ದಕ್ಷಿಣ ಭಾರತದ ನಟಿ ಕೀರ್ತಿ ಸುರೇಶ್ ದುಬೈನಲ್ಲಿ ಸ್ನೇಹಿತರ ಗುಂಪಿನೊಂದಿಗೆ ಕಳೆದ ಅಮೂಲ್ಯ ಕ್ಷಣಗಳ ಫೋಟೋಗಳನ್ನ ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದಾರೆ.
ದುಬೈನಲ್ಲಿ ಕೀರ್ತಿ ಸುರೇಶ್ & ಟೀಂ ಮಸ್ತ್ ಮಜಾ ಮಾಡಿದೆ ಅನ್ನೋದನ್ನ ಈ ಫೋಟೋಗಳೇ ಸಾಬೀತುಪಡಿಸುತ್ತಿವೆ. ಸದ್ಯ ರಂಗ್ ದೇ ಸಿನಿಮಾದಲ್ಲಿ ನಿತಿನ್ ಜೋಡಿಯಾಗಿ ಕೀರ್ತಿ ಸುರೇಶ್ ನಟಿಸುತ್ತಿದ್ದಾರೆ. ಈ ಸಿನಿಮಾಗೆ ವೆಂಕಿ ಅಟ್ಲುರಿ ಆಕ್ಷನ್ ಕಟ್ ಹೇಳಿದ್ದಾರೆ.
ಹಸಿರು ಬಣ್ಣದ ಧಿರಿಸಿನಲ್ಲಿ ಕೀರ್ತಿ ಸುರೇಶ್ ಸಿಕ್ಕಾಪಟ್ಟೆ ಬ್ಯೂಟಿಫುಲ್ ಆಗಿ ಕಾಣ್ತಾ ಇದ್ದು ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ. ಫೋಟೋದಲ್ಲಿ ಕೀರ್ತಿ ಮ್ಯಾನೇಜರ್ ಜಗದೀಶ್ರನ್ನೂ ನೀವು ನೋಡಬಹುದಾಗಿದೆ.
ಸಿನಿಮಾದ ಶೂಟಿಂಗ್ಗಾಗಿ ಸದ್ಯ ರಂಗ್ ದೇ ಸಿನಿಮಾ ತಂಡ ದುಬೈನಲ್ಲಿ ಬೀಡು ಬಿಟ್ಟಿದೆ. ಶೂಟ್ ಜೊತೆ ವೆಕೆಷನ್ನ್ನೂ ಎಂಜಾಯ್ ಮಾಡ್ತಿರುವ ಕೀರ್ತಿ ಸುರೇಶ್ ಶೂಟಿಂಗ್ ಮಧ್ಯೆ ನಿದ್ದೆ ಮಾಡುತ್ತಿರುವ ಫೋಟೋವೊಂದನ್ನ ನಟ ನಿತಿನ್ ಸೋಶಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ.
ಇದೇ ಫೋಟೋವನ್ನ ತನ್ನ ಖಾತೆಯಲ್ಲೂ ಶೇರ್ ಮಾಡಿರುವ ಕೀರ್ತಿ ಸುರೇಶ್, ಈ ಫೋಟೋದ ಮೂಲಕ ಶೂಟಿಂಗ್ ಮಧ್ಯೆ ನಿದ್ದೆ ಮಾಡಬಾರದು ಅನ್ನೋ ಪಾಠವನ್ನ ಕಲಿತಿದ್ದೇನೆ. ನನ್ನ ನಿದ್ದೆ ನೋಡಿ ನಿತಿನ್ಗೆ ಹೊಟ್ಟೆ ಉರಿಯಾಗಿದೆ ಅಲ್ವಾ..? ಸದ್ಯದಲ್ಲೇ ಇದಕ್ಕೆ ಪ್ರತೀಕಾರ ತೀರಿಸಿಕೊಳ್ಳುವೆ ಅಂತಾ ಬರೆದುಕೊಂಡಿದ್ದಾರೆ.
Loading ...