ಶೀಘ್ರದಲ್ಲೇ ಜಿಯೋ ಗ್ರಾಹಕರಿಗೆ ಸಿಗಲಿದೆ ಖುಷಿ ಸುದ್ದಿ

ರಿಲಾಯನ್ಸ್ ಜಿಯೋ ಮತ್ತೊಂದು ಹೆಜ್ಜೆ ಯಶಸ್ವಿಯಾಗಿ ಮುಂದಿಟ್ಟಿದೆ. ಅಮೆರಿಕದ ತಂತ್ರಜ್ಞಾನ ಸಂಸ್ಥೆ ಕ್ವಾಲ್ಕಾಮ್ ಸಹಯೋಗದೊಂದಿಗೆ ರಿಲಯನ್ಸ್ ಭಾರತದಲ್ಲಿ 5 ಜಿ ನೆಟ್‌ವರ್ಕ್ ಯಶಸ್ವಿಯಾಗಿ ಪರೀಕ್ಷಿಸಿದೆ. ಅಕ್ಟೋಬರ್ 20 ರಂದು ಯುಎಸ್ ಸ್ಯಾನ್ ಡಿಯಾಗೋದಲ್ಲಿ ನಡೆದ ವರ್ಚುವಲ್ ಕಾರ್ಯಕ್ರಮದಲ್ಲಿ ಎರಡೂ ಕಂಪನಿಗಳು ಇದನ್ನು ಘೋಷಿಸಿವೆ.

ಶೀಘ್ರದಲ್ಲೇ 5 ಜಿ ನೆಟ್‌ವರ್ಕ್ ಸೌಲಭ್ಯವು ಭಾರತದ ಗ್ರಾಹಕರಿಗೆ ಲಭ್ಯವಾಗಲಿದೆ. ವರದಿ ಪ್ರಕಾರ, ಜಿಯೋ ಮತ್ತು ಕ್ವಾಲ್ಕಾಮ್ 5 ಜಿಎನ್‌ಆರ್ ಸೊಲ್ಯೂಷನ್ಸ್ ಮತ್ತು ಕ್ವಾಲ್ಕಾಮ್ 5 ಜಿ ರಾನ್ ಪ್ಲಾಟ್‌ಫಾರ್ಮ್‌ಗಳಲ್ಲಿ 1 ಜಿಬಿಪಿಎಸ್ ವೇಗವನ್ನು ಸಾಧಿಸಿದೆ. ಪ್ರಸ್ತುತ, ಅಮೆರಿಕ, ದಕ್ಷಿಣ ಕೊರಿಯಾ, ಆಸ್ಟ್ರೇಲಿಯಾ, ಸ್ವಿಟ್ಜರ್ಲೆಂಡ್ ಮತ್ತು ಜರ್ಮನಿಯ ದೇಶಗಳ 5 ಜಿ ಗ್ರಾಹಕರು 1 ಜಿಬಿಪಿಎಸ್ ಇಂಟರ್ನೆಟ್ ವೇಗವನ್ನು ಪಡೆಯುತ್ತಿದ್ದಾರೆ.

ಕ್ವಾಲ್ಕಾಮ್ ಮತ್ತು ರಿಲಯನ್ಸ್ ನ ಅಂಗಸಂಸ್ಥೆ ಕಂಪನಿಯಾದ ರೆಡಿಸಿಸ್‌ನೊಂದಿಗೆ 5 ಜಿ ತಂತ್ರಜ್ಞಾನದ ಮೇಲೆ ಕೆಲಸ ಮಾಡುತ್ತಿದ್ದೇವೆ. ಶೀಘ್ರದಲ್ಲೇ ಭಾರತದಲ್ಲಿ ಬಿಡುಗಡೆ ಮಾಡಬಹುದೆಂದು ರಿಲಯನ್ಸ್ ಜಿಯೋ ಅಧ್ಯಕ್ಷ ಮ್ಯಾಥ್ಯೂ ಒಮನ್, ಕ್ವಾಲ್ಕಾಮ್ ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ. ಮುಂದಿನ ದಿನಗಳಲ್ಲಿ ಭಾರತದ ಬಳಕೆದಾರರು 1 ಜಿಬಿಪಿಎಸ್ ವರೆಗಿನ ವೇಗವನ್ನು ಆನಂದಿಸಬಹುದಾಗಿದೆ. ದೇಶದಲ್ಲಿ 5 ಜಿ ತಂತ್ರಜ್ಞಾನವನ್ನು ಪರಿಚಯಿಸಿದ ನಂತರ, ಗ್ರಾಹಕರಿಗೆ ಹೈಸ್ಪೀಡ್ ಡೇಟಾ ಸಿಗಲಿದೆ.