುಜಮ್ ಟ್ವೀಟ್ ಮಾಡಿದ್ದಾರೆ.
Loading ...