ಸರಿಯಾಗಿ ಒಂದು ವರ್ಷದ ಹಿಂದೆ ಬಾಲಿವುಡ್ ನಟ ಶಾರೂಕ್ ಖಾನ್ ʼಬಾಬ್ ಬಿಸ್ವಾಸ್ʼ ಎಂಬ ಚಿತ್ರವನ್ನ ಘೋಷಣೆ ಮಾಡಿದ್ದರು. ಈ ಸಿನಿಮಾದಲ್ಲಿ ಬಾಬ್ ಬಿಸ್ವಾಸ್ ಪಾತ್ರವನ್ನ ಸಾಸ್ವತಾ ಚಟರ್ಜಿ ನಿರ್ವಹಿಸ್ತಾರೆ ಎಂದೇ ಭಾವಿಸಲಾಗಿತ್ತು. ಆದರೆ ಸಿನಿ ಪ್ರಿಯರ ಈ ಊಹೆ ಸುಳ್ಳಾಗಿದ್ದು ಈ ಪಾತ್ರವನ್ನ ಸಾಸ್ವತಾ ಚಟರ್ಜಿ ಬದಲಾಗಿ ಅಭಿಷೇಕ್ ಬಚ್ಚನ್ ನಿರ್ವಹಿಸುತ್ತಿದ್ದಾರೆ.
2012ರಲ್ಲಿ ವಿದ್ಯಾ ಬಾಲನ್ ನಟನೆಯ ಕಹಾನಿ ಸಿನಿಮಾ ನೋಡಿದವರಿಗೆ ಈ ಬಾಬ್ ಬಿಸ್ವಾಸ್ ಪಾತ್ರದ ಬಗ್ಗೆ ನೆನಪಿದ್ದಿರಬಹುದು. ಎಲ್ಐಸಿ ಏಜೆಂಟ್ ಆಗಿದ್ದ ಬಾಬ್ ವಿಸ್ವಾಸ್ ಸೀರಿಯಲ್ ಕಿಲ್ಲರ್ ಕೂಡ ಆಗಿದ್ದ. ಆತ ತನ್ನದೇ ಶೈಲಿಯಲ್ಲಿ ನಮಸ್ಕಾರ್ ಹೇಳುವ ರೀತಿ ಸಿನಿ ಪ್ರಿಯರಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿತ್ತು. ಈ ಪಾತ್ರವನ್ನ ಸಾಸ್ವತಾ ಚಟರ್ಜಿ ಸಿಕ್ಕಾಪಟ್ಟೆ ಅಚ್ಚುಕಟ್ಟಾಗಿ ನಿರ್ವಹಿಸಿದ್ದರು. ಕಹಾನಿ ಸಿನಿಮಾದ ಮುಂದಿನ ಭಾಗದಲ್ಲಿ ಈ ಪಾತ್ರದಲ್ಲಿ ಸಾಸ್ವತಾ ಚಟರ್ಜಿ ಬದಲು ಅಭಿಷೇಕ್ ಬಚ್ಚನ್ ಕಾಣಿಸಿಕೊಳ್ಳಲಿದ್ದಾರೆ.
ಪಾತ್ರಕ್ಕಾಗಿ ಅಭಿಷೇಕ್ ಬಚ್ಚನ್ ತಮ್ಮ ವೇಷ ಬದಲಾಯಿಸಿಕೊಂಡಿದ್ದು ಈ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಅಭಿಷೇಕ್ರ ಹೊಸ ರೂಪ ನೋಡಿದ ಅಭಿಮಾನಿಗಳು ಗುರು ಸಿನಿಮಾ ನೆನಪಿಗೆ ಬರ್ತಿದೆ ಅಂತಾ ಬರೆದುಕೊಂಡಿದ್ದಾರೆ.
Loading ...