ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್ ಪುಟ್ಟ ಬಾಲಕಿಯೊಬ್ಬಳ ಹರಿಯಾಣ್ವಿ ನೃತ್ಯಕ್ಕೆ ಫಿದಾ ಆಗಿದ್ದಾರೆ. ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಬಾಲಕಿಯ ನೃತ್ಯದ ವಿಡಿಯೋ ಪೋಸ್ಟ್ ಮಾಡಿದ್ದಾರೆ.
ಕಪ್ಪು ಬಣ್ಣದ ಸಲ್ವಾರ್ ಹಾಗೂ ಕೇಸರಿ ಬಣ್ಣದ ದುಪ್ಪಟ್ಟ ಹಾಕಿರೋ ಪುಟ್ಟ ಪೋರಿ ಅಪ್ನೆ ಸಸುರೆ ಕೆ ಆಗೇ ಎಂಬ ಹರಿಯಾಣ್ವಿ ಹಾಡಿಗೆ ಮಸ್ತ್ ಮಸ್ತ್ ಸ್ಟೆಪ್ಸ್ ಹಾಕಿದ್ದಾಳೆ.
ಅದ್ಭುತ ನೃತ್ಯದ ಝಲಕ್ ಜೊತೆಗೆ ಆಕೆಯ ಮುಖಭಾವ ಕೂಡ ನೋಡುಗರ ಕಣ್ಣನ್ನ ಸೆಳೆಯುವಂತಿದೆ. ಡ್ಯಾನ್ಸ್ ಮಾಡ್ತಾ ಮಾಡ್ತಾ ಮಧ್ಯದಲ್ಲೇ ಆಕೆಯ ಜುಟ್ಟಿ ( ಚಪ್ಪಲಿ) ತೆಗೆದುಹೋದ್ರೂ ಸಹ ಕ್ಯಾರೆ ಎನ್ನದ ಹುಡುಗಿ ಅಮೋಘವಾಗಿ ನೃತ್ಯ ಪ್ರದರ್ಶಿಸಿದ್ದಾಳೆ.
ಪೋರಿಯ ವಿಡಿಯೋ ಇನ್ಸ್ಟಾದಲ್ಲಿ ಪೋಸ್ಟ್ ಮಾಡಿದ ಬಿಗ್ ಬಿ, ತರಬೇತಿಯನ್ನೇ ಪಡೆಯದ ಈ ಪ್ರತಿಭೆಯ ನೃತ್ಯ ಬೆರಗುಗೊಳಿಸುವಂತಿದೆ. ನೃತ್ಯ ಮಾಡ್ತಾ ಮಾಡ್ತಾ ನಿನ್ನ ಜುಟ್ಟಿ ತೆಗೆದುಹೋಯ್ತು. ಆದರೆ ಪ್ರದರ್ಶನ ಹೀಗೆ ಮುಂದುವರೀತಾನೇ ಇರಲಿ ಅಂತಾ ಹಾರೈಸಿದ್ದಾರೆ.
Loading ...