‘ಪಾನ್ ಕಾರ್ಡ್’ ಕಳೆದು ಹೋದ್ರೆ‌ ಬೇಡ ಚಿಂತೆ, ಮರು ಮುದ್ರಣಕ್ಕೆ ಹೀಗೆ ಮಾಡಿ

ಪ್ರಮುಖ ಹಣಕಾಸು ವಹಿವಾಟು ನಡೆಸಲು ಪಾನ್ ಕಾರ್ಡ್ ಅನಿವಾರ್ಯವಾಗಿದೆ. ಇದು ಒಂದು ಪ್ರಮುಖ ದಾಖಲೆ. 50 ಸಾವಿರ ರೂಪಾಯಿಗಿಂತ ಹೆಚ್ಚು ವಹಿವಾಟು ನಡೆಸಲು ಪಾನ್ ಕಾರ್ಡ್ ನೀಡುವುದು ಅಗತ್ಯ.

ಈ ಪಾನ್ ಕಾರ್ಡ್ ಕಳೆದು ಹೋದ್ರೆ ಚಿಂತೆ ಪಡಬೇಕಾಗಿಲ್ಲ. ನಕಲು ಪಾನ್ ಕಾರ್ಡ್ ಗೆ ನೀವು ಅರ್ಜಿ ಸಲ್ಲಿಸಬಹುದು. ನಿಮ್ಮ ಬಳಿ ಮೊದಲೇ ಪಾನ್ ಕಾರ್ಡ್ ಇದ್ದು, ಅದು ಕಳೆದು ಹೋಗಿದ್ದಲ್ಲಿ ಮಾತ್ರ ನಕಲು ಪಾನ್ ಕಾರ್ಡ್ ಪಡೆಯಲು ಸಾಧ್ಯ.

ಪಾನ್ ಕಾರ್ಡ್ ನ ಯಾವುದೇ ಮಾಹಿತಿಯನ್ನು ನವೀಕರಿಸಲು ಸಾಧ್ಯವಿಲ್ಲ. ಹೆಸರು, ವಿಳಾಸ ಇತ್ಯಾದಿಗಳನ್ನು ನವೀಕರಿಸಲು ಸಾಧ್ಯವಿಲ್ಲ. ನಕಲು ಪಾನ್ ಕಾರ್ಡ್ ನ್ನು ಕೂಡ ನೀವು ನೀಡಿದ ವಿಳಾಸಕ್ಕೆ ರವಾನಿಸಲಾಗುತ್ತದೆ. ನಕಲು ಪಾನ್ ಕಾರ್ಡ್ ಪಡೆಯಲು ನೀವು ಮೊದಲು https://www.tin-nsdl.com/ ವೆಬ್ಸೈಟ್ ಗೆ ಹೋಗಬೇಕು.

ಅಲ್ಲಿ ಪಾನ್ ಕಾರ್ಡ್ ಗೆ ಅರ್ಜಿ ಸಲ್ಲಿಸಬಹುದು. ಈ ವೆಬ್ಸೈಟ್ ನ ಮುಖಪುಟದಲ್ಲಿ ಮರು ಮುದ್ರಣ ಆಯ್ಕೆಯನ್ನು ಕ್ಲಿಕ್ ಮಾಡಿ. ಮುಖಪುಟದಲ್ಲಿ ಈ ಲಿಂಕ್ ಸಿಗದಿದ್ದಲ್ಲಿ ಸರ್ವೀಸ್ ಆಯ್ಕೆ ಮೇಲೆ ಕ್ಲಿಕ್ ಮಾಡಬೇಕು. ಮರು ಮುದ್ರಣ ಆಯ್ಕೆ ಮೇಲೆ ಕ್ಲಿಕ್ ಮಾಡಿದ ನಂತ್ರ ನಿಮಗೆ Reprint of PAN Card ಆಯ್ಕೆ ಸಿಗಲಿದೆ. ಈ ಆಯ್ಕೆಯನ್ನು ಕ್ಲಿಕ್ ಮಾಡಿದ ನಂತರ ಹೊಸ ವೆಬ್‌ ಪುಟ ತೆರೆಯುತ್ತದೆ. ಅಲ್ಲಿ ಪಾನ್ ಕಾರ್ಡ್, ಆಧಾರ್ ಮತ್ತು ಹುಟ್ಟಿದ ದಿನಾಂಕವನ್ನು ನಮೂದಿಸಬೇಕು. ಒಟಿಪಿಗಾಗಿ ನೀವು ಇ-ಮೇಲ್ ಅಥವಾ ಮೊಬೈಲ್ ನಂಬರ್ ನೀಡಬೇಕು.